আমি যিহোৱাক বহুত প্ৰেম কৰোঁ, সেইবাবে আমি তেওঁৰ মনক কেতিয়াও দুখ দিব নিবিচাৰোঁ। তথাপিও, কেতিয়াবা কেতিয়াবা আমাৰপৰা ভুল হয়। কিন্তু কিছুমান ভুল আন ভুলবোৰতকৈ বেছি গভীৰ হয়। (১ কৰিন্থীয়া ৬:৯, ১০) যদি আমি কিবা গভীৰ পাপ কৰি পাওঁ, তেনেহʼলে আমি মনত ৰখা উচিত যে যিহোৱাই আমাক বহুত প্ৰেম কৰে, তেওঁ আমাক ক্ষমা কৰিবলৈ সদায় সাজু থাকে আৰু আমাক সহায় কৰিব বিচাৰে।

১. যদি এজন ব্যক্তিয়ে পাপ কৰে, তেনেহʼলে যিহোৱাৰপৰা ক্ষমা পাবলৈ তেওঁ কি কৰিব?

যেতিয়া যিহোৱাক প্ৰেম কৰা কোনো এজন ব্যক্তিয়ে গভীৰ পাপ কৰে, তেতিয়া তেওঁ দুখ অনুভৱ কৰে। কিন্তু তেওঁ যিহোৱাৰ এই প্ৰতিজ্ঞাৰপৰা শান্ত্বনা লাভ কৰিব পাৰে। তেওঁ এইদৰে কৈছে “তোমালোকৰ পাপবোৰ সিন্দূৰ বৰণীয়া হলেও, হিমৰ দৰে বগা কৰা হব।” (যিচয়া ১:১৮) যদি তেওঁ হৃদয়েৰে অনুতাপ কৰে, তেনেহʼলে যিহোৱাই তেওঁক ক্ষমা কৰিব। তেওঁ সঁচাকৈ অনুতাপ কৰিছে বুলি কেনেকৈ দেখুৱাব পাৰে? তেওঁ যি ভুল কৰিলে, তাৰ বাবে তেওঁ দুখ অনুভৱ কৰিব আৰু সেই বেয়া কামটো তেওঁ কেতিয়াও নকৰিব, লগতে তেওঁ যিহোৱাৰপৰা ক্ষমা বিচাৰিব। যি ভুল চিন্তাধাৰা আৰু বেয়া অভ্যাসৰ বাবে তেওঁ পাপ কৰিছিল, সেইবোৰৰপৰা আঁতৰি থাকিবলৈ কঠিন পৰিশ্ৰম কৰিব আৰু যিহোৱাৰ মানদণ্ডৰ অনুসৰি চলিবলৈ তেওঁ চেষ্টা কৰিব।—যিচয়া ৫৫:৬, ৭ পঢ়ক।

২. যদি আমি পাপ কৰোঁ, তেনেহʼলে যিহোৱাই প্ৰাচীনৰ যোগেদি আমাক কেনেকৈ সহায় কৰে?

কেতিয়াবা কেতিয়াবা আমি গভীৰ পাপ কৰি পাওঁ। সেইবাবে, যিহোৱাই আমাক সহায় কৰিবলৈ এটা ব্যৱস্থা কৰিছে। তেওঁ আমাক ‘মণ্ডলীৰ বৃদ্ধলোকক [প্ৰাচীনসকলক] মাতিবলৈ’ কৈছে। (যাকোব ৫:১৪, ১৫ পঢ়ক।) এই প্ৰাচীনসকলে যিহোৱা আৰু তেওঁৰ মেৰবোৰক বহুত প্ৰেম কৰে। যিহোৱাৰ লগত পুনৰ সম্পৰ্ক গঢ়ি তুলিবলৈ তেওঁলোকে আমাক সহায় কৰিব পাৰে।—গালাতীয়া ৬:১.

