TOLI 57

Sai mu du efii du wan gaan sondu?

PEE

U lobi Yehofa, neen meke we meke moiti fu wa du sani di o hati en. Tokuso we meke fowtu son yuu. Ma son fowtu di we meke e bigi moo taawan (1 Korentesama 6:9, 10). Efii du wan gaan sondu da holi a pakisei taki Yehofa lobi i. A wani gii paadon. A wani yeepi i tu.

1. San u mu du efu u wani Yehofa gi u paadon?

Ai hati wan sama di lobi Yehofa te a kon fusutan taki a du wan gaan sondu. Ma a sa fende taanga-sikin te a kon fusutan san Yehofa paamisi den sama di e dini en. Yehofa taki: ‘Winsi den sondu fu u lebi enke buulu, den o kon weti enke katun’ (Yesaya 1:18). Efu u soi taki den sani di u du e hati u tuutuu, da Yehofa o gi u paadon. Sai soi taki a sondu di wan sama du e hati en tuutuu? Efu ai hati wan sama tuutuu taki a du wan sondu, aw begi Yehofa fu a gi en paadon, da aw meke moiti fu aa du a sani de moo. Aw meke moiti fu kengi a fasi fa ai denki. Aw meke moiti fu tapu anga son sani di a be gwenti du di be meke a du a sondu. Aw meke moiti fu du sani enke fa Yehofa wani tu.—Leisi Yesaya 55:6, 7.

2. Fa Yehofa e meke den owluman yeepi u te u du wan gaan sondu?

Yehofa taki te u du wan gaan sondu, da u mu ‘taki anga den owluman fu a kemeente’. (Leisi Yakowbesi 5:14, 15.) Den owluman lobi Yehofa anga den baala anga sisa. Te u meke wan fowtu, den sabi fa den mu yeepi u fu wi anga Yehofa toon mati baka.—Galasiyasama 6:1.

Fa den owluman e yeepi u te u du wan gaan sondu? Te wan sama du wan gaan sondu, da tu efuso dii owluman e taki anga en. Den o koboloiki a Beibel fu gi en taanga-sikin. Den o soi en san a mu du fu aa meke aseefi fowtu baka. Kande den o taigi en taki a naw poi du son sani aini a kemeente moo te enke a kisi enseefi baka. Efu wan sama du wan gaan sondu neen aa wani kengi, da den baala e puu en aini a kemeente. Den e du a sani ya fu yeepi den taa baala anga sisa fu den á waka na a sama baka.

LUKU A TOLI YA MOO FINI

Wo luku fa Yehofa e yeepi u te u du wan gaan sondu. A sani ya o yeepi u fu teke san ai du gi u fu bigi.

3. Efu u taki kiin san u du wo toon Yehofa mati baka

Te u du wan sondu ai hati Yehofa, neen meke u mu taigi en kiin san u du. Leisi Psalm 32:1-5, da i luku efii poi piki a akisi ya:

Saide a bun fu u taigi Yehofa kiin san u du, pe fu u kibii a taki?

Te u taigi Yehofa kiin san u du, da u mu go taigi den owluman tu. Den owluman o yeepi u fu fii bun baka. Pee a FELON, da i luku efii poi piki a akisi ya.

FELON: ‘Yehofa e puu kaasi gi den sama di a lobi’ (3:01)

Fa den owluman yeepi Canon fu toon Yehofa mati baka?

Wa mu kibii sani gi den owluman, bika a den mu yeepi u. Leisi Yakowbesi 5:16, da i luku efii poi piki a akisi ya:

Saide aw moo makiliki gi den owluman fu yeepi u te u nai kibii sani gi den?

Taigi den owluman kiin sai du, ná kibii sani gi den, teke a yeepi di Yehofa e gii

4. Saide den baala e puu son sama aini a kemeente?

Te wan sama du wan gaan sondu ma aa wani kengi, da den baala abi fu puu en aini a kemeente. Te den puu wan sama aini a kemeente, u nai taki anga en moo. Leisi 1 Korentesama 5:6, 11 anga 2 Yohanisi 9-11, da i luku efii poi piki a akisi ya:

Te ye paa anga wan sama di den puu aini a kemeente a leti enke te i be o poti sowda gi bolon. Sowtu bakapisi a sani ya be o abi gi a kemeente?

A omen sama di den be puu aini a kemeente daai kon dini Yehofa baka. Saide den du a sani ya? A be hati den di den puu den aini a kemeente, ma a sani ya be yeepi den fu si taki den mu kengi (Psalm 141:5). Pee a FELON, da i luku efii poi piki a akisi ya.

FELON: Du sani enke fa Yehofa wani (9:28)

Sowtu wini Sonja fende di den be puu en aini a kemeente?

Te den puu wan sama aini a kemeente da . . .

fa a sani ya e gi Yehofa nen gaandi?
fa ai soi taki Yehofa nai suku fini tumisi?

5. Yehofa e gi u paadon te u soi taki a sani di u du e hati u tuutuu

Yesesi be gi wan ageisitoli di e soi fa Yehofa e fii te wan sama soi taki a sondu di a du e hati en tuutuu. Leisi Lukasi 15:1-7, da i luku efii poi piki a akisi ya: