BAG I 57

Ke zʼa tôg a be zʼo ghù taʼ nukebwô ndùb à?

A be be ndù o kô Yaweh Nsi neshu, mbèn nke nkagtùn mbʼo kuʼni là neghuaʼ njoñ tshu fa tsʼa keʼ kô là, be moʼ ngelañ o fàn nu. Là, tsemoʼ mfànnu be là tsʼa tshùa tsemoʼ là. (1 Korintô 6:9, 10) O ghù taʼ mfànnu ndùb, kà kwade mbe Yaweh Nsi aʼ tsin nekô o; a kô neywimdʼo, mba nelagde mfànnu mu.

1. Ke zʼa bètte be ghù nedù Yaweh Nsi lagde tseben mfànnu à?

Ben bo kô Yaweh Nsi là num nywin neshu ngelañ bo yen mbe bo ghù taʼ mfànnu ndùb là. Là, bo num njuʼ fidentù num ju ze Yaweh Nsi naʼ mbù ghafaʼ tse là: “A be ze nukebwô tsin sèn mba kekimbwôg là, mbʼa nsi fôg mba bem nà.” (Esaya 1:18) Be fém num tseben nukebwô mbèn nkañ ntù ben, mba Yaweh Nsi aʼ lagde mfà ben. Nekañ ntù nke mbagdʼà mbe ke? A nejuʼ kebwô num ju be ghù là, ntsin neghù nukebwô mbèn nkuaʼ Yaweh Nsi mbʼa lagde ben. Mbe nèn mbwe, a bètte be faʼ neta neghuaʼ ba nkwade kebwô boa mat kebwô tsʼa tènde ben negwù ntùm nukebwô là, mbèn nkagtùn nebét tun ntshùʼ Yaweh Nsi ntùm yôg ben.—Siañ Esaya 55:6, 7.

2. Yaweh Nsi nke ndoʼ ghakwémbwe njwimde ben yi à ndùke ngelañ be ghù taʼ nukebwô à?

Yaweh Nsi kô mbe be “tsiañ ghakwémbwe ntùm ntseʼde” a be ze be ghù taʼ nukebwô ndùb là. (Siañ Yakobo 5:14, 15.) Tshen fètfèt là tse bo tshoʼ là kô Yaweh Nsi mba njùmbwe tse. Bo ghù ba mat tsʼa bètte là num neywimde ben nenabte zebe kushun bo Yaweh Nsi.—Galatia 6:1.

Ghakwémbwe nke njwimde ben à ndùke ngelañ be ghù taʼ nukebwô ndùb à? Ghakwémbwe bàa ke tat lo aʼ loʼ Ñwaʼni Nsi ntsiagde ben yi. Boaʼ fà ba ntag ben, nso kù num ben, mbèn njwimde ben nenya ke bèn ngwù ntùm nukebwô. Be bo loʼ mfiʼ mbe be ke bèn ngù tsemoʼ tshu ntùm ndà ntseʼde kà nkum ngelañ be nabte zebe kushun bo Yaweh Nsi là.

TSWEʼ NTUN MI

A bètte nenyàmde ywimde ze Yaweh Nsi num mfà ben ngelañ be ghù taʼ nukebwô ndùb là.

3. Nesoñ tseben nukebwô num njwimde ben neyade

Mba zit nukebwô lo ze be num ngù là num ngù ntù Yaweh Nsi ya. Siañ Yobkwi 32:1-5, mbèn mbùnde yen bètte li:

Numke a mbʼa mbwô ju nesoñ tseben nukebwô Yaweh Nsi ke lem ju bwe à?

Nekwiʼde num nesoñ tseben nukebwô Yaweh Nsi, be num mbèn njuʼ fidentù ngelañ be bètte ywimde ghakwémbwe là. Lôde LAʼDE NETSHAÑ, mbèn mbùnde yen bètte li.

LAʼDE NETSHAÑ: “Yaweh Nsi num ndab mèn zʼa num nkô i là” (3:01)

Ntùm laʼde netshañ, ghakwémbwe naʼ ywimde Canon nebèn njam Yaweh Nsi à ndùke?

A bètte be ghaʼ ntù ben, ntshob njoñ tshu fa be ghù là ghakwémbwe; bo nke ndiag à neywimde be. Siañ Yakobo 5:16, mbèn mbùnde yen bètte li:

Numke a mfiag ghakwémbwe neywimde ben ngelañ be tshob njoñ tshu fa be ghù là bo à?

Soñ tsho nukebwô, kà lem sàm ju ghakwémbwe, mbèn mbam ywimde Yaweh Nsi zʼa dun nkôni là.

4. Mba nesô mèn ndà ntseʼde num njwimde là

Taʼ mèn zʼa ghù taʼ nukebwô ndùb mbèn nga nekañ ntù i là keʼ kuʼni nebèn ngù ze dùʼ ntùm ntseʼde. Boaʼ sô i ndà ntseʼde, be tsin netamde bo yi, mba netshobte bo yi. Siañ 1 Korintô 5:6, 11 bo 2 Yohané 9-11, mbèn mbùnde yen bètte li:

Ke zʼa be ntôg ngelañ bo maʼ ntshaʼ ntùm bàn à? Ke ze bʼa tôg a be ze bo fañ taʼ ngaghù nukebwô zʼa keʼ kô nekañ ntù i là ndà ntseʼde à?

Bwoñ benntùn tse bo naʼ nsô yub ndà ntseʼde là be miagde mbène, mba tà ndù a naʼ ya neshu; yennà naʼ ywimde yub nejuʼ mbe bo ghù ju a keʼ bwô là. (Yobkwi 141:5) Lôde LAʼDE NETSHAÑ, mbèn mbùnde yen bètte li.

LAʼDE NETSHAÑ: Soutenons fidèlement les jugements de Jéhovah (9:28)

Ntùm laʼde netshañ, nesô Sonja ndà ntseʼde naʼ ywimdʼé à ndùke?

Nesô mènntùn ndà ntseʼde num . . .

nkuʼni lén Yaweh Nsi à ndùke?
ndaʼde mbe Yaweh Nsi bʼa taʼ Nsi nkôni à ndùke?

5. Yaweh Nsi num ndagde ben ngelañ be kañ ntù ben nà

Yésu naʼ loʼ taʼ mfiʼ neywimde ben nejuʼ mba Yaweh Nsi num njuʼ wul i ngelañ taʼ mènntùn kañ ntù i là. Siañ Lukas 15:1-7, mbèn mbùnde yen bètte li: