ODHEAI 57
Ami Gombhir Patok Kelam Zalear Kitem Korunk Zai?
Ami Jehova Devacho khub mog kortat. Ani taka borem dista tem korunk ami khub proitn kortat. Tori astana, ami ek-ek pavtti chuktat. Ani kednam-i amchea lagim gombhir patok zaunk xokta. (1 Korintkarank 6:9, 10) Ani oxem ghoddtta tednam pasun, Jehova amcho khub mog korta ani to amkam modot korunk toiar asa mhunn ami kednanch visorchem nhoi.
1. Jehovan amkam bhogxilʼlim zai zalear ami kitem korunk zai?
Eklean gombhir patok kelam astolem ani taka lagon taka khub dukh zata. Tea vellar, Jehovachim utram taka bhuzvonn diunk xoktat. To amkam sangta: “Zori patkam tumchim lal-tambddim, tori borfa vori zatoleat tumi nitoll dhovim.” (Izaias 1:18) Zor to munis kallzant thaun poschatap korta zalear, Jehova Dev taka bhogxitolo. Tannem khoroch poschatap kela zalear to aplem patok soddun ditolo ani Jehova lagim bhogsonnem magtolo. Uprant, jea vaitt sonvoim-ank lagon vo chukichea chintpak lagon to patok korunk pavlolo tem soddun diunk to vavurtolo ani Jehovachea noitik dorjeam pormonnem cholonk proitn kortolo.—Izaias 55:6, 7 vachat.
2. Ami patok kelear Jehova vhoddilam udexim amkam koso modot korta?
Ami gombhir patok kelam zalear ami “sobhechea vhoddilank apounche” mhunn Jehova sangta. (Jakob 5:14, 15 vachat.) Te zanntte vo vhoddil Jehovacho ani tachea xelliancho khub mog kortat. Taka lagon, eka munxan gombhir patok kelam zalear, te taka Jehova sangata tachi ixttagot ghott korunk modot kortole ani oxem korunk te purte asat.—Galasiekarank 6:1
Ami gombhir patok kelam zalear vhoddil amkam koxe modot kortole? Don vo tin vhoddil amkam Bible adarit solʼle ditole ani ami kelʼlem patok porot korina zaunk ami kitem korunk zata tea vixim te amkam sangtole. Ani Jehova lagim amchi ixttagot porot ghott zaum porian sobhentlea thoddea kamamnim ami bhag gheunchim nhoi mhunn te ghoddie amkam sangtole. Punn ek munis poschatap korunk toiar na zalear, sobhentlea bhav-bhoinnancher vaitt porinnam zaina zaunk te taka sobhentlean bhair kaddttole.
KHOLAIEN XIKAT
Ami ek gombhir patok kelam zalear Jehova amkam koso modot korta tem zannam zaiat. Ani tannem amkam modot korunk ji manddavoll kelea tea pasot taka upkariponn dakhoiat.
3. Amchim patkam ami lipoun dovorinant zalear amkam faido zatolo
Ami koslem-i patok kelam zalear tea vixim ami Jehovak magnneant sangonk zai. Stotr 32:1-5 vachun sokol dilʼlea prosnacho zobab zannam zaum-ia:
-
Ami amchim patkam lipounche bodlek ukteponnim Jehovak sangop kiteak gorjechem?
Amchim patkam Jehovak sanglea uprant ami sobhentlea vhoddilanchi-i modot gheunk zai. VIDEO polloun sokol dilʼlea prosnacho zobab zannam zaum-ia:
-
Jehova lagim porot ieunk vhoddilamnim Canon-ak koxi modot keli?
Ami amcheo chuki ukteponnim vhoddilank sangtat tednam te amkam modot korunk pavtole. Jakob 5:16 vachun sokol dilʼlea prosnacho zobab zannam zaum-ia:
-
Ami kainch lipoinastana vhoddilank soglem sangtat tednam amkam modot korunk tankam koxem sompem zatolem?
