QUIMELTUN 57
¿Chem dungu rupayafui fütra culpaliyiñ?
Com iñchiñ piuqueyeniefiyiñ ta Jehová, feimu cuñiutucuuqueiñ taiñ hueñancülnoafiel. Huelu taiñ culpafengen meu, huelulcayafuiñ fei culpayafuiñ. Ca quiñeque mu doi fütra culpayafuiñ (1 Corintios 6:9, 10). Huelu ngoimalayaiñ fütra culpaliyiñ rume, Jehová “poyehuelayaeneu” pilayafuiñ, doi mai quisu eluucülei taiñ perdonayaeteu ca taiñ quelluaeteu.
1. ¿Chem femafuiñ taiñ perdonayaeteu Jehová?
Quiñe che piuqueyeniefilu ta Jehová fütra culparumele, rume huesa duamquei. Huelu Jehová yafültucuquefi pu culpalu tüfachi feipin meu: “Tamün culpan huilüf quelülefule rume, ligcünungetuai tati pire reque” (Isaías 1:18). Repentiutuliyiñ com taiñ piuque mu, Jehová perdonayaiñmu. ¿Chumquei tati pu che repentiutulu? Müna huesa duamquei tañi culpan meu, eluuquei tañi femngechi femhuenoal ca llellipuquefi ta Jehová tañi perdonayaeteu. Huelu, ¿fei müten ta femquei? Femlai. Ca eluucülequei ñi norümtual tañi raquiduam ca elcünual huesaque huimtun, femngechi ñi inanieal Jehová tañi feipin ñi mongen meu (papeltuaimi Isaías 55:6, 7).
2. Jehová, ¿chumngechi pünequefi pu loncolelu taiñ quelluaeteu culpaliyiñ?
Jehová ngülamtuquefi tati pu culpalu “ñi mütrümafiel pu loncolelu trahunche mu” (papeltuaimi Santiago 5:14, 15). Pu loncolelu piuqueyeniefi ta Jehová ca tañi troquiñche. Fei engün pepicaucüleingün ñi quelluafiel pu peñi ca pu lamngen ñi cümelcautual Jehová engu (Gálatas 6:1).
Culpaliyiñ, ¿chumngechi quelluafeiñmu pu loncolelu? Epu cam cüla loncolelu pengelaiñmu Biblia mu chumngelu a cümelai taiñ femün, cafei yafültucuaiñmu ca eluaiñmu cümeque ngülam taiñ huiño culpahuenoal. Ti culpalu petu cümelcautulu Jehová engu, pu loncolelu eluñmalayafeyu ñi femal quiñeque dungu trahunche meu. Quiñe che culpale repentiutunole, pu loncolelu huemünentuaeyu trahunche meu, femngechi ñi cuñiutucuafiel pu peñi ca pu lamngen.
DOI QUIMAIMI
Doi cüme ngüneduamaiñ ca falintuafiyiñ chumquei Jehová taiñ quelluaeteu culpaliyiñ.
3. Entudunguliyiñ taiñ culpan, cümelcautuaiñ Jehová iñchiñ
Tunte pichin dungu mu rume culpaliyiñ, Jehová huesa duamquei. Feimu llellipun mu feipiafiyiñ ta Jehová taiñ huelulcahun. Papeltuaiñ Salmo 32:1-5, ca ngüneduamaiñ tüfachi ramtun:
-
Culpaliyiñ ellcayafuiñ taiñ huesa femün, huelu ¿chumngelu doi cümeafui taiñ entudungulelafiel ta Jehová?
Entudungulelafiyiñ ta Jehová taiñ culpan, huelu cafei nütramcalelafiyiñ taiñ pu loncolelu, femngechi doi cüme duamcületuaiñ. Peaiñ ti VIDEO, ca ngüneduamaiñ tüfachi ramtun.
-
Pu loncolelu, ¿chumngechi quellufingün ta Canon ñi huiñotual Jehová mu?
Pu loncolelu cüpa quelluqueiñmu, feimu com nütramcalelafiyiñ ca coilatulayafiyiñ. Papeltuaiñ Santiago 5:16, ca ngüneduamaiñ tüfachi ramtun:
-
Taiñ doi cüme quelluaeteu pu loncolelu, ¿chumngelu cümeafui taiñ com feipiafiel?
