SHIRONGWA 57
Weni ntjeneshi una tura ndjo yayinene?
Nampiri wa hora Jehova unene ntani kushetekera ko ngudu kushwenena po kurughana ovyo vi mu tjutjupito, pavirugho vimwe ngau tura mapuko. Ngoli, ndjo dimwe dinene kupitakana dapeke. (1 Korinte 6:9, 10) Ntjene au tura ndjo yayinene, vhuruka ashi Jehova kapi a shagheka kukuhora ntani a shana kukughupira po nakukuvatera.
1. Nke tu rughana mposhi Jehova a tu ghupire po?
Ovo va horo Jehova kuguva unene opo va turanga ndjo yayinene. Ngoli vavo kuvashengawida litwenyidiro lyaJehova kuvantu vendi ashi: “Ndjo denu, mpiri di gehe yira honde, ngadi kena yira viterengendje.” (Jesaja 1:18) Ntjene atu kushighura shiri-shiri, Jehova nga tu ghupira po. Weni tu kushighura? Pa kukuvera kovyo twa rughana, nakushagheka kurughana vyavidona ntani kukukwambera kwaJehova a tu ghupire po. Ntani kurughana mpopo twa hulira mukurundurura maghayaro ghetu ghamadona ndi virughana ovyo vya tu twaliditiro tu kadjone nakushetekera ko kuparuka kukuwa nampango daJehova dakukushuka.—Varura Jesaja 55:6, 7.
2. Weni Jehova a rughanitanga vakuronambunga va tu vatere ntjeneshi tuna tura ndjo?
Ntjene tuna tura ndjo yayinene, Jehova kututanterashi tu “yite vakuronambunga.” (Varura Jakobus 5:14, 15.) Vakuronambunga va hora Jehova ntani novo va mu karerango. Vavo va va deura mukutuvatera mposhi uholi wetu wauwa naJehova u vyukire po.—Galati 6:1.
Weni vakuronambunga va tu vatera ntjene tuna tura ndjo yayinene? Vakuronambunga vaviri ndi vatatu ngava rughanita Matjangwa mukutuvyukita. Vavo ngava tu pa ko maghano ntani makorangedo ogho nga gha tu vatero tu pire kudjona nka. Kuvhura ngava tokore kupira kutupulitira mukukuhameka muvirughana vimwe vyamumbungakriste dogoro uholi wetu naJehova ngau nkondopare. Ntjene ashi umwe a tura ndjo yayinene nakushwena kukushighura, vakurongambunga ngava mughupa mo mumbunga mposhi va popere mbungakriste kunkalito yayidona.
TEDA KO
Kushonge mwamunene nakukara narupandu omo Jehova a tu vateranga ntjene tuna tura ndjo yaninene.
3. Kutongonona ndjo kutuvatera tu vyutire po uholi wetu naJehova
Kehe ndjo twa turanga kutjutjupita Jehova, mbyo vya wapera tu tongonone kwendi. Varura Pisalme 32:1-5, makura timwitirenu lipuro lino:
-
Nke vya karera uwa kwetu tu tongonone ndjo detu kwaJehova mulivango lyakudihoreka?
Muruku rwakutongonona ndjo detu kwaJehova, tuna hepa nka kushungida mbatero kuvakuronambunga mposhi ngatu kuyuvhe lipwiyumuko. Kengera VIDIYO, makura timwitirenu lipuro lino.
-
Muvidiyo, weni vakuronambunga va vatelire Canon a vyuke kwaJehova?
Tuna hepa kumangurukira nakutantera vakuronambunga ushiri mbyovyoshi vavo kwa karera po va tu vatere. Varura Jakobus 5:16, makura timwitirenu lipuro lino:
-
Weni kutantera vakuronambunga ushiri viva rerupira va tu vatere?
Tongonona ndjo doye, tantera vakuronambunga ushiri ntani tambura mbatero yashihoro yaJehova
4. Omo kughupa mo muntu mumbunga vyavateranga
Ntjeneshi muntu a turo ndjo yayinene a shwena kukwama mpango daJehova, uye kumughupa mo mumbunga. Ntani nakuvhurashi kukaranga kumwe naye ndi kumughambita. Varura 1 Korinte 5:6, 11 ntani 2 Johannes 9-11, makura timwitirenu lipuro lino:
-
Yira momo vifulito vya shashitanga mboroto vana duvu, weni kukarauranga naumwe a turo ndjo nakushwena kukushighura vi kundama mbungakriste?
Shingi shovo va ghupa mumbunga muruku va vhura kuvyuka kumbungakriste morwa lipukururo linya. Mpiri momo vya kara tjutju ngoli vya va vatera va dimburure undjoni wavo nakukushighura. (Pisalme 141:5) Kengera VIDIYO, makura timwitirenu lipuro lino.
-
Muvidiyo, weni vya muvatelire Sonja opo vamughupire mo mumbunga?
Weni liwapaiko lyakughupa mo muntu mumbunga . . .
-
lya neghedanga lifumadeko kulidina lyaJehova?
-
lya neghedanga ashi Jehova muuhunga ntani a kara nashihoro?
5. Jehova kutughupira po ntjene atu kushighura
Jesus kwa rughanitire shifanikito osho shi tu vatero tu kwate lighano omo Jehova a kuyuvhanga opo muntu a kushighuranga. Varura Lukas 15:1-7, makura timwitirenu lipuro lino:
-
Vinke vina kukushonga vino kuhamena Jehova?
Varura Esegiel 33:11, makura timwitirenu lipuro lino:
-
Vininke munke viviri u rughana vi neghedo ashi una kushighura?
Yira mushita, Jehova kwa kara nashinka shashinene kundjwi dendi
VAMWE KUGHAMBA ASHI: “Ame woma ntjeneshi ngani tantere vakuronambunga ndjo yande, mbyovyoshi kuvhura ngava ngupe mo mumbunga.”
-
Weni u mu limburura muntu ana kukuyuvho ngoli?
LIKAMO
Ntjene a tu tura ndjo yayinene ngoli atu kuvere ntani nakutokomena kushagheka kurughana vyavidona, Jehova nga tu ghupira po.
Livyukuruko
-
Nke vi karera uwa kwetu tu tongonone ndjo detu kwaJehova?
-
Nke tu rughana mposhi va tu ghupire po ndjo detu?
-
Ntjene tuna tura ndjo yayinene, morwanke tu shanena mbatero kuvakuronambunga?
YIVAKO VYAVINGI
Kenga omo murume umwe a kumoninine nkenda yaJehova va twenya mwaJesaya 1:18.
Weni liwapaiko lyakughupa mo muntu mumbunga liyitira uwa navantje?
“Kugusa mombunga kuna kara ewapaiko lyeharo” (Ruhungu, 15 Kudumonkuru 2015)
Kushonge omo u fatulira umwe a piro kukara ashi Mbangi ovyo muntu vamughupiranga mumbunga.
“Mbangi daJehova kushwenena po ovo va tundo mo muukareli wavo ndi?” (Shirongwa kuinternet)
Kushonge ovyo murume ogho a tundiro kuushiri a kuyuvhire ashi Jehova a mukokire a vyuke, mushishorokwa ashi: “Na hepere kutengura kwaJehova.”
“Bibeli kurundurura maparu govantu” (Ruhungu, Kudumogona-Pembagona, 2012)