প্ৰাচীনসকলে কেনেকৈ আমাক সহায় কৰিব পাৰে? দুজন বা তিনিজন প্ৰাচীন আমাৰ লগত কথা পাতিব আৰু আমি যি কৰিলোঁ, সেয়া কিয় ভুল হয় তেওঁলোকে বাইবেলৰপৰা বুজাব আৰু কিছুমান পৰামৰ্শ দিব যাতে সেই ভুল আমি পুনৰ নকৰোঁ। যেতিয়ালৈকে যিহোৱাৰ লগত আমাৰ সম্পৰ্ক পুনৰ গঢ়ি নুঠে, তেতিয়ালৈকে মণ্ডলীৰ কিছুমান কাম নকৰিবলৈ প্ৰাচীনসকলে আমাক কʼব পাৰে। কিন্তু যদি এজন ব্যক্তি গভীৰ পাপ কৰাৰ সত্ত্বেও অনুতাপ নকৰে, তেনেহʼলে প্ৰাচীনসকলে তেওঁক বহিষ্কাৰ কৰিব, যাতে মণ্ডলীৰ আন ভাই-ভনীসকলৰ ওপৰত বেয়া প্ৰভাৱ নপৰে।

 গভীৰভাৱে ধ্যান কৰক

৩. পাপ স্বীকাৰ কৰিলে আমি সহায় লাভ কৰোঁ

আমি কিবা পাপ কৰিলে যিহোৱাক বহুত দুখ লাগে। সেইবাবে, আমি যিহোৱাৰ ওচৰত নিজৰ পাপ মানি লোৱা উচিত। গীতমালা ৩২:১-৫ পঢ়ক, তাৰ পাছত নিম্নলিখিত প্ৰশ্নৰ ওপৰত আলোচনা কৰক:

• নিজৰ পাপ লুকুৱাৰ পৰিৱৰ্তে যিহোৱাক জনোৱাটো কিয় ভাল হʼব?

 ৪. বহিষ্কাৰৰ ব্যৱস্থাৰপৰা কি লাভ হয়?

যদি এজন ব্যক্তি গভীৰ পাপ কৰে আৰু যিহোৱাৰ মানদণ্ডৰ অনুসৰি চলিবলৈ অস্বীকাৰ কৰে, তেনেহʼলে তেওঁক মণ্ডলীত থাকিবলৈ অনুমতি দিয়া নহয়। আমি এনেধৰণৰ লোকসকলৰ লগত কোনো সম্পৰ্ক ৰখা উচিত নহয়, আনকি তেওঁলোকৰ লগত কথা পতাও উচিত নহয়। ১ কৰিন্থীয়া ৫:৬, ১১ আৰু ২ যোহন ৯-১১ পঢ়ক, তাৰ পাছত নিম্নলিখিত প্ৰশ্নৰ ওপৰত আলোচনা কৰক:

• অলপ খমিৰে যেনেকৈ গোটেই আটাখিনি ফুলাই দিয়ে। ঠিক সেইদৰে, যদি আমি অনুতাপ নেদেখুৱা ব্যক্তিৰ লগত সম্পৰ্ক ৰাখোঁ, তেনেহʼলে মণ্ডলীৰ ওপৰত কি প্ৰভাৱ পৰিব?

 আমি কি শিকিলোঁ

আমি কৰা গভীৰ পাপৰ বাবে যদি আমি অনুতাপ কৰোঁ আৰু সেই ভুল পুনৰ নকৰিম বুলি ঠিৰাং কৰোঁ, তেনেহʼলে যিহোৱাই আমাক ক্ষমা কৰিব।

আপুনি কেনেকৈ উত্তৰ দিব?

• যিহোৱাৰ ওচৰত নিজৰ পাপ মানি লোৱাটো কিয় ভাল?

• যিহোৱাৰপৰা ক্ষমা পাবলৈ আমি কি কৰিব লাগিব?

• আমি গভীৰ পাপ কৰিলে প্ৰাচীনসকলৰপৰা কিয় সহায় লোৱা উচিত?