Биз Јеһованы севирик. Чалышырыг һәр һәрәкәтимизә диггәт јетирәк ки, Ону инҹитмәјәк. Бунунла белә, бәзән сәһвләрә јол веририк. Амма бәзи сәһвләр даһа ҹиддидир (1 Коринфлиләрә 6:9, 10). Әҝәр ҹидди ҝүнаһа јол вермисинизсә, унутмајын ки, Јеһова сизи һәлә дә севир. О бағышламаға вә сизә көмәк етмәјә һазырдыр.

1. Јеһованын бизи бағышламасы үчүн нә етмәлијик?

Јеһованы севән инсан ҹидди ҝүнаһа јол вердијини баша дүшәндә дәрин кәдәр һисси кечирир. Амма о, Јеһованын кечмишдә халгына вердији вәддән тәсәлли тапыр: «Ҝүнаһларыныз ал-гырмызы олса да, онлары гар кими ағаппаг едәҹәјәм» (Әшија 1:18). Әҝәр сәмими-гәлбдән төвбә етсәк, Јеһова бизи бағышлајаҹаг. Бәс төвбә етмәк нә демәкдир? Бу о демәкдир ки, биз һәрәкәтимизә ҝөрә пешман олуруг вә пис әмәлимиздән әл чәкиб, Јеһовадан әфв диләјирик. Сонра исә әлимиздән ҝәләни едирик ки, бу ҝүнаһа сәбәб олан дүшүнҹәни вә вәрдишләри дәјишәк, һәмчинин Јеһованын гајда-ганунларына ујғун јашајаг. (Әшија 55:6, 7 ајәләрини охујун.)

2. Јеһова ағсаггаллар васитәсилә бизә неҹә көмәк едир?

Әҝәр ҹидди ҝүнаһ етмишиксә, Јеһова бизә јығынҹағын ағсаггалларыны чағырмағы бујурур. (Јагуб 5:14, 15 ајәләрини охујун.) Ағсаггаллар Јеһованы вә Онун хидмәтчиләрини севирләр. Онлар тәлим алыблар вә билирләр ки, бизә Јеһова илә мүнасибәтләримизи бәрпа етмәјә неҹә көмәк етмәк олар (Галатијалылара 6:1).

Ҹидди ҝүнаһ ишләјәндә ағсаггаллар бизә неҹә көмәк едир? Ики вә ја үч ағсаггал Мүгәддәс Китабдакы ајәләр васитәсилә һәрәкәтимизин нәјә ҝөрә дүзҝүн олмадығыны изаһ едир, һәмчинин јенидән ҝүнаһ етмәмәк үчүн бизә мәсләһәт верир. Ола билсин, Јеһова илә мүнасибәтләримиз мөһкәмләнәнә кими, јығынҹағын мүәјјән ишләриндә иштиракымыза мәһдудијјәт гојсунлар. Јығынҹағы пис тәсирдән горумаг үчүн ағсаггаллар ҹидди ҝүнаһ ишләјиб төвбә етмәјән кәсләри јығынҹагдан кәнар едир.

 Д Ә Р И Н Л И Ј Ә  В А Р Ы Н

3. Ҝүнаһларынызы етираф един вә шәфа тапын

Етдијимиз һәр ҝүнаһ Јеһоваја гаршы едилмиш ҝүнаһдыр. Буна ҝөрә дә ҝүнаһымызы Она етираф етмәлијик. Зәбур 32:1—5 ајәләрини охујун вә нөвбәти суалы мүзакирә един:

• Нәјә ҝөрә ҝүнаһымызы ҝизләтмәјә чалышмамалыјыг, әксинә, ону Јеһоваја етираф етмәлијик?

 4. Ҝүнаһкары јығынҹагдан кәнар етмәјин фајдасы

Әҝәр ҹидди ҝүнаһ ишләмиш инсан Јеһованын гојдуғу гајдалара ујғун јашамаг истәмирсә, о, артыг Јеһованын Шаһиди ола билмәз. Һәмин инсан јығынҹагдан кәнар едилир. Биз онунла нә отуруб-дуруруг, нә дә данышырыг. 1 Коринфлиләрә 5:6, 11 вә 2 Јәһја 9—11 ајәләрини охујун. Сонра нөвбәти суалы мүзакирә един:

• Маја бүтүн хәмири аҹытдығы кими, төвбә етмәјән ҝүнаһкарла үнсијјәт дә јығынҹаға неҹә тәсир едәр?

 ИҸМАЛ

Ҹидди ҝүнаһ ишләмиш инсан үрәкдән пешмандырса вә һәмин сәһви бир дә тәкрарламамаға гәтијјәтлидирсә, Јеһова ону бағышлајаҹаг.

Тәкрар

• Нәјә ҝөрә ҝүнаһымызы Јеһоваја етираф етмәлијик?

• Ҝүнаһымызын бағышланмасы үчүн нә етмәлијик?

• Ҹидди ҝүнаһ етмишиксә, нәјә ҝөрә ағсаггаллардан көмәк истәмәлијик?