Llellipun mu feipiafimi ta Jehová tami culpan, com entudungulelafimi pu loncolelu ca llohuaimi Jehová ñi quellun.
4. Huemünentungen mu quiñe che, cümelcangequei quisu ca tati trahunche
Quiñe che fütra culpale ca pihuenole ñi inanieal Jehová tañi feipin, mülei ñi huemünentungeal trahunche meu. Feimu eluucüleaiñ taiñ famentuafiel tüfachi che ca taiñ dunguhuenoafiel. Papeltuaiñ 1 Corintios 5:6, 11 ca 2 Juan 9-11, fei ngüneduamaiñ tüfachi ramtun:
-
Raquiduamliyiñ ñi feipin Biblia ti fayümhue mu, ¿huesalcangepeafui mai ti trahunche huemünentungenole ti huiñoraquiduamtunolu? ¿Chumngelu cai?
Mülei fentren che huemünentungelu trahunche mu, huelu eluhuingün ñi huiñotual, ¿chumngelu? Cutran-ngefule rume ñi femngeel engün, tüfa quellueyeu tañi cüme elcünutual tañi mongen (Salmo 141:5). Peaiñ ti VIDEO, ca ngüneduamaiñ tüfachi ramtun.
-
¿Chumngechi quellungei Ana tañi huemünentungen trahunche mu?
Huemünentungen mu ta quiñe che:
-
¿Chumngechi püramyengei Jehová tañi üi?
-
¿Chumngechi pengeli Jehová tañi norngen ca tañi piuqueyechequen?
5. Jehová perdonaqueiñmu huiñoraquiduamtuliyiñ
Jesús quiñe nütram meu quimeltui chum duamquei Jehová repentiutun mu quiñe che. Papeltuaiñ Lucas 15:1-7, ca ngüneduamaiñ tüfachi ramtun:
-
¿Chem quimeltun nentuafuiñ Jehová mu tüfachi nütram meu?
Papeltuaiñ Ezequiel 33:11, ca ngüneduamaiñ tüfachi ramtun:
-
Taiñ pengelal taiñ rüf repentiucülen, ¿chem mülei taiñ femal?
Jehová quiñe cüme camañfe reque ngei, rume duamtuniefilu cai tañi pu che.
QUIÑEQUE CHE FEIPIAFEIMU: “Nütramcafili pu loncolelu ñi huesa femün, llicaquen tañi huemünentungeal”.
-
Quiñe che feipielmu tüfa, ¿chumngechi huiñoldunguafuimi?
TAMI QUIMEL
Repentiutuliyiñ rüf piuque meu ca eluuliyiñ taiñ huiño femhuenoal, Jehová perdonayaiñmu
¿Chem piafuimi?
-
¿Chumngelu cümelcayafeiñmu entudungulelafiel ta Jehová taiñ huesa femün?
-
¿Chumafuiñ taiñ perdonayaeteu Jehová?
-
Fütra culpaliyiñ, ¿chumngelu mülei taiñ quintual quellun pu loncolelu mu?
CA PEAFUIMI
Pefinge chumngechi quiñe huentru quellueyu Jehová ñi cutranpiuqueyechen feipilelu Isaías 1:18.
Huemünentungen mu ti huiñoraquiduamtunolu, ¿chumngechi quisu cümelcangei ca tati trahunche?
“Huemünentungen mu quiñe che pengelngequei piuqueyehun” (Ti Huerquen 15 abril, 2015)
Quimnge chumngechi feipiafuimi quiñe che testigongenolu chumngelu quiñeque che huemünentungei trahunche mu.
Quiñe huentru püntüulu Jehová meu quimtucui Jehová ñi ayülen tañi huiñotual. Tami doi quimal pefinge ti nütram feipilu “Duamniefun huiñotual Jehová mu”.
“Ti Biblia cüme elcünutueyu ñi mongen” (Ti Huerquen 1 abril, 2012)
a Chemu.
Eimi ca ayüafuimi
DOI RUPA ÑI RAMTUNGEQUEEL
¿Chem am tati chillcatun Biblia?
Tami chillcatual pu testigo engün püneafuimi chem Biblia rume. Cafei mangelafuimi tami pu familia ca hueni tamün quiñentrür chillcatual Biblia.
