LIKE SUANLƐ 57
?Sɛ a yo sa tɛ dan wie’n ngue yɛ ɔ fata kɛ a yo-ɔ?
Kannzɛ bɔbɔ a klo Zoova sɛ naan a mian ɔ ɲin naan w’a yoman like tɛ wie’n, sanngɛ á fɔ́n cɛn kunngun. Sanngɛ fɔnlɛ wie’m be ti tɛ tra wie mun. (1 Korɛntifuɛ Mun 6:9, 10) Sɛ a yo sa tɛ dan wie’n, nán ɔ wla fi su kɛ Zoova w’a yaciman ɔ klolɛ. Ɔ kunndɛ kɛ ɔ́ yáci ɔ wun sa’n cɛ́ wɔ naan ɔ́ úka wɔ.
1. ?Ngue yɛ ɔ fata kɛ e yo naan Zoova w’a yaci e wun sa’n w’a cɛ e-ɔ?
Kɛ sran kun m’ɔ klo Zoova’n ɔ yo sa tɛ dan wie’n, i wla bo i wun dan. Sanngɛ Zoova kannin ndɛ kun m’ɔ kwla fɔnvɔ i sɔfuɛ mun-ɔn. Ɔ seli kɛ: “Sɛ amun sa tɛ’m be ti ɔkwlɛ bioun’n, bé fɛ́n fuai kɛ laglasi m’ɔ fin nglo lɔ gua munkɛnmunkɛn’n sa.” (Ezai 1:18) Sɛ e kaci e sa’n, Zoova yáci sa nga e yoli’n cɛ́ e mlɔnmlɔn. ?Wafa sɛ yɛ e kwla kle kɛ y’a kaci e sa-ɔ? Ɔ fata kɛ sa nga e yoli’n ɔ yo e nsisɔ, kpɛkun e yaci sa sɔ’n i yolɛ, yɛ e srɛ Zoova kɛ ɔ yaci cɛ e. I sin’n, ɔ fata kɛ e mian e ɲin kpa e wla akunndan tɛ ng’ɔ fali e wlali sa tɛ’n nun’n i ase. Kpɛkun e kaci e ayeliɛ’n. Asa’n, ɔ fata kɛ e mian e ɲin e nanti Zoova i mmla’m be su.—Kanngan Ezai 55:6, 7 nun.
2. ?Kɛ e yo sa tɛ’n wafa sɛ yɛ Zoova sin asɔnun kpɛnngbɛn’m be lika uka e-ɔ?
Sɛ e yo sa tɛ dan wie’n Zoova kunndɛ kɛ e “flɛ asɔnun kpɛnngbɛn mun.” (Kanngan Zaki 5:14, 15 nun.) Aniaan sɔ’m be klo Zoova, yɛ be klo i sufuɛ mun. Be kwla uka e naan e nin Zoova e afiɛn w’a mantan kpa ekun.—Galasifuɛ Mun 6:1.
?Sɛ e yo sa tɛ dan wie’n wafa sɛ yɛ asɔnun kpɛnngbɛn’m bé úka e-ɔ? Asɔnun kpɛnngbɛn nɲɔn annzɛ nsan bé fá Biblu’n bé mán e afɔtuɛ. Asa’n, bé klé e ninnge trele wie mɔ be kwla uka e naan y’a yoman sa sɔ’n kun’n. Be kwla tannin e ninnge wie’m be yolɛ asɔnun’n nun lele naan e nin Zoova e afiɛn w’a mantan kpa ekun. Sɛ aniaan kun yo sa tɛ wie naan ɔ kacimɛn i sa’n, asɔnun kpɛnngbɛn’m bé tú i asɔnun’n nun naan i ayeliɛ tɛ’n w’a saman asɔnun’n nunfuɛ mun.
SI NDƐ’N NUN KPA EKUN
É wá kán wafa nga Zoova uka sran wie m’ɔ yo sa tɛ dan wie’n i ndɛ. I sɔ’n yó maan á sí ukalɛ mɔ Zoova uka e’n i su ye.
3. Sɛ e di sa tɛ nga e yoli’n i nanwlɛ’n é ɲán su ye
Kɛ e yo sa tɛ’n i sɔ’n yo Zoova i ya. Ɔ maan ɔ fata kɛ e di sa tɛ nga e yoli’n i nanwlɛ e kle i. An kanngan Jue Mun 32:1-5 nun, i sin’n an koko kosan yɛ’n i su yalɛ:
-
?Ngue ti yɛ ɔ ti cinnjin kɛ e di e sa tɛ nga e yoli’n i nanwlɛ e kle Zoova-ɔ?
Kɛ e ko di sa tɛ nga e yoli’n i nanwlɛ e ko kle Zoova’n, like kun ekun ng’ɔ fata kɛ e yo’n yɛle kɛ e bo su e kle asɔnun kpɛnngbɛn mun. Sɛ e yo sɔ’n e wun fá e feke. An bo VIDEO’N, i sin’n an koko kosan yɛ’n i su yalɛ.
-
?Video’n nun’n, wafa sɛ yɛ asɔnun kpɛnngbɛn’m be ukali Kanɔn naan w’a sɛ i sin Zoova wun-ɔn?
Ɔ fata kɛ e kan e klun ndɛ kwlaa e kle asɔnun kpɛnngbɛn mun, yɛ e di sa nga e yoli’n i nanwlɛ. Afin e ukalɛ ti yɛ be o lɛ-ɔ. An kanngan Zaki 5:16 nun, i sin’n an koko kosan yɛ’n i su yalɛ:
-
?Ngue ti yɛ sɛ e di e sa tɛ’m be nanwlɛ e kle asɔnun kpɛnngbɛn mun’n, e ukalɛ’n yó pɔpɔ-ɔ?
