LESON 57
Me si ou fer en pese grav?
Menm si ou kontan Zeova en kantite e ou fer ou mye pour pa fer okenn keksoz ki pou bles li, i kapab arive parfwa ki ou fer en fot. Par kont, i annan serten pese ki pli grav ki lezot. (1 Korentyen 6:9, 10) Si ou’n fer en pese grav, pa bliye ki Zeova i ankor kontan ou. I anvi pardonn ou e i anvi ed ou.
1. Ki nou bezwen fer pour Zeova pardonn nou?
Bann ki kontan Zeova i vreman tris ler zot realize ki zot in fer en pese grav. Me sa promes ki Zeova ti fer avek son pep i rekonfort zot: “Menm si zot pese i byen rouz, zot pou vin blan parey lanez.” (Izai 1:18, NWT) Si nou senserman repantir, Zeova pou pardonn nou totalman. Ki mannyer nou repantir? Nou vreman regrete pour sa ki nou’n fer, alor nou aret fer sa ki mal e sipliy Zeova pour pardonn nou. Apre nou fer bokou zefor pour sanz sa move fason panse oubyen move labitid ki’n fer nou arive fer sa pese. Nou osi fer nou mye pour viv en lavi ki fer plezir Zeova—Lir Izai 55:6, 7.
2. Ki mannyer Zeova i servi bann ansyen pour ed nou ler nou fer pese?
Si nou fer en pese grav, Zeova i dir nou “apel bann ansyen dan kongregasyon.” (Lir Zak 5:14, 15.) Bann ansyen i kontan Zeova ek son bann mouton. Zot kalifye pour ed nou aranz nou relasyon avek Zeova.—Galat 6:1.
Ki mannyer bann ansyen i ed nou ler nou fer en pese grav? De oubyen trwa ansyen pou servi bann konsey dan Labib pour koriz nou. Zot pou osi donn nou bann sizesyon pratik ek lankourazman ki pou ed nou evite fer sa pese ankor. Petet zot pou limit nou partisipasyon dan serten aktivite Kretyen pour en serten letan ziska ki nou reganny nou lasante spirityel. Si en dimoun in fer en pese grav e i pa oule repantir, bann ansyen pou retir oubyen ekskli li dan kongregasyon pour protez kongregasyon kont move lenfliyans.
AL PLI O PROFON
Konpran e apresye pli byen ki mannyer Zeova i ed nou ler nou fer en pese grav.
3. Ler nou konfes nou pese, sa i ed nou pour geri
Tou pese ki nou fer i enplik Zeova. Alor nou bezwen konfes avek li. Lir Psonm 32:1-5 e apre reponn sa kestyon:
-
Akoz i byen pour nou konfes nou pese avek Zeova olye esey kasyet?
Apard ki zis konfes nou pese avek Zeova, nou ganny soulaze ler nou rod led avek bann ansyen. Zwe sa VIDEO e apre reponn sa kestyon.
-
Dan sa video, ki mannyer bann ansyen ti ed Canon pour retourn kot Zeova?
Nou bezwen fran e onnet avek bann ansyen, zot la pour ed nou. Lir Zak 5:16 e apre reponn sa kestyon:
-
Akoz i pli fasil pour bann ansyen ed nou ler nou onnet avek zot?
Konfes ou pese, dir tou laverite avek bann ansyen e les Zeova ed ou
4. Akoz sa laranzman pour retir en dimoun ki pa repantir i bon?
Si en dimoun ki’n fer en pese grav i refize swiv standar Zeova, i pou nepli kapab form parti kongregasyon. I ganny retire oubyen ekskli dan kongregasyon. Nou pa frekant li ni menm koz avek li. Lir 1 Korentyen 5:6, 11 ek 2 Zan 9-11 e apre reponn sa kestyon:
-
Zis parey lelven i fer monte lapat dipen, ki mannyer ler nou frekant en peser ki pa repantir sa i afekte kongregasyon?
Bokou ki’n ganny ekskli dan kongregasyon i retournen pli tar akoz menm si sa disiplin i fer mal i ed zot pour retourn a larezon. (Psonm 141:5) Zwe sa VIDEO e apre reponn sa kestyon.
-
Dan sa video, ki mannyer ler Sonja ti ganny ekskli dan kongregasyon, sa ti ed li?
Ki mannyer sa laranzman pour retir bann peser ki pa repantir i . . .
-
anmenn loner lo non Zeova?
-
montre ki Zeova i rezonnab e i kontan nou?
5. Zeova i pardonn nou ler nou repantir
Zezi ti servi en legzanp ki ed nou konpran ki mannyer Zeova i santi ler en dimoun i repantir. Lir Lik 15:1-7 e apre reponn sa kestyon:
-
Ki sa i ansenny ou lo Zeova?
Lir Ezekyel 33:11 e apre reponn sa kestyon:
-
Ki nou bezwen fer pour montre ki nou vreman repantir?
Zis parey en berze, Zeova i kontan e okip byen son bann mouton
SERTEN DIMOUN I DIR: “Mon per pour al dir bann ansyen sa pese ki mon’n fer pangar mon ganny ekskli dan kongregasyon.”
-
Ki ou ti pou dir en dimoun ki santi koumsa?
REZIMEN
Si nou fer en pese grav me nou vreman regrete e nou determinen pour aret fer sa ki mal, Zeova pou pardonn nou.
Revizyon
-
Akoz i byen pour nou konfes nou pese avek Zeova?
-
Ki nou bezwen fer pour nou pese ganny pardonnen?
-
Si nou fer en pese grav, akoz nou devret rod led avek bann ansyen?
FER PLIS RESERS
Vwar ki mannyer en msye ti eksperyans pardon Zeova parey i ganny dekrir dan Izai 1:18.
Ki mannyer sa laranzman pour ekskli en dimoun ki pa repantir dan kongregasyon i benefisye tou dimoun?
“Akoz sa laranzman pour ekskli en dimoun i demontre lanmour?” (Latour Veyer 15 Avril 2015)
Aprann ki mannyer ou ti pou eksplik en dimoun ki pa Temwen sa laranzman pour ekskli en dimoun ki pa repantir dan kongregasyon.
“Do Jehovah’s Witnesses Shun Those Who Used to Belong to Their Religion?” (Lartik lo jw.org)
Dan sa zistwar “I Needed to Return to Jehovah,” vwar akoz en msye ki ti kit laverite ti santi ki Zeova ti ed li pour retournen.
“The Bible Changes Lives” (Latour Veyer 1 Avril 2012 an Angle)
You May Also Like
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
