LESEN 57
?Olsem Wanem Sipos Yu Mekem Wan Bigfala Sin?
Nating se yu rili lavem Jehova mo yu no wantem mekem hem i harem nogud, be samtaem bambae yu mekem mastik. Mo i gat sam mastik o sin we oli bigwan moa i bitim ol narawan. (1 Korin 6:9, 10) Sipos yu mekem wan bigfala sin, i gud yu tingbaot se Jehova i stil lavem yu mo hem i rere blong fogivim yu mo givhan long yu.
1. ?Yumi mas mekem wanem blong Jehova i fogivim yumi?
Olgeta we oli lavem Jehova oli harem nogud tumas taem oli luksave se oli mekem wan bigfala sin. Be oli harem gud taem oli tingbaot promes we Jehova i mekem long ol man blong hem se: “Nating se ol sin blong yufala oli olsem kala we i laet red, be bambae oli kam waet olsem sno.” (Aesea 1:18) Sipos yumi rili tanem tingting blong yumi, Jehova bambae i fogivim yumi. ?Be olsem wanem yumi tanem tingting blong yumi? Yumi mekem olsem taem yumi rili sore from samting we yumi mekem nao yumi stop blong mekem samting ya mo yumi askem Jehova blong i fogivim yumi. Biaen, yumi traehad blong jenisim ol rong tingting mo ol fasin we oli lidim yumi blong mekem sin ya, mo yumi traehad blong laef folem ol rul blong Jehova.—Ridim Aesea 55:6, 7.
2. ?Olsem wanem Jehova i yusum ol elda blong halpem yumi taem yumi mekem sin?
Sipos yumi mekem wan bigfala sin, Jehova i talem long yumi blong “singaot ol elda blong kongregesen.” (Ridim Jemes 5:14, 15.) Ol man ya oli lavem Jehova mo ol sipsip blong Hem. Olgeta oli naf blong givhan long yumi blong yumi frengud bakegen wetem Jehova.—Galesia 6:1.
?Olsem wanem ol elda oli save givhan long yumi, taem yumi mekem wan bigfala sin? Tu o tri elda bambae oli yusum Baebol blong stretem yumi. Mo tu, bambae oli enkarejem yumi mo givim sam advaes blong halpem yumi blong no moa mekem sin ya. Mo maet bambae oli blokem yumi blong mekem sam samting long kongregesen blong smol taem kasem we yumi kam strong bakegen long spirit. Sipos wan man i mekem wan bigfala sin, mo i no wantem tanem tingting blong hem, bambae ol elda oli putumaot hem long kongregesen blong hem i no spolem ol narafala.
DIGIM MOA
Soem tangkiu long fasin blong Jehova blong givhan long yumi taem yumi mekem wan bigfala sin.
3. Taem yumi talemaot sin blong yumi bambae yumi harem gud moa
Eni sin we yumi mekem i mekem Jehova i harem nogud, taswe yumi mas talemaot long hem. Ridim Ol Sam 32:1-5, mo tokbaot kwestin ya:
-
?From wanem i gud yumi talemaot ol sin blong yumi long Jehova i bitim we yumi haedem?
Taem yumi talemaot ol sin blong yumi long ol elda afta we yumi talemaot long Jehova, bambae yumi harem gud moa. Plei VIDEO, mo tokbaot kwestin ya.
-
Long video ya, ?olsem wanem ol elda oli givhan long Canon blong kambak long Jehova?
Yumi mas talemaot evri samting mo tok tru long ol elda, from we oli stap blong givhan long yumi. Ridim Jemes 5:16, mo tokbaot kwestin ya:
-
?From wanem i isi moa long ol elda blong givhan long yumi taem yumi tok tru?
Talemaot sin blong yu, tok tru long ol elda, mo akseptem help blong Jehova
4. ?Olsem wanem fasin blong putumaot man i givhan?
Sipos wan man i mekem wan bigfala sin mo i no wantem folem ol rul blong Jehova, hem i no moa save stap olsem wan memba blong kongregesen. Taem oli putumaot hem, yumi no mas joen wetem hem o toktok wetem hem. Ridim 1 Korin 5:6, 11 mo 2 Jon 9-11, mo tokbaot kwestin ya:
-
Is i save mekem bred i solap, long sem fasin ?olsem wanem man we i no wantem tanem tingting blong hem i save afektem kongregesen?
Plante we kongregesen i putumaot olgeta oli kambak bakegen. ?From wanem? Nating se oli harem nogud taem oli putumaot olgeta, hemia i givhan long olgeta blong oli luksave rong we oli mekem. (Ol Sam 141:5) Plei VIDEO, mo tokbaot kwestin ya.
-
Long video ya, taem oli putumaot Sonja, ?hemia i givhan long hem olsem wanem?
?Olsem wanem fasin blong putumaot man long kongregesen . . .
-
i givim ona long nem blong Jehova?
-
i soemaot se Jehova i mekem i stret mo i gat lav?
5. Jehova i fogivim yumi taem yumi tanem tingting
Jisas i yusum wan pijatok blong halpem yumi blong kasem save filing we Jehova i gat taem wan man i tanem tingting blong hem. Ridim Luk 15:1-7, mo tokbaot kwestin ya:
-
?Yu yu lanem wanem long saed blong Jehova?
Ridim Esikel 33:11, mo tokbaot kwestin ya:
-
?Wanem impoten samting we yu mas mekem blong soem se yu rili sore?
Jehova i olsem wan man blong lukaot long sipsip we i kea long ol sipsip blong hem
SAM MAN OLI SE: “Mi fraet se sipos mi talemaot sin blong mi long ol elda bae oli putumaot mi.”
-
?Bambae yu talem wanem long wan man we i gat tingting ya?
SAMARI
Sipos yumi mekem wan bigfala sin, mo yumi rili sore from samting ya, nao yumi stop blong mekem, bambae Jehova i fogivim yumi.
Tingtingbak
-
?From wanem i gud blong yumi talemaot ol sin blong yumi long Jehova?
-
?Yumi mas mekem wanem blong Jehova i fogivim yumi?
-
?Sipos yumi mekem wan bigfala sin, from wanem i gud blong askem help blong ol elda?
FAENEMAOT
Luk olsem wanem Jehova i soem sore long wan man, olsem we Aesea 1:18 i tokbaot.
?Olsem wanem fasin ya blong putumaot man long kongregesen i givhan long evriwan?
“Kongregesen i Putumaot Man—Wan Rod We i Soemaot Lav” (Wajtaoa, 15 Mei 2015)
Lanem olsem wanem yu save eksplenem fasin ya blong putumaot man, long wan man we i no wan Witnes.
“?Ol Witnes Blong Jehova Oli No Joen Wetem Olgeta We Oli Aot Long Skul Blong Olgeta?” (Web atikol)
Long stori ya “I Needed to Return to Jehovah,” luk olsem wanem wan man we i gowe long trutok i harem se Jehova i pulum hem i kambak.
“The Bible Changes Lives” (Wajtaoa, 1 Eprel 2012)
Maet Yu Laekem Hemia Tu
KWESTIN WE PLANTE MAN OLI STAP ASKEM
Baebol Stadi Kos We Yu Save Mekem Wetem Ol Witnes Blong Jehova
Yu save yusum eni translesen blong Baebol blong mekem wan fri Baebol stadi kos wetem ol Witnes blong Jehova. Singaot ol famle mo ol fren tu blong oli joen wetem yu.
