NLÔ AJÔ 57
Nge bia te bo beta nsem
To’o bia nye’e Yéhôva nya nye’ane a na bia ve ngul ése na bi sa’ale mam ma bo nye nlem mintaé, e ne kui na bi kop. Ve minsem miziñ mi ne abé adañe mi mivok. (1 Becorinthien 6:9, 10) Nge wo te bo beta nsem, te ve’ele buni na Yéhôva a nye’e ki fe wo; a ne ôjeja’a ya jamé wo a volô wo.
1. Jé bia yiane bo asu na Yéhôva a jamé bia?
Bôte ba nye’e Yéhôva be wô’ô wôk nlem mintaé éyoñ ba yemelane na ba te bo beta nsem. Ve ba beta bi ngule nyul éyoñe ba simesane ngaka’a Yéhôva a nga bo ayoñ dé na: “A kôsa bo mam m’abé menan me nto évele ne tyañ, ma ye bo éfumulu aval ane sut.” (Ésaïe 1:18) Nge bia kôme jôban nsem bi nga bo, Yéhôva a ye jamé bia. Aval avé bi ne liti na bia jôban? Bia yiane wô’ô mbia jam bi nga bo angôndô ya abé, a telé mbia mboon ate, bi sili fe Yéhôva njaman. Mvuse ya valé, bia yiane ve ngul ése asu na bi tyendé asimesane nge ke mimboone mi nga tindi bia na bi sem, a ve ngule ya tôñ miñye’elan mi Yéhôva.—Lañe’e Ésaïe 55:6, 7.
2. Aval avé Yéhôva a belane bemvendé na a volô bia éyoñe bia te sem?
Nge bia te bo beta nsem, Yéhôva a jô bia na bi ‘loone bemvendé ya [akônda].’ (Lañe’e Jacques 5:14, 15.) Bemvendé bete ba nye’e Yéhôva a ba nye’e fe bebo bisaé bé. Yéhôva a nga yañele be asu na be volô bia na bi beta bi mbamba élat a Nye.—Begalate 6:1.
Nde ñhe, aval avé bemvendé ba volô bia éyoñe bia te bo beta nsem? Bemvendé bebaé nge belal be ne lebe bia a zene ya Kalate Zambe. Be ne liti bia jam bi ne bo asu na bi bo teke beta bo nsem ôte. Be ne fe bia telé minné miziñ akônda nté bia jeñe na bi beta bo mvo’é mfa’a ya nsisim. E ne kui na bemvendé be telé môte feñ éyoñ a te bo beta nsem teke kômbô tyendé, asu na be kaman akônda.
TUKA’A FAK
Va’a Yéhôva akiba amu mvolan a ve wo éyoñ wo te bo beta nsem.
3. Kula’ane jam wo te bo, ndemben ô kôm élat jôé a Yéhôva
Nsem ôse bia bo wo taé Yéhôva nlem, ajô te, e ne mvo’é na bi kate nye wô. Lañe’e Besam 32:1-5, mvuse ya valé, yala’ane nsili wu:
-
Amu jé é ne mfi na bi mem minsem miangan be Yéhôva a lôte na bi solé mie?
Asu na nlem ô bômbô bia si ne mieññ, bia yiane mem minsem miangan be Yéhôva a ke yen bemvendé. Futi’i VIDÉO, mvuse ya valé, yala’ane nsili wo tôé valé.
-
Aval avé bemvendé be nga volô Canon na a bulane be Yéhôva?
Bia yiane yoé bemvendé nlem wongan a kate be mame zôsô été, amu be ne valé asu na be volô bia. Lañe’e Jacques 5:16, mvuse ya valé, yala’ane nsili wu:
-
Amu jé da ye bo tyi’ibi asu bemvendé na be volô bia nge bia kate be mam zôsô été?
Meme’e nsem wôé, kate’e bemvendé mame zôsô été, a kañese’e mvolane Yéhôva
4. Bibotan ya ntelan feñ
Nge môt a te bo beta nsem, éyoñe te a bene tôñe memvinda me Yéhôva, a vo’o ke ôsu a bo ébu’a ya akônda. A ye tebe feñ, bibu’a bivo’o ya akônda ki bia ye ke fe yeñ a nye, nge laan a nye. Lañe’e 1 Becorinthien 5:6, 11 a 2 Jean 9-11, mvuse ya valé, yala’ane nsili wo tôé valé:
-
Fo’o ve aval ane mvusu a vusu fembé, jé ja ye boban akônda nge bia ke ôsu a yeñ a môt a te tebe feñ?
Abui bôt e nga tebe feñ e nga su’ulane bulan akônda. Amu jé? Akusa bo be nga wô’ô fo’o nlem mintaé amu fonos, ve nalé a nga volô be na be tu’a yeme na jam be nga bo e mbe abé. (Besam 141:5) Futi’i VIDÉO, mvuse ya valé, yala’ane nsili wo tôé valé.
-
Jé ja liti na ntelane feñ ô nga volô Sonja?
Aval avé ntelane feñ . . .
-
wo ve jôé Yéhôva duma?
-
wo liti na Yéhôva a nji bo njet a na a nye’e bia?
5. Yéhôva a jamé bia éyoñ bia jôban abé dangan
Yésus a nga belan éve’ela ja volô bia na bi wô’ avale Yéhôva a wô’ôtan éyoñ môt a bulane be nye. Lañe’e Luc 15:1-7, mvuse ya valé, yala’ane nsili wu:
-
Jé nalé a ye’ele wo a lat a Yéhôva?
Lañe’e Ézéchiel 33:11, mvuse ya valé, yala’ane nsili wu:
-
Jé bia yiane bo asu na bi liti na bia kôme jôban?
Aval ane mba’ale mintômba, Yéhôva a nyane mintômba mié
BÔTE BÉZIÑ BA JÔ NA: “Ma koo woñe ya ke yene bemvendé, be za ma telé feñ.”
-
Jé ô ne jô môt a simesane nalé?
ÔBALEBAS
Nge bia te bo beta nsem a kôme jôban a nleme wongan ôse, bi tyi’i fe na bia ye ke beta bo mbia jam ate, Yéhôva a ye jamé bia.
Ô ne yalan aya?
-
Amu jé e ne mfi asu dangan na bi mem minsem miangan be Yéhôva?
-
Jé bia yiane bo asu na Yéhôva a jamé bia?
-
Nge bia te bo beta nsem, amu jé bia yiane ke jeñ mvolan be bemvendé?
MAM MEFE ME NE VOLÔ WO
Yene’ avale Yéhôva a nga liti môt éziñ fulu nkoon éngôngol aval Ésaïe 1:18 a jô.
Éyoñ môt a tebe feñ, aval avé nalé a volô bôte bese?
Yene’ aval avé ô ne kate môt a nji bo Ngaa amu jé e ne kui na be telé môte feñ.
“Ye Bengaa be Yéhôva ba sa’ale bôte be nga kôlô ñyebe wop?” (Ô ne koone nye anjeñe mefoé dangan)
Lañe’e nlô ajô ô ne na “Il fallait que je revienne vers Jéhovah,” asu na ô yen amu jé môt a nga lume benya mejôô mvus a nga wô’ôtane na Yéhôva a dutu nye.
“La Bible transforme des vies” (Nkume mmombô a bete ya Ngone nyini é too alu 1, mbu 2012)
You May Also Like
MINSILI BÔTE BA SILI
Jé é ne ayé’é Kalate Zambe?
Jeñe biyalane ya minsili a lat a nta’ane mame wongan asu ayé’é Kalate Zambe e zezé.
