LESOGNE 55
Ampeo ty Fiangonagne Misy Azo
Ndaty an-tapetrisa’e magneran-tane ty fale manompo i Jehovah amy ty fiangonagne agn’arivo’e. Ankasitraha iareo ty toromareke naho ty tari-dalagne azo iareo agne. Mazoto magnampe ty fiangonagne misy iareo amy ty fomba sambe karaza’e iareo. Izay ka vao ty tsapa’o amy ty fiangonagne misy azo?
1. Akore ty azo’o ampiasagne ty fotoa’o naho ty heri’o mba hagnampeagne o fiangonagneo?
Sambe afake magnampe ty fiangonagne misy antikagne tika tsikiraidraike. Misy ndaty antetse ndra manan-kandra vao ty amy ty fiangonagne misy azo? Afake magnampe iareo vao rehe naho fa handeha hivory iareo? Ndra afake magnampe iareo amy ty raha hafa, ohatse manao ty bezara’e ndra ty tolon-draha an-tragno’e ao? (Vakio ty Jakoba 1:27.) Magnampe ty fiangonagne misy antikagne ka tika naho manolo-tegna mba hagnalio naho hikojakoja ty Anjomba i Fanjakagney. Tsisy ndaty hanere antikagne hanao ireo. Ty hateantikagne i Jehovah naho o rahalahintikagneo ty mahavy antikagne “hanolo-tegna an-tsitrapo.”—Salamo 110:3.
Naho fa vita badisa ty ndaty raike, le maro ty raha azo’e atao mba hagnampeagne o fiangonagneo. Azo tendregne ho mpagnampe amy ty fiangonagne, ndra ho androanavi-pagnahy ze rahalahy mahafeno fepetse. Afake mampitombo ty fanompoa’e mba hanoagne mpisava lalagne reke ndra rahalahy zay ndra rahavave. Ty ila’e ka magnampe amy ty fagnoregnagne ty tragno ampiasae i fandaminagne ndra mifindra amy ty toeragne hafa amy ze fiangonagne mipay fagnampeagne.
2. Akore ty azontikagne ampiasagne ty volantikagne naho ty fanagnantikagne mba hagnampeagne o fiangonagneo?
Azontikagne atao ty ‘magnomey voninahitse i Jehovah amy ze raha sarobily anagnantikagne.’ (Ohabolana 3:9) Fale tikagne naho fa magnomey vola mba hagnampeagne o fiangonagneo naho hanohagnagne ty asa fitoriagne magneran-tane. (Vakio ty 2 Korintianina 9:7.) Ampiasaegne mba hanohagnagne ze rahalahy nizoem-boigne i fagnomezagne ataontikagne rey. Maro ty mifily “hanokagne vola” isan-keregnandro ndra isam-bolagne mba hatao’e fagnomezagne. (Vakio ty 1 Korintianina 16:2.) Azontikagne atao ty mandrotsake aze amy i boate fanoagne fagnomezagne amy i Anjomba i Fanjakagney agne ndra alefa amy ty alala ty Internet amy donate.pr418.com ao. Mampiseho ty hateantikagne i Jehovah tikagne naho fa mampiasa ty volantikagne naho ty fanagnantikagne mba hagnampeagne o fiangonagneo.
ANDAO HANDINEKE TY PITSOPITSO’E
Hodinehentikagne ato ty raha ila’e azo’o atao mba hagnampeagne o fiangonagneo.
3. Afake mampiasa ty volantikagne naho ty fanagnantikagne tika
Tea i Jehovah naho i Jesosy ze ndaty magnomey am-pifaleagne. Nikezake nanao fagnomezagne ohatse i rakemba vantotsey, ndra tie nahantra aza. Nidera aze ty Jesosy naho fa nahatrea izay. Vakio ty Lioka 21:1-4, sady iharò midineke ty fagnonteneagne retoa:
-
Tsy maintsy magnomey vola bey vao tikagne vaho izay ty Jehovah fale?
-
Ino ty tsapa i Jehovah naho i Jesosy naho fa magnomey amy ty fo tikagne?
Akore ty ampiasagne i fagnomezagne ataontikagne rey? Alefaso i VIDEO oy. Iharò midineke ty fagnonteneagne toy naho fa avy eo.
