PĚNGANGĚNDUNGANG 55
Tul᷊ungke Sidangu
Su patikụ dunia, jutane taumata mal᷊uasẹ̌ měněmbah si Yehuwa su hiwune sidang. I sire měngẹ̌ngarěga laahạ nitarimạ i sire kụ lai masěmangatẹ̌ nẹ̌tul᷊ung sidang dingangu lawọ cara. Apa i kau lai nẹ̌pěndang kerene soal u sidangu?
1. Kerea i kau botonge měpakẹ tempo dingangu katatoghasu gunang mẹ̌tul᷊ung sidang?
I kitẹ kěbị botonge mẹ̌tul᷊ung sidang. Contone, apa su sidangu piạ anạu sěmbaụ seng maghurang arau mahungsakị? Apa i kau botonge mẹ̌tul᷊ung si sire gunang makoạ sarang pěngangibadang? Arau apa i kau botonge mẹ̌tul᷊ung su hal᷊ẹ̌ bal᷊inẹ, kere mẹ̌bělanja arau měkoạ hal᷊ẹ̌ su wal᷊ene? (Basa Yakobus 1:27.) I kitẹ lai botonge mẹ̌tul᷊ung měmurěsi dingangu měngurusẹ̌ Banalang Kararatuang. Tawẹ apa taumata memaksa si kitẹ měkoạ manga hal᷊ẹ̌ ene. Kakěndagẹ̌ su Mawu dingangu su anạu sěmbaụ sarung makakoạ si kitẹ ”merelakan diri”.—Mazmur 110:3.
Sahiding Yehuwa apang nibaptisẹ̌ botonge mẹ̌tul᷊ung sidang dingangu cara wal᷊inẹ. Saudara apang memenuhi syarat botonge makoạ hamba pelayanan, kụ su tempone sarung makoạ penatua. Saudara dingangu saudari lai botonge mẹ̌tul᷊ung hal᷊ẹ̌ měnginjilẹ̌ kụ makoạ perintis. Pirang katau Sahiding Yehuwa botonge mẹ̌tul᷊ung měndarisị tampạ pěngangibadang arau měngal᷊ing sarang sidang wal᷊inẹ kụ membutuhkan tul᷊umang.
2. Kerea i kitẹ botonge měpakẹ doitẹ̌ dingangu arětạ gunang mẹ̌tul᷊ung sidang?
I kitẹ botonge ’měngadatẹ̌ [si Yehuwa] ringangu . . . patikụ arětạ [i kitẹ]’. (Amsal 3:9, Binohẹ Susi Bal᷊o Mapia) I kitẹ sarung makapěndang karal᷊uasẹ̌ mạeng měgělị doitẹ̌ arau arětạ i kitẹ gunang mẹ̌tul᷊ung sidang lai mẹ̌tul᷊ung hal᷊ẹ̌ měnginjilẹ̌ su patikụ dunia. (Basa 2 Korintus 9:7.) Sumbangan i kitẹ lai botonge makatul᷊ung su tempong piạ bencana alam. Lawọ seng němutusẹ̌ ”měhae doitẹ̌” gunang sumbangan. (Basa 1 Korintus 16:2.) I kitẹ botonge měgělị sumbangan su kotak sumbangan su tampạ pěngangibadang arau měgělị secara online su donate.pr418.com. Yehuwa něgělị si kitẹ kesempatan gunang měnodẹ kakěndagẹ̌ si Sie bọu cara i kitẹ měpakẹ arětạ.
BANGKA PAKARAL᷊UNG
Mahịe měmanda piram baụ cara i kau botonge mẹ̌tul᷊ung sidang.
3. I kitẹ botonge měpakẹ arětạ i kitẹ
Yehuwa makěndagẹ̌ su taumata apang měgělị dingangu karal᷊uasu naung, kụ i Yesus lai kerene. Contone, Yesus nẹ̌dalo sěngkatau wawine wal᷊u. Maning wawine ene masusah, i sie tatapẹ̌ něgělị sumbangan. Basa Lukas 21:1-4, bọu ene bisarai manga kakiwal᷊o ini:
-
Apa i kitẹ harusẹ̌ měgělị lawọ sumbangan tadeạu makal᷊uasẹ̌ si Yehuwa?
-
Kerea pěndang i Yehuwa dingangi Yesus su tempong i kitẹ měgělị sumbangan dingangu karal᷊uasu naung?
