DUNGU 57
¿Chem dungu upaabüi bütra yabcaliiñ?
Com iñchiñ piuqueyenebiiñ Jehová, beimu cuñiutucuuquiiñ taiñ hueñancülnoabel. Huelu yabcabengelu iñchiñ, beimu huelulcahuabüiñ. Cabei quiñeque mu doi bütra yabcaabüiñ (1 Corintios 6:9, 10). Bemngechi upalmi, raquiduamlaaimi Jehová piuqueyehuelaenu, tuculpange quidu ayüqui tami huiñoduamtuatu ca quelluatu (incaatu).
1. ¿Chumabüiñ Jehová taiñ ulpacünoñmaetu yabcan?
Quiñe che piuqueyebilu Jehová bütra yabcaumele, müna hueya duamqui. Beimu Jehová yabülduamquebi pu yabcalu tübachi eipin mu: “Tamün yabcan huilüb quelülebüle ume, ligcünongetoi piren reque” (Isaías 1:18). Hueya duamcüleliiñ com taiñ piuque mu, Jehová ulpacünoñmaiñmu taiñ yabcan. ¿Chumabüimi bemngechi duamcülelmi? Huiñoraquiduamtuaimi tami yabcan mu, bemngechi bemhuenoal ca ngillatuabimi Jehová tami huiñoduamtuaetu. ¿Ca chumabüimi? Norümtuami tami raquiduam ca elcünoaimi hueyaque huimtun, bemngechi inaneaimi Jehová tañi eipin tami mongen mu (papiltunge Isaías 55:6, 7).
2. Jehová, ¿chumngechi elbalcünobi pu loncolelu taiñ quelluaetu yabcaliiñ?
Jehová eipiquebi tati pu yabcalu “ngütrümpe pu loncolelu trahunche mu” (papiltunge Santiago 5:14, 15). Pu loncolelu piuqueyebi Jehová ca tañi trahunche. Quidu engün pepicaucülingün tañi quelluabel pu peñi ca pu lamngen ñi cümelcautol Jehová engu, bemngechi amuleai tañi hueniyehun (Gálatas 6:1).
Yabcaliiñ, ¿chumngechi quelluabeiñmu pu loncolelu? Epu cam cüla loncolelu pengelaiñmu Biblia mu chemu cümelai taiñ bemün, cabei nehuentucuaiñmu ca eluaiñmu cümeque ngülam taiñ huiño yabcahuenoal. Tati yabcalu petu cümelcautulu Jehová engu, pu loncolelu eipiabeyu tañi bemnoal quiñeque dungu trahunche mu. Quiñe che yabcalu hueya duamcülenole cam amulele tañi hueya bemün mu, pu loncolelu huemünentuaeyu trahunche mu, bemngechi cuñiutucuabingün pu peñi ca pu lamngen.
DOI CÜME QUIMNGE
Doi cüme quimaiñ ca balintuabiiñ chumqui Jehová taiñ quelluatu bütra yabcaliiñ.
3. Entudunguliiñ taiñ yabcan, cümelcautoiñ Jehová iñchiñ
Püchün dungu mu ume yabcaliiñ, Jehová hueya duamqui. Beimu ngillatun mu eipiabiiñ Jehová taiñ huelulcahun. Papiltoiñ Salmo 32:1-5. Papiltungele hula ngütramcaabiiñ tübachi ramtun:
-
Yabcaliiñ ellcaabüiñ taiñ hueya bemün, huelu ¿chemu doi cümeabüi taiñ ngütramelabel Jehová?
Ngütramelabiiñ Jehová taiñ yabcan, cabei ngütramcalelabiiñ taiñ pu loncolelu, bemngechi doi cüme duamcületoiñ. Quintulbe tati VIDEO. Quintulngele hula ngütramcaabiiñ tübachi ramtun:
-
Pu loncolelu, ¿chumngechi quellubingün Canon tañi huiñotol Jehová mu?
