YOTAANTSI 57
¿Paita abishimotempine pantakerorika antyaroite kaari kameetsatatsi?
Pikoabeta pinkemisantasanoteri Yioba aisati pinkimoshiretakayeri, iro kantaincha aparopee kitaiteri abiro pamashitya, aisati panterome antyaroite kaari kameetsatatsi (1 Corintosati 6:9, 10). Pantakerorika antyaro kaari kameetsatatsi, eiro pipeakotarotsi aikero irinintempi Yioba, ikoake iriori inkabintsayempi aisati iramitakotempi.
1. ¿Paita anteri inkabintsanteeri Yioba?
Ariorika nintiriri Yioba yantakero antyaroite kaari kameetsatatsi, yobashiretaka. Ikantakeri Yioba kemisantajeitiriniri aisati abirori: “Otimabeta pantane oshiakantiro kitionkatatsiri, ompeanajea okitamaroti sharaka” (Isaías 1:18, TNM). Ajokerorika antabeitaniri peerani, eirorika apiitajirotsi antakeri, abashiretakotyarorika, aitake inkabintsaajee Yioba. Irotake eiro akempetantajatsi kempe peerani, ajokero akenkeshireane kaari kameetsatatsi aisati ameyetari, irointikea aikero ajatatiye ankemisantero ikantakantiri Yioba (piñanatero Itiancaneni Jesoshi 3:19).
2. Antakerorika antyaro kaari kameetsatatsi, ¿jaoka onkantyari iramitakotee Yioba?
Yora Tasorentsi ikantakeri antakerori antyaro kaari kameetsatatsi “incajemerita yora jivatacaajeitiriri quemisantatsiri” (piñanatero Santiaco 5:14, 15). Yokapee jibatakantatsiri iriojeitake ikoyeane Tasorentsi, iriorijei inintasanotiri Yioba aisati irobishatepee. Iyotiro inkabintsante aisati iramitakotee ampiashitajeari Yioba (Carashiasati 6:1).
Antakerorika antyaroite kaari kameetsatatsi, ¿jaoka onkantyari iramitakotanteeri jibatakantatsiri? Apite irompa maba jibatakantatsiri iroinijayeero Bibiria irobametanteeri paita kaari okameetsatanta antakeri, aisati inkenkijayee eiro apiitajirotsi kaari kameetsatatsi. Impoiji inkamantee eirorika antajiro aparopee antabeerentsi apatotaantsiki irosati ankameetsashiretantajeari. Timatsirika aparoni kemisantatsiri kaari jokerone antyaroite kaari kameetsatatsi, yora jibatakantatsiri irojokeri iraamabentakotantyariri itsipapee ayemisantaririnte.
PIYOTASANOTERO YOTAANTSIKA
Piyotero jaoka onkantyari iramitakotanteeri Yioba antakerorika antyaro kaari kameetsatatsi.
3. Ankamantakoterorika antane, ari amatakero ankameetsashiretaje
Maaroni antakeri kaari kameetsatatsi obashiretakayeari Yioba, irotake okameetsatantari ankamanteri paitapeerika antakeri. Piñanatero Salmos 32:1-5 aisati pinkenketsatabakaajeitya:
-
¿Paita kaari okameetsatanta amanapitsateri Yioba antakeri kaari kameetsatatsi?
Okameetsati ankamanteri Yioba aisati ankamanteri jibatakantatsiri antakeri. Oka amitakotee ankameetsashiretaje. Pamenero SHIAKAANTSI aisati pinkenketsatabakaajeitya:
-
¿Jaoka ikantakari jibatakantatsiri yamitakotakeri Canon ipiashitantajariri Yioba?
Eiro amatabitiritsi jibatakaajeitantatsiri, irointikea ankamanteri antakeri, aitake iramitakojeitee. Piñanatero Santiaco 5:16 aisati pinkenketsatabakaajeitya:
-
¿Paitakea irimatantyarori jibatakaajeitantatsiri iramitakotee ankamanteririka antakeri?
