AYEGHLE 57
Za dzam ô ne bo nge ô boo môra nsem ?
Amben wa dzing Jehôva ya n’nem ôse, wéé ve fe mengu’u naa ô taa ñe ve n’nem mintèñ, biyong bizing wa ye bo bikop, ve, minsem mizing mia dang minen a lôt émi mivoo. (1 Becorinthien 6:9, 10) Nge ô boo môra nsem, simghane naa Jehôva aa ye ki sim naa a dzing wa ; a kômô wô djii ya n’nem ôse, a kômô fe wô vole.
1. Za dzam bi ne bo naa Jehôva a djii bia ?
Éyong é bôt ba dzing Jehôva ba yen naa be va bo môra nsem, dzam té da bo be n’nem mintèñ. Ve, Jehôva a fôlô bo min’nem ya é ngiagh a nga bo ayong dèñ : « Amben minsem mienan mi ne ane rojo escarlata nge ki l’écarlate, mia ye tobe nfum ane nieve nge ki neige. » (Esaïe 1:18) Nge bia dzôbane ya n’nem ôsese, Jehôva a ye dzame minsem miè misese. A dzôban da yili yè ? Da yili naa wa dzôbane ya n’nem ôse, amu wa yem naa é dzam ô va bo é ne abé, ya dzaa Jehôva naa a djii wa. Éyong té bia sèñ ngu’u naa bia tsen mbimbia ôsiman nge ki mbimbia mefulu me va ve naa bi bo nsem, éyong té bia ve mengu’u naa bi wule aval metsin metsing ma dzô de.—A lang Esaïe 55:6, 7.
2. Nge bi boo nsem, aval avé Jehôva a vole bia ngalane bemvene ?
Nge bi boo môra nsem Jehôva a dzô bia naa « bi luè bemvene be ye ékôan. » (A lang Jacques 5:14, 15.) Bobedzang beté ba dzing Jehôva ya mintoma mièñ. Be ne bia vole naa bi kôm élat dèè ya Jehôva.—Begalates 6:1.
Aval avé bemvene be ne bia vole éyong bi va bo môra nsem ? Bemvene bebèñ nge ki belal ba ye bia vole béé belane Bible, amu naa é dzam bi va bo é ne abé. Ba ye fe bia ve mbemba melepgha ya vole bia naa bi taa bera bo nsem té. A ne bo naa bemvene be ne bia ve niè naa bi taa bera bo mam mézing me larane ya ékôan ngura tam, yakekuiñ bia ye bera tobe mvoa a nsisim. Nge môt a boo môra nsem kaa dzôban, bemvene ba ye ñe tele afeng ékôan naa be kame ékôan akal mbia fulu dèñ.
A TUGHA FAS
Bia yiène veme édzing dèè akal Jehôva ya é dzam a bo naa a vole bia nge bi boo môra nsem.
3. A kobe nsem ô va bo da ye wô vole naa ô tobe mvoa
Nsem sese bia bo wa name Jehôva, éde bia yiène kobe nsem bi va bo. A lang Bya 32:1-5, éyong té mia lèè minlang mia daghe nsili wa zu wi :
-
Amu dzé é ne mbeng naa bi kobe Jehôva nsem bi va bo kaa naa bia chale do ?
Naa bi bo mvoa, biaa yiène ki sughu fave naa bia kobe Jehôva nsem bi va bo, bia yiène fe ke dzaa bemvene naa be vole bia. Daghane ÉNGENGENG, éyong té mia lèè minlang mia daghe nsili wa zu wi :
-
Éngengeng di été, nfa ye naa Canon a bera dughan ébe Jehôva, aval avé bemvene be nga vole ñe ?
Bia yiène mane kobe bemvene dzam asese ; amu be ne vèè naa ba vole bia. A lang Jacques 5:16, éyong té mia lèè minlang mia daghe nsili wa zu wi :
-
Ye wa tem naa da ye bo bemvene ébubu naa be vole bia nge bi mane kobe bebela asese ?
