ROSO 55
Songoꞌne Kaaꞌli
Alamete doyichora kumunni kiirranni songuwa giddo noohu lowo miliyoone ikkanno manni Yihowara hagiirrunni soqqamanni no. Kuni manni rosanno rosonna uyinanninsa biddishsha naadanno; qoleno songo batinye doogganni kaaꞌla baxanno. Songote miila ikkakkinni atera mayi macciishshamannohe?
1. Yannakkinna wolqakki horoonsidhe songo kaaꞌla dandaattoti mite mite doogga hiikkuriiti?
Ninke baalunku songo kaaꞌla dandiineemmo. Lawishshaho, songoꞌne giddo geerru woy bisu xeꞌne noonsari no? Insa gambooshshe hadhanno gede kaaꞌla dandaatto? Woy wolere assite lawishshaho dikko hadhe mitore hira woy mini giddo mito looso kaaꞌlattonsara dandaatto? (Yaiqoobi 1:27 nabbawi.) Qoleno Gambooshshu Addaraashe feyanna gatamara kaaꞌla dandiineemmo. Kuri coyibba asse yee giddeessannonkehu dino. Maganohonna roduuwinkera noonke baxilli, “Ane soqqie” yineemmo gede kakkayisannonke.—Isayaasi 6:8.
Cuuantinori Yihowa Farciꞌraasine songo kaaꞌla dandiitannoti wole dooggano no. Qullaawu Maxaafi giddo kulloonni guunte wonshitannori labballu roduuwi, songote soqqamaasine woy cimeeyye ikkite songo kaaꞌla dandiitanno. Labballuno ikko meya roduuwi suwisaano ikkite, sabbakate looso diinaggaabbe kaaꞌla dandiitanno. Mitu roduuwi Magano magansiꞌneemmo mine mina kaaꞌla woy kaaꞌlo hasiissanno songo noowa hadhe soqqama dandiitanno.
2. Songo miinjinkenni kaaꞌla dandiineemmohu hiittoonniiti?
‘Jironkenni Kaaliiqa ayirrisa’ dandiineemmo. (Lawishsha 3:9) Woxinkenninna jajjinkenni songonkenna alamete doyichoha sabbakate looso kaaꞌla ninkera lowo ayirrinyeeti. (2 Qorontoosi 9:7 nabbawi.) Fushshineemmo woxe dano iillitinonsare kaaꞌlateno horoonsiꞌnanni. Batinyu roduuwi ‘afidhu bikkinni’ fushshitanno woxe balaxxe hedde wodhitanno. (1 Qorontoosi 16:2 nabbawi.) Magano magansiꞌneemmo bayicho noota fushshote saaxine horoonsiꞌne woy interneetete aana donate.pr418.com widoonni woxe fushsha dandiineemmo. Woxinkenninna jajjinkenni songo kaaꞌline Yihowa banxeemmota leellisha dandiineemmo.
LEDDE XIINXALLI
Hanni songo kaaꞌla dandaattota mite mite doogga laꞌno.
3. Woxenkenna jajjanke horoonsiꞌne kaaꞌla dandiineemmo
Yihowanna Yesuusi hagiirrunni uyitannore baxxanno. Lawishshaho Yesuusi, mitte gunnitte lowo geeshsha buxxe heedhenni Yihowara uyitinore naadino. Luqaasi 21:1-4 nabbabbe; hakkiinni kuri xaꞌmuwa hasaabbe:
-
Yihowa hagiidhannohu lowo woxe uyinummoro callaati?
-
Hagiidhinanni uyineemmo woyite Yihowaranna Yesuusira mayi macciishamannonsa?
Fushshineemmo woxe ma garinni horoonsiꞌnanniro afate, VIIDIYO laꞌe. Hakkiinni aante noo xaꞌmo hasaabbe.
-
Fushshineemmo woxi alamete doyichora noo songuwa kaaꞌlannohu hiittoonniiti?