Pinkamanteri jibatakantatsiri pantakeri, eiro pamatabitiritsi, aisati pishineteri Yioba iramitakotempi.
4. Irojokeeteririka antirori kaari kameetsatatsi, ari asaikajeitaje kameetsa apatotaantsiki
Jaanikarika antakerori kaari kameetsatatsi, impiatsatyarorika ikantakantiri Yioba, eiro imatajirotsi intsipatajeari iyemisantaririnte, irotake irojokanteetyariri. Eiro atsipabintsatajari aisati eiro akenketsatakaajiritsi. Piñanatero 1 Corintosati 5:6, 11 aisati 2 Joa 9-11. Impoiji pinkenketsatabakaajeitya:
-
Ora tapiakaarori tanta omatasanotakero otapiakaaro. Kempe tanta, ¿paita abishimoteene ankarateririka kaari jokiro yantane?
Osheki jokabetanajariri Yioba ipiashitajari, ¿paitakea ipiashitantajariri? Timatsi okantimonentakari yojokeetakeri, irotake ipiashitantajariri Yioba (Salmos 141:5). Pamenero SHIAKAANTSI aisati pinkenketsatabakaajeitya:
-
Yojokeetantakarori Sonia, ¿paita amitakotakerori?
Irojokeeteririka ayemisantaririnte, ¿jaoka onkantyari...
-
... ainijayeri Yioba apinkatsatiri?
-
... oinijayee irinti Yioba tampatikatatsiri aisati inintajeitee?
5. Ajokerorika maaroni kaari kameetsatatsi, aitake Yioba inkabintsayee
Ikenketsatakotirini Jesoshi obisha peachari, oka obametee jaoka ikantanentari Yioba impiashitajearirika jokabetanajariri. Piñanatero Irocashi 15:1-7 aisati pinkenketsatabakaajeitya:
-
¿Paita obametimpiri kenkitsarentsika? ¿Jaoka ikantari Yioba?
Piñanatero Irocashi 15:10 aisati pinkenketsatabakaajeitya:
-
¿Paita iranteri antirori kaari kameetsatatsi impiashitantajeariri Yioba?
Ikempetari Yioba shentiriri obisha: iriori ikenkeshireakojeitiri irobishatepee.
APAROPEE ATIRI IKANTI: “Notsaroake nonkamanteri jibatakantatsiri nantakero kaari kameetsatatsi. Ariorika nonkamanteri ari irojokakena”.
-
¿Paita pinkamanteriri kenkeshireirori oka?
EIRO PIPEAKOTAROTSI
Pojokanajerorika pantayetirini kaari kameetsatatsi, aisati eirorika papiitajirotsi pantabeitaniri peerani, ari inkabintsayempi Yioba.
Paita piyotabakeri
-
Pantakerorika kaari kameetsatatsi, ¿paita pinkenketsatakantyariri Yioba?
-
¿Paita anteri akoakerika inkabintsayee Yioba?
-
Antakerorika antyaro kaari kameetsatatsi, ¿paita okameetsatantari ankamanteri jibatakantantatsiri iramitakotanteeri?
PAMENERO PASHINIPEE
Piyotero jaoka ikantakari Yioba ikabintsaajiri aparoni shirampari, piyotakotero okantiri Isaías 1:18.
Irojokeeteririka antirori kaari kameetsatatsi, ¿paita abisatsineri kameetsatatsine?
“La expulsión: una muestra de amor” (La Atalaya, 15 de abril de 2015)
¿Paita yojokeetantariri antirori kaari kameetsatatsi? ¿Jaoka onkantyari oka pobameteri itsipapee kaari kemisantatsi?
Iyotaji shirampari Yioba yoipiajiri inkemisantajeri. Piñanatero iyenkitsare pajitachari “Necesitaba volver a Jehová”.
“La Biblia les cambió la vida” (La Atalaya, 1 de abril de 2012)