Pu loncolelu cüpa quelluqueiñmu, beimu com ngütramelabüiñ ca coilatulaabiiñ. Papiltoiñ Santiago 5:16. Papiltungele hula ngütramcaabiiñ tübachi ramtun:
-
Pu loncolelu taiñ doi cüme quelluaetu, ¿chemu cümeabüi taiñ com eipiabel?
Ngillatun mu eipiabimi Jehová tami yabcan, com ngütramelabimi pu loncolelu ca llohuaimi Jehová ñi quellun.
4. Huemünentungele quiñe che, cümelcaquebi quidu ca tati trahunche
Quiñe che bütra yabcale ca pihuenole inaneal Jehová tañi eipin, huemünentungeai trahunche mu. Beimu bamentobiiñ tübachi che ca dunguhuelaabiiñ. Papiltoiñ 1 Corintios 5:6, 11 ca 2 Juan 9-11. Papiltungele hula ngütramcaabiiñ tübachi ramtun:
-
Raquiduamliiñ Biblia tañi eipin levadura mu, ¿hueyalcangepeabüi mai tati trahunche huemünentungenole quiñe che huiñoraquiduamtunolu? ¿Chemu cai?
Bentren che huemünentungelu trahunche mu huiñotuabüingün, ¿chemu? Cutran-ngebüle ume tañi bemngel engün, tüba quellueyu tañi cümelcünotol tañi mongen (Salmo 141:5). Quintulbe tati VIDEO. Quintulngele hula ngütramcaabiiñ tübachi ramtun:
-
Huemünentungelu Sonia trahunche mu, ¿chumngechi quellubi?
Huemünentungele quiñe che:
-
¿Chumngechi huenupüramngi Jehová tañi üi?
-
¿Chumngechi pengeli Jehová tañi norngen ca tañi piuqueyechequen?
5. Jehová ulpacünoqueiñmu taiñ yabcan huiñoraquiduamtuliiñ
Quiñe ngütram mu Jesús quimeli chum duamqui Jehová huiñoraquiduamtule quiñe che. Papiltoiñ Lucas 15:1-7. Papiltungele hula ngütramcaabiiñ tübachi ramtun:
-
Tübachi ngütram, ¿chem quimeleleiñmu Jehová mu?
Papiltoiñ Ezequiel 33:11. Papiltungele hula ngütramcaabiiñ tübachi ramtun:
-
Taiñ pengelal taiñ rüb huiñoraquiduamtulen, ¿chumaiñ?
Jehová quiñe cüme pastor reque beli, müna duamtunebilu am tañi pu che.
QUIÑEQUE CHE EIPIELMU: “Eipibili pu loncolelu ñi hueya bemün, llücaquen tañi huemünentungeal”.
-
¿Chumngechi huiñoldunguabüimi?
CHEM PEIÑ TÜBAMU
Huiñoraquiduamtuliiñ rüb piuque mu ca bemhuenoliiñ, Jehová ulpacünoñmaaiñmu taiñ yabcan.
Chem quimeleleiñmu tüba
-
Ngütramelbiliiñ Jehová taiñ hueya bemün ¿chemu cümelcaabeiñmu?
-
¿Chumabüiñ Jehová taiñ ulpacünoñmaetu taiñ yabcan?
-
Bütra yabcaliiñ, ¿chemu quelluen eipiabiiñ pu loncolelu?
DOI QUIMABÜIMI
Isaías 1:18 tañi eipin, ¿chumngechi Jehová tañi cutranpiuqueyechen quellubi quiñe huentru?
Huemünentungele quiñe che, ¿chumngechi quidu cümelcangeabüi ca tati trahunche cuñiutucungeabüi?
“Huemünentungele quiñe che pengelngequi piuqueyehun” (Ti Huerquen 15 abril 2015)
Quiñe che testigongenolu ramtuelmu chemu quiñeque che huemünentungi trahunche mu, ¿chem eipiabimi?
Quiñe huentru alütripalu Jehová mu quimtucui Jehová ayüni tañi huiñotol. Tami doi quimal pebinge cheu eipi “Duamnebün huiñotual Jehová mu”.
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