4. Uminke fajjonni kaaꞌla dandiineemmo
Hundi waro heedhinori Yihowa soqqamaasine, iso magansidhanno mine gatamaratenna biifisate diinaggaabbe loossino. Hatto assitinohu woxe fushshite calla diꞌꞌikkino. Layinki Duduwo 34:9-11 nabbabbe; hakkiinni tenne xaꞌmo hasaabbe:
-
Mittu mittunku Israeelichi Yihowa mine towaata kaaꞌlinohu hiittoonniiti?
Yihowa Farciꞌraasine konne Qullaawu Maxaafi lawishsha harunsitanno gara huwatate, VIIDIYO laꞌe. Hakkiinni aante noo xaꞌmuwa hasaabbe.
-
Gambooshshu Addaraashenke feyanna towaata hasiissannonkehu mayiraati?
-
Ati kaaꞌla dandaattoti mite doogga hiikkuriiti?
5. Labballu roduuwi songote loosira ikkadda ikkate sharrama dandiitanno
Qullaawu Maxaafi, labballu roduuwi songote loosira ikkadda ikkate dandaaminsare baala assitanno gede jawaachishanno. Tennera mitto lawishsha laꞌꞌate, VIIDIYO laꞌe. Hakkiinni aante noo xaꞌmo hasaabbe.
-
Viidiyote giddo, Riyaani songo albinni roore kaaꞌlate ikkado ikkinohu hiittoonniiti?
Qullaawu Maxaafi, songote soqqamaasinenna cimeeyye ikkite soqqantannori wonsha hasiissannonsa guunte xawise kulanno. Umi Ximootewoosi 3:1-13 nabbabbe; hakkiinni tenne xaꞌmuwa hasaabbe:
MITU MANNI TOGO YEE XAꞌMARA DANDAANNO: “Yihowa Farciꞌraasine loosinsara woxe afidhannohu mamiinniiti?”
-
Ati tennera mayite qolatto?
XAPHISHSHA
Yihowa yannanke, wolqankenna jajjanke horoonsiꞌne songo kaaꞌlinanna laꞌꞌanno woyite lowo geeshsha hagiidhanno.
Kageeshsha Rosoottore
-
Yannankenninna wolqankenni songo kaaꞌla dandiineemmohu hiittoonniiti?
-
Songo woxinkenninna jajjinkenni kaaꞌla dandiineemmohu hiittoonniiti?
-
Ati songo hiittee doogganni kaaꞌla hasiꞌratto?
EGENNO LEXXI
Maganu xaa yannara asaraate fushshinammora hasiꞌrannokkihu mayiraati?
“Qullaawu Maxaafi Asaraate Fushshate Daafira Mayyaanno?” (Webisayitenkera fultino borro)
Qullaawu Maxaafi, songote giddo mito looso cuuantino labballi loossannota kulanno. Kayinni konne looso cuuantino meyati loosa hasiissannoseha ikkirona?
“Songote Giddo Noota Umimmate Silxaane Wodancha” (Agarooshshu Shae, Ammajje 2021)
Uminsa qiniite agurte, ammanate roduuwinsara borro iillishate sharrantinori worbuullu roduuwi assitinore huwati.
Kongote Gobbara Qullaawu Maxaafi Aana Xintantino Borro Iillisha (4:25)
Wole ammaꞌnowiinni baxxino garinni, loosinkera woxe afiꞌneemmohu hiittoonniitiro nabbawi.
“Yihowa Farciꞌraasine Loosinsara Woxe Afidhannohu Hiittoonniiti?” (Webisayitenkera fultino borro)
Kurino Lai
DUUCHU MANNI XAꞌMANNO XAꞌMO
Yihowa Farciꞌraasine Qullaawa Maxaafa Xiinxallissannohu Hiittoonniiti?
Yihowa Farciꞌraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiꞌra dandaatto. Xiinxallokkira maatekki gudisse woy jaallakki koyisa dandaatto.