Magnneant tujea patkam vixim Jehovak sang, vhoddilam thaun kainch lipoinaka ani Jehovachi modot ghe
4. Sobhentlean bhair kaddchi manddavoll aslolean kosle faide asat?
Ek munis gombhir patok korta ani to khoro poschatap korina zalear, taka sobhentlean bhair kaddttat ani to sobhecho bhag zaun urona. Oslea munxa sangata ami ixttagot dovrinant, na mhunn tachea lagim ami uloinant. 1 Korintkarank 5:6, 11 ani 2 Juanv 9-11 vachun sokol dilʼlea prosnacho zobab zannam zaum-ia:
-
Ilʼlem-xem khomir akʼkhem pitt ambott korta, tech bhaxen sobhentlean bhair kaddlolea munxam sangata ami ixttagot dovorli zalear kitem zaunk xokta?
Zankam sobhentlean bhair kaddlolim tannim uprant apli chuk vollkhon khoro poschatap kelo ani tim sobhent porot ailim. (Stotr 141:5) VIDEO polloun sokol dilʼlea prosnacho zobab zannam zaum-ia:
-
Sobhentlean bhair kaddlolean Sonia-k koxi modot zali?
Fuddem dileat tea prosnache-i zobab zannam zaum-ia:
-
Sobhentlean bhair kaddche manddavolli vorvim Jehovachea nanvak man koso melltta?
-
Sobhentlean bhair kaddche manddavolli vorvim Jehova mogall ani sarkem asa tench korta mhunn amkam koxem kolltta?
5. Ami poschatap kortat tednam Jehova amkam bhogxita
Ek munis poschatap korta tednam Jehovak koxem dista tem somzonk Jezun ek vopar sangli. Lukas 15:1-7 vachun sokol dilʼlea prosnacho zobab zannam zaum-ia:
-
Hea voparintlean amkam Jehova vixim kitem kollon ieta?
Ezekiel 33:11 vachun sokol dilʼlea prosnacho zobab zannam zaum-ia:
-
Poschatap korunk ami koslim panvlam gheunk zai?
Eka gonvllea porim Jehovak aplea xellianchi khub kallji asa
THODDO LOK MHUNNTTA: “Hanvem mhojem patok vhoddilank sanglem zalear te mhaka sobhentlean bhair kaddttole mhunn mhaka bhirant dista.”
-
Konnui oxem mhunntta zalear tumi taka kitem sangtolim?
KITEM XIKLIM
Ami gombhir patok kelam, punn amkam tea vixim kallzantlean vaitt dista ani toxem porot korina zaunk ami amche lagim zata titlem-i kortat zalear Jehova amkam bhogxitolo.
Porot Ugddas Korum-ia
-
Amchea patkam vixim ami magnneant Jehovak sangop kiteak gorjechem?
-
Amchim patkam amkam Jehovan bhogxilʼlim zai zalear ami kitem korunk zai?
-
Ami gombhir patok kelam zalear ami vhoddilanchi modot kiteak gheunk zai?
ANIK SODHAT
Izaias 1:18-ant sanglolea pormonnem eka dadlean Jehovachi doia koxi onnbhovli tem zannam zaiat.
Sobentlean bhair kaddche manddavolli vorvim sogleank koso faido zata?
“Sobhentlean Bhair Kaddop Hi Ek Mogall Manddavoll Kiteak?” (The Watchtower, April 15, 2015)
Sobhentlean bhair kaddop hea manddavolli vixim Sakxi nant tankam ami kitem sangtolim tem zannam zaiat.
“Adim Jehovache Sakxi Aslolea Lokank Jehovache Sakxi Pois Kortat Kai?” (Web article)
“Ami Jehova-xim Porot Ieunchi Goroz Asli,” hea lekhant sot soddun gelʼlea eka munxak porot ieunk Jehovan modot keli mhunn kiteak dislem tem zannam zaiat.
Tumkam Hem-ui Avoddttolem
ZAITE PAVTT VINCHARLOLE PROSN
Jehovachim Sakxim Bible xikonk koxim modot kortat?
Jehovachea Sakxeamnim Bible xikonk ji funkott manddavoll kelʼli asa tantunt tumi Bible-achem khoinchem-i bhaxantor uzar korunk zata. Tumchea ghorcheank vo ixttank tumchea sangata Bible xikonk apounk fattim soronakat.