Di sa tɛ nga a yoli’n i nanwlɛ, kan ɔ klun ndɛ kwlaa kle asɔnun kpɛnngbɛn mun, yɛ kplin su kɛ Zoova uka wɔ.
4. Kɛ be tu sran kun asɔnun’n nun’n i bɔbɔ nin aniaan mun be ɲan su ye
Sɛ sran kun yoli sa tɛ dan kun naan ɔ kunndɛman kɛ ɔ́ nánti Zoova i mmla’m be su’n, ɔ kwlá kaman asɔnun’n nun. Be tu i asɔnun’n nun, kpɛkun e nin i e sanman nun kun. I kpa bɔbɔ’n e nin i e ijɔman kun. An kanngan 1 Korɛntifuɛ Mun 5:6, 11 nin 2 Zan 9–11 nun, i sin’n an koko kosan yɛ’n i su yalɛ:
-
?Kɛ nga levii’n fa wla sanmlɛn nga be fa yo kpanwun sa’n, sɛ e nin be nga be yo sa tɛ mɔ be kunndɛman kɛ bé káci be sa’n e san nun’n, wafa sɛ yɛ i bo’n gúa-ɔ?
Be nga be tuli be asɔnun’n nun’n be nun kpanngban be sali be sin be wa suli Zoova ekun. Fɔ nga be tuli be’n ɔ yoli be ya sɔ, sanngɛ i sɔ’n ukali be naan b’a wun i wlɛ kɛ like nga be yoli’n ti tɛ sakpa. (Jue Mun 141:5) An bo VIDEO’N, i sin’n an koko kosan yɛ’n i su yalɛ.
-
?Video’n nun’n, wafa sɛ yɛ kɛ be tuli Sonia asɔnun’n nun’n i sɔ’n ukɛli i-ɔ?
?Kɛ be tu sran kun asɔnun’n nun’n, ngue ti yɛ e kwla se kɛ i sɔ’n...
-
manman Zoova-ɔ?
-
kle kɛ Zoova i like yolɛ yoman ya naan ɔ klo sran-ɔn?
5. Kɛ e kaci e sa’n Zoova yaci sa nga e yoli’n cɛ e
Kɛ sa tɛ yofuɛ kun kaci i sa’n wafa nga Zoova i wun yo i’n, Zezi fali sunnzun ase kun yiyili nun. An kanngan Liki 15:1-7 nun, i sin’n an koko kosan yɛ’n i su yalɛ:
-
?Ngue yɛ ndɛ sɔ’n kle wɔ Zoova su-ɔ?
An kanngan Ezekiɛli 33:11 nun, i sin’n an koko kosan yɛ’n i su yalɛ:
-
?Ngue yɛ ɔ fata kɛ e yo naan y’a kle kɛ sa nga e yoli’n ɔ yo e nsisɔ sakpa-ɔ?
Wafa kunngba nga bua sunianfuɛ kun i bua’m be ndɛ lo i’n, Zoova kusu i sufuɛ’m be ndɛ lo i wie.
SRAN WIE’M BE WAAN: “Sɛ n kan sa tɛ nga n yoli’n i ndɛ n kle asɔnun kpɛnngbɛn mun’n, bé tú min asɔnun’n nun.”
-
?Sɛ sran kun se sɔ’n, wafa sɛ yɛ á tɛ́ i su-ɔ?
NDƐ’N I KPƆLƐ BOLƐ
Sɛ e yoli sa tɛ dan wie naan ɔ yo e nsisɔ sakpa’n naan e fa ajalɛ kɛ e su yoman sɔ kun’n, Zoova yáci e wun sa’n cɛ́ e.
Ndɛ’n i nun flanlɛ
-
?Sɛ e di sa tɛ nga e yoli’n i nanwlɛ e kle Zoova’n, ngue ti yɛ i sɔ’n ti kpa-ɔ?
-
?Sɛ e kunndɛ kɛ Zoova yaci e wun sa’n cɛ e’n, ngue yɛ ɔ fata kɛ e yo-ɔ?
-
?Sɛ e yoli sa tɛ dan wie’n, ngue ti yɛ ɔ fata kɛ e bo su e kle asɔnun kpɛnngbɛn mun-ɔn?
NDƐ WIE MUN EKUN
Wafa nga bian kun wunnin i wlɛ kɛ Zoova i aunnvɔɛ silɛ’n i su ndɛ nga be kɛnnin i Ezai 1:18 nun’n ti nanwlɛ’n.
?Ngue ti yɛ kɛ be tu sran kun asɔnun’n nun’n, i bɔbɔ nin asɔnun’n nunfuɛ’m be ɲan su ye-ɔ?
“Kɛ be tu sa tɛ yofuɛ’n asɔnun’n nun’n i sɔ’n ti kpa” (Sasafuɛ Tranwlɛ’n, afuɛ 2015, Avrili 1)
Wafa nga a kwla kan sran tulɛ asɔnun’n nun’n i ndɛ kle sran kun m’ɔ timan Zoova i Lalofuɛ’n.
Bian kun m’ɔ jasoli nanwlɛ atin’n su’n, ɔ wunnin i wlɛ kɛ Zoova fɛli i sɛli i sin.
Ninnge wie mɔ be kwla yo ɔ fɛ ekun'n
KOSAN NGA SRAN’M BE TA BE USA’N
?Ngue yɛle Biblu’n nun like mɔ Zoova i Lalofuɛ’m be nin sran’m be suan’n?
A kwla fa Biblu’n nga a klo’n naan Zoova i Lalofuɛ kun w’a kle ɔ like. Ɔ osufuɛ mun nin ɔ janvuɛ’m be kwla tran like suanlɛ’n i bo wie. Be deman sika.