Gunang makasingkạ kerea sumbangan i kitẹ nipakẹ, putarẹ̌ VIDEONE. Bọu ene, bisarai kakiwal᷊o ini.
-
Kerea sumbangan i kitẹ nipakẹ gunang mẹ̌tul᷊ung manga sidang su patikụ dunia?
4. I kitẹ botonge mẹ̌tul᷊ung
Su zaman Alkitapẹ̌, manga ělang i Yehuwa masěmangatẹ̌ měngurusẹ̌ tampạ pěngangibadang i sire. Katewe, i sire bal᷊inẹ kětạeng něgělị doitẹ̌. Basa 2 Tawarikh 34:9-11, bọu ene bisarai kakiwal᷊o ini:
-
Kerea tau Israel něngurusẹ̌ bal᷊eng Yehuwa, arau tampạ pěngangibadang?
Gunang měmanda kerea Sahiding Yehuwa nẹ̌těno si sire, putarẹ̌ VIDEONE. Bọu ene, bisarai manga kakiwal᷊o ini.
-
Kawe nụe penting měndiagạ Banalang Kararatuang tatapẹ̌ burěsi dingangu naurusẹ̌?
-
Apa piram baụ hal᷊ẹ̌ botonge koatengu gunang mẹ̌tul᷊ung?
5. Saudara-saudara botonge mẹ̌tawakal᷊i gunang makaěbạ limembong lawọ tanggung jawab
Alkitapẹ̌ němahangsang manga esẹ Kristen tadeạu mẹ̌tawakal᷊i měkoạ apa wotonge ikakoạ i sire gunang mẹ̌tul᷊ung sidang. Gunang měmanda sěmbaụ contone, putarẹ̌ VIDEONE. Bọu ene, bisarai kakiwal᷊one.
-
Su video ene, kerea i Ryan nẹ̌tawakal᷊i tadeạu botonge měkoạ limembong lawọ hal᷊ẹ̌ gunang mẹ̌tul᷊ung sidang?
Alkitapẹ̌ nělahẹ apa syaratẹ̌ sěngkatau saudara botonge makoạ hamba pelayanan dingangu penatua. Basa 1 Timotius 3:1-13, bọu ene bisarai manga kakiwal᷊o ini:
ARAMANUNG PIẠ U NẸ̌KIWAL᷊O: ”Bọu apa Sahiding Yehuwa nakaěbạ doitẹ̌ gunang hal᷊ẹ̌ i sire?”
-
Kerea i kau sumimbahẹ̌ kakiwal᷊o ene?
RINGKASAN
Yehuwa sěbạe měngẹ̌ngarěga mạeng i kitẹ měpakẹ tempo, katatoghasẹ̌, dingangu arětạ gunang mẹ̌tul᷊ung sidang.
Apa seng nikaěndungangu?
-
Kerea i kitẹ botonge měpakẹ tempo dingangu katatoghasẹ̌ gunang mẹ̌tul᷊ung sidang?
-
Kerea i kitẹ botonge měpakẹ arětạ gunang mẹ̌tul᷊ung sidang?
-
Piram baụ hal᷊ẹ̌ apa mapulu koatengu gunang mẹ̌tul᷊ung sidang?
PĚMANDA LAI
Pěngěndungke kawe nụe Mawu seng tawe něngoro manga ělang’E měgělị perpuluhan.
Pěngěndungke apa mangal᷊ene ’mẹ̌tawakal᷊i makaěbạ hal᷊ẹ̌ mapaelẹ̌’ su sidang.
”Apa i Kau ’Mětẹ̌tawakal᷊i Makaěbạ Hal᷊ẹ̌ Mapaelẹ̌’?” (Menara Pengawal, 15 September 2014)
Pěmandạe kerea pirang katau Sahiding Yehuwa někoạ pengorbanan gěguwạ gunang měngěntudẹ̌ bawasang su anạu sěmbaụ i sire.
Pěmanda bọu apa Sahiding Yehuwa nakaěbạ doitẹ̌ gunang hal᷊ẹ̌ i sire, kụ ene nẹ̌tatěntang bọu organisasi agama wal᷊inẹ.
”Bọu Apa Sahiding Yehuwa Nakaěbạ Doitẹ̌ gunang Hal᷊ẹ̌ i Sire?” (Artikel web)