-
Mahasoa ty fiangonagne magneran-tane i fagnomezagne ataontikagne rey. Inogne iaby ty ampiasagne aze?
4. Azontikagne atao ty manolo-tegna mba hagnampe
Nazoto nikarakara ty toeragne fivavaha iareo tamy i Jehovah ty mpanompo’e taloha. Tsy tihoe nagnomey vola avao iareo, fa nisy raha hafa natao iareo ka. Vakio ty 2 Tantara 34:9-11, sady iharò midineke ty fagnonteneagne toy:
-
Ino ty natao ty Israelita tsikiraidraike mba hikarakaragne i Anjomba i Jehovah-y ndra i toeragne fivavaha iareoy?
Magnorike ty modely nengà iareo ka ty Vavolombelo i Jehovah. Alefaso i VIDEO oy. Iharò midineke ty fagnonteneagne retoa naho fa avy eo.
-
Nagnino ro toko’e ho liovegne naho ho kojakojaegne lognandro ty Anjomba i Fanjakagney?
-
Ino ka ty raha hafa azo’o atao mba handrambesagne anjara amy io?
5. Azo o rahalahio atao ty mikezake mba hahazo andraikitse fagnampe’e
Mandrisike o lahilahy Kristianao ty Soratse Masigne mba hanao ze azo iareo atao hagnampeagne o fiangonagneo. Intoy misy ohatse raike. Alefaso i VIDEO oy. Iharò midineke ty fagnonteneagne toy naho fa avy eo.
-
Inogne iaby ty raha natao i Ryan mba hagnampeagne i fiangonagney, arake i video teoy?
Rehafegne amy Baiboly ao tie, inogne iaby ty fepetse takegne amy ty rahalahy mikezake ho mpagnampe amy ty fiangonagne naho ho androanavi-pagnahy. Vakio ty 1 Timoty 3:1-13, sady iharò midineke ty fagnonteneagne retoa:
-
Ino ty fepetse takegne amy ze rahalahy te ho mpagnampe amy ty fiangonagne naho te ho androanavi-pagnahy?
-
Ino ka ty fepetse takegne amy ty valy aman’ana’e?—Henteo ty andine’e 4 naho 11.
-
Ino ty soa rambese o fiangonagneo naho mikezake mafe mba hahafeno o fepetse rehoe o rahalahio?
MISY TY MAGNONTANE TIE: “Boake aia ty vola ampiasae o Vavolombelo i Jehovah-o?”
-
Akore ty havale’o izay?
FAMINTIGNAGNE
Fale ty Jehovah naho mampiasa ty fotoantikagne, ty herintikagne, naho ty volantikagne vaho ty fanagnantikagne mba hagnampeagne o fiangonagneo tikagne.
Fameregnagne
-
Akore ty azontikagne ampiasagne ty fotoantikagne naho ty herintikagne mba hagnampeagne o fiangonagneo?
-
Akore ty azontikagne ampiasagne ty volantikagne naho ty fanagnantikagne mba hagnampeagne o fiangonagneo?
-
Inogne iaby ty tea’o hatao mba hagnampeagne o fiangonagneo?
FAGNAZAVAGNE FAGNAMPE’E
Nagnino ty Andrianagnahare ro tsy mandily ty mpanompo’e hagnomey ampahafolon-karena sasa?
“Ino ty Rehafe ty Baiboly Miomba ty Ampahafolon-karena?” (Lahatsoratse amy jw.org ao)
Rehafe ty Baiboly ty ila’e amy ty andraiky ty lahilahy vita Badisa. Faie akore naho tsy maintsy manao o andraikitse rehoe ty ampela vita badisa?
“Fantaro ty Raha Anagna’o Fahefagne Agnivo o Fiangonagneo Eo” (Fitalakesan-davitse Fevrie 2021)
Nanagne herim-po ty Vavolombelo i Jehovah retoa mba hagnatetse boke naho gazete amy ty mpiharo finoagne ama’e agne.
Tsy manahake ty atao ty fivavahagne hafa ty fanohagnagne ara-bola ty asa ty Vavolombelo i Jehovah.
“Boake Aia ty Vola Ampiasae ty Vavolombelo i Jehovah?” (Lahatsoratse amy jw.org ao)
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
