UMBUESÁ 55
Reapoiari ne congregação
Pañhe kuá mundo upé, siya miraitá ta upurakí Jeová supé congregaçãoitá upé. Aintá ta ugustari ta uyumbué congregação upé asuí ta uputari ta uapoiari congregação. Será reyusaã kuayé ne congregação upé?
1. Mayé repoderi reusari ne tempo asuí ne kirimbasá reapoiari arama ne congregação?
Pañhe yandé yapoderi yajudari yané congregação upé. Repoderi será reajudari yepé yané imũ tuyuewaá u awaitá ta uprecisariwaá ajuda ta usú arama Salão do Reino kití? Amuramé repoderi reajudari aintá ta uyusí ta ruka u ta umuñhã arama amú maã ta uprecisariwaá. (Releri Tiago 1:27.) Yapoderi yuíri yasikari yamuyusí u yamukaturu mamé yayumuatiri. Ne awá uforçari yandé. Yamuñhã kuayé ñhãsé yasaisú Deus asuí yané imũitá. Yawewaá resewara yapurakí Jeová supé yané piá suí. — Salmuitá 110:3.
Umbeusaitá Jeová resé ta uyubatizariwanawaá ta upoderi ta umuñhã siya maã ta uajudari arama congregação upé. Yepé exemplo, apigaitá ta upoderi ta upurakí mayé servo ministerial u ancião. Asuí pañhe yandé yapoderi yapurakí Jeová supé mayé pioneiro. Yepeyepé Umbeusaitá Jeová resé ta uajudari ta umuñhã arama ukaitá mamé yayumuatiriwaá. Amuitá ta umutirika amú tawa kití ta uajudari arama yepé congregação uprecisariwaá ajuda.
2. Mayé yapoderi yausari maã yarikuwaá yajudari arama yané congregação?
Yapoderi yameẽ glória Jeová supé maã irum yarikuwaá. (Provérbiuitá 3:9) Puranga yandé arama yameẽ ramé yané donativo yajudari arama yané congregação asuí yané murakí mundo turususá upé. (Releri 2 Korintowaraitá 9:7.) Yapoderi yameẽ yané dinheiro yajudari arama yané imũitá ta upurarawaá ta uikú. Siya miraitá ta uparawaka muíri semana, u muíri yasí ta umeẽ dinheiro Jeová supé. (Releri 1 Korintowaraitá 16:2.) Yapoderi yamuñhã yané donativo Salão do Reino upé u yané site donate.pr418.com upé. Mayé yausari yané yara upoderi uxari Jeová ukuá yasaisú aé.
REYUMBUÉ PIRI ARAMA
Remaã mayé repoderi reapoiari ne congregação.
3. Reapoiari ne congregação ne donativoitá irum
Jeová asuí Jesus ta usaisú awá umeẽ ipiá suí. Yepé exemplo, Jesus umaã mairamé yepé viúva pirasuawaá umuñhã yepé donativo. Peleri Luka 21:1-4, ariré pekuntari kuá resé:
-
Será yaprecisari yameẽ bũa dinhero yamusurí arama Jeová?
-
Mayé taá Jeová asuí Jesus ta uyusaã yameẽ ramé yané donativo yané piá suí?
Rekuá arama mayé ta usari yané donativo, pemaã kuá VÍDEO, ariré pekuntari kuá resé.
-
Mayé yausari yané donativo yajudari arama pañhe congregaçãoitá mundo turususá upé?
4. Amú maã yapoderiwaá yamuñhã yajudari arama
Kuxiíma kuera Jeová miraitá ta ugustari ta umukaturu mamé aintá ta uyumuatiri ta uadorari arama Jeová. Aintá ta uprecisari ta umeẽ ajuda asuí dinheiro ta umuñhã arama kuayé. Peleri 2 Krônikaitá 34:9-11, ariré pekuntari kuá resé:
-
Mayé israelitaitá ta uajudari ta umukaturu arama templo?
Remaã arama mayé Umbeusaitá Jeová resé ta umusangá israelitaitá. pemaã kuá VÍDEO, ariré pekuntari kuá resé:
-
Marã taá yarikuté yamuñhakunta mamé yayumuatiri?
-
Mayé indé repoderi reajudari?
5. Apigaitá ta upoderi ta umuñhã piri congregação rupí
Bíblia umbeu apigaitá supé ta uyuesforçari arama ta uajudari congregação upé. Remaã arama yepé exemplo, pemaã kuá VÍDEO, ariré pekuntari kuá resé.
-
Kuá vídeo upé, maã Ryan umuñhã uajudari piri arama congregação upé?
Bíblia umbeu mayewaá rikusaitá apigaitá ta uprecisari ta urikú ta upurakí arama mayé servo ministerial u ancião. Peleri 1 Timóteo 3:1-13, ariré pekuntari kuá resé:
-
Mayewaá rikusaitá apigaitá ta uprecisari ta urikú ta upurakí arama mayé servo ministerial asuí ancião?
-
Mayewaá rikusaitá ta anama ta uprecisari ta urikú? — Pemaã versículoitá 4 asuí 11.
-
Marã taá puranga congregação supé mairamé apigaitá ta uyuesforçari ta urikú arama kuá rikusaitá?
YEPEYEPÉ MIRAITÁ TA UMBEU: “Masuí úri kuá dinheiro Umbeusaitá Jeová resé ta usari ta umuñhã arama ta murakí?”
-
Mayé resuaxara?
MAÃ REYUMBUÉ
Jeová uvalorari retana yayuesforçari ramé yajudari arama congregação yané tempo irum, yané kirimbasá irum asuí yarikuwaá irum.
Remanduári arama
-
Mayé taá yapoderi yausari yané tempo asuí yané kirimbasá yajudari arama congregação upé?
-
Mayé taá yapoderi yausari yané yara yajudari arama congregação upé?
-
Mayé taá indé reputari reajudari congregação upé?
REPUTARI SERÁ REKUÁ PIRI
Remaã marã Deus ti umundú yameẽ dízimo.
“Maã Bíblia umbeu dízimo resé?” (Artigo do jw.org)
Remaã maã yaprecisari yamuñhã yapurakí piri arama congregação upé.
“Resikari será repurakí piri Jeová supé?” (A Sentinela, 15 de setembro de 2014)
Remaã mayé yepeyepé Umbeusaitá Jeová resé ta urikú coragem ta urasú arama paperaitá ta mũitá supé.
Ta urasú paperaitá Bíblia resé apekatú kití Congo upé (4:26)
Yandé amurupité amú religiãoitá suí. Mayé yarikú dinheiro yamuñhã arama yané murakí?
“Masuí úri dinheiro Umbeusaitá Jeová resé ta usari ta murakí upé?” (Artigo do jw.org)