Kobeghe nsem ô va bo, ô taa chale bemvene dzam ézing, ô yebe fe avole Jehôva a ve wa ya édzing
4. A tele môt afeng ékôan été da vole môt asese
Éyong môt a bo môra nsem, a tep naa a dzale metsin mesting Jehôva, môt té éé se ki fe tobe ékôan été, ba tele ñe afeng. Ya fe naa bii se ki fe bera bele élat ya ñe nge ki a kobe ya ñe. A lang 1 Becorinthien 5:6, 11 ya 2 Jean 9-11, éyong té mia lèè minlang mia daghe nsili wa zu wi :
-
Aval ane levadura nge ki levure a ne avidzang a mane miemane mfem asese, aval avé mbia fulu é môt a ne kaa dzôban é ne name ékôan ?
Abuiñ bôt be nga tele afeng ékôan be nga bera bulan ékôan été. Tam ézing akira té é nga bo be édedèè mintèñ, ve, é nga vole bo naa be dzôban. (Bya 141:5) Daghane ÉNGENGENG, éyong té mia lèè minlang mia daghe nsili wa zu wi :
ÉNGENGENG : Apoyemos lealmente la justicia de Jehová nge ki Soutenons fidèlement les jugements de Jéhovah (9:28)
-
A tele Sonja afeng ékôan été é nga vole ñe yè ?
Aval avé a tele môt afeng ékôan été da . . .
-
lughu éyôla Jehôva ?
-
lere naa Jehôva a ne sôsôe ya naa a dzing fe bia ?
5. Jehôva a djii bia éyong bia dzôban
Ya éfônan, Yésu a nga lere aval Jehôva a wôran éyong môt a dzôban. A lang Luc 15:1-7, éyong té mia lèè minlang mia daghe nsili wa zu wi :
-
Za dzam Jehôva a yeghle bia ya éfônan té ?
A lang Ezéchiel 33:11, éyong té mia lèè minlang mia daghe nsili wa zu wi :
-
Za dzam da lere naa môt a dzôban ya n’nem ôsese ?
Ane mbaghlé mintoma, Jehôva a bira bis mintoma mièñ
NGE MÔR ÉZING A DZÔ WÔ NAA : « A kobe ya bemvene da ve ma éko-wong naa be tele ma afeng ékôan été nge me dzô bo é dzam me nga bo. »
-
Za dzam ô ne dzô é môt a bele aval ôsiman té ?
AKIGHE BES
Nge bi boo môra nsem, bii dzôban ya n’nem ôsese éyong té bi ñong fe nkighane naa biaa ye de bera bo, Jehôva a ye bia djii.
Ôbaghle
-
Amu dzé é ne mbeng naa bi dzô Jehôva minsem bi va bo ?
-
Za dzam bia yiène bo nfa ye naa Jehôva a djii minsem miè ?
-
Nge bi boo môra nsem, amu dzé bia yiène dzaa bemvene avole ?
Ô NE FE KE DAGHE
Yeneghe aval avé môt a nga buan é mvam Jehôva bia yen nten Esaïe 1:18.
Aval avé a tele môt ékôan nfeng é ne vole môt asese ?
« La expulsión: una muestra de amor » nge ki « Pourquoi l’excommunication est une disposition pleine d’amour » (La Atalaya, 15 de abril de 2015 ; La Tour de Garde, 15 avril 2015)
Yeghe aval ô ne dzô é môt éé se ki ékôan été, é dzam da yili a tele môt afeng ékôan été.
« ¿Dejan los testigos de Jehová de tratarse con quienes ya no son de su religión? » nge ki « Les Témoins de Jéhovah rejettent-ils les ex-Témoins ? » (Nlô-adzô té ô ne a nden)
Yeghe nlang « Necesitaba volver a Jehová » nge ki « Il fallait que je revienne vers Jéhovah » ye yen aval Jehôva a nga bera dure môt ézing naa a bera dugha ékôan été.
« La Biblia les cambió la vida » nge ki « La Bible transforme des vies » (La Atalaya, 1 de abril de 2012 ; La Tour de Garde, 1er avril 2012)
