LESENI 57
Dika Badana ta Oi Karaia Neganai be Edena Bamona?
Ena be Iehova oi lalokau henia bada, bona oi ura lasi iena lalona ia hahisia karana ta oi karaia, to nega ta ta kerere do oi karaia. Bona, kara dika haida be dika badadia. (1 Korinto 6:9, 10) Bema dika badana ta oi karaia, namona be oi laloatao Iehova be oi ia lalokau henia, bona ia ura emu dika ia gwauatao bona oi ia durua.
1. Iehova ese ita ia gwauatao totona, dahaka do ita karaia?
Iehova idia lalokau henia taudia be kara dika badana ta idia karaia neganai, idia lalohisihisi bada. To, Iehova ena gwauhamata herevana ese idia dekenai goada ia henia. Ia gwau: “Ena be emui kara dika be kakakaka momokani, to do ia kurokuro momokani, sinou bamona.” (Isaia 1:18) Bema mai eda lalona ibounai ida ita helalo-kerehai, Iehova ese iseda dika do ia gwauatao momokani. Edena dala ai ita helalo-kerehai diba? Ita karaia dika dainai ita sori bada, unai kara ita rakatania, bona Iehova ita noia iseda dika do ia gwauatao. Bena ita gaukara goada iseda lalohadai bona kara ita haidaua, unai amo unai kara dika do ita rakatania, bona Iehova ena taravatu maorodia do ita badinaia.—Isaia 55:6, 7 duahia.
2. Ita kara dika neganai, Iehova ese edena dala ai elda taudia ia gaukaralaia ita idia durua totona?
Bema ita be kara dika badana ta ita karaia, Iehova ia gwau, “namona be kongrigeisen ena elda taudia [ita] boiria.” (Iamesi 5:14, 15 duahia.) Unai tatau be Iehova bona iena mamoe idia lalokau henia. Idia be treinini idia abia vadaeni, bona ita do idia durua iseda hetura karana Iehova ida ita hanamoa totona.—Galatia 6:1.
Kara dika badana ta ita karaia neganai, elda taudia be edena bamona ita do idia durua? Elda rua o toi ese Baibel ena sisiba amo ita do idia hamaoromaoroa. Danu, ita do idia hagoadaia bona unai kara dika ita karaia lou lasi totona, heduru herevadia do idia henia. Reana disisen do idia karaia, kongrigeisen lalonai hahenamo haida do ita haboioa, ela bona iseda hetura karana Iehova ida ia goada lou. Kongrigeisen idia gimaia totona, elda taudia ese kara dika ia karaia bona ia helalo-kerehai lasi tauna be murimuri ai idia atoa diba.
DIBA MA HAIDA ABIA
Kara dika badana ta ita karaia neganai, Iehova ese ita ia durua dalana do oi dibaia.
3. Kerere gwauraia hedinarai karana ena namo
Kerere ita karaia neganai Iehova ita hahisia, unai dainai ia dekenai eda kara dika ita gwauraia hedinarai be maoro. Salamo 32:1-5 duahia, bena inai henanadai herevalaia:
-
Dahaka dainai iseda kerere ita hunia lasi, to Iehova dekenai ita gwauraia hedinarai be mai ena namo?
Iehova dekenai eda kerere ita gwauraia hedinarai sibona lasi, to elda taudia edia heduru ita tahua ese ita do ia durua bada danu. VIDIO itaia, bona henanadai herevalaia.
-
Vidio lalonai, edena dala ai elda taudia ese Canon idia durua Iehova dekenai ia giroa lou totona?
Namona be elda taudia dekenai mai momokani ida iseda kerere ita gwauraia hedinarai, ita idia durua totona idia noho. Iamesi 5:16 duahia, bena inai henanadai herevalaia:
-
Dahaka dainai mai momokani ida ita hereva neganai, elda taudia ese ita idia durua diba?
Emu kara dika oi gwauraia hedinarai, mai momokani ida elda taudia oi hamaoroa, bona Iehova ena heduru oi abia dae
4. Atoa siri karana ena namo
Bema kara dika badana ia karaia tauna ia ura lasi Iehova ena taravatu ia badinaia, ia be kongrigeisen lalonai do ia noho lasi. Ia do idia atoa siri, bona ita be ia do ita bamoa lasi o hereva henia lasi. Korinto Ginigunana 5:6, 11 bona 2 Ioane 9-11 duahia, bena inai henanadai herevalaia:
-
Isti be paraoa ia hatubua hegeregerena, ia helalo-kerehai lasi kara dika tauna ita bamoa karana be edena dala ai kongrigeisen ia hadikaia diba?
Kongrigeisen amo idia atoa siri taudia momo be gabeai idia giroa mai, badina ena be idia abia matahakani be auka, to idia ia durua bona idia laloparara idia karaia karana be maoro lasi. (Salamo 141:5) VIDIO itaia, bona henanadai herevalaia.
-
Inai vidio lalonai, edena dala ai atoa siri karana ese Sonja ia durua?
Edena dala ai atoa siri karana ese . . .
-
Iehova ena ladana ia hahelagaia?
-
ia hahedinaraia Iehova be laloa maoromaoro bona lalokau Diravana?
5. Ita helalo-kerehai neganai, Iehova ese ita ia gwauatao
Iesu ese parabole ta ia gwauraia bona ita ia durua ta ia helalo-kerehai neganai, Iehova ena hemami ita lalopararalaia totona. Luka 15:1-7 duahia, bena inai henanadai herevalaia:
-
Unai parabole amo Iehova ena kara dekenai dahaka oi dibaia?
Esekiela 33:11 duahia, bena inai henanadai herevalaia:
-
Oi helalo-kerehai totona dahaka mai anina bada gauna oi karaia be namo?
Mamoe naria tauna bamona, Iehova be ena mamoe ia laloa bada
HAIDA IDIA GWAU: “Lau gari elda taudia dekenai egu kara dika lau gwauraia hedinarai totona, badina lau ura lasi orea murimurinai lau idia atoa.”
-
Unai bamona ia hereva tauna dekenai dahaka do oi gwau?
POINT BADANA
Bema kara dika badana ta ita karaia, to mai momokani ida ita sori bona eda lalona ita hadaia unai kara dika do ita rakatania, Iehova ese ita do ia gwauatao.
Riviu
-
Dahaka dainai Iehova dekenai iseda dika ita gwauraia hedinarai be mai ena namo?
-
Iehova ese iseda dika ia gwauatao totona dahaka ita karaia be namo?
-
Bema kara dika badana ta ita karaia, dahaka dainai elda taudia edia heduru ita tahua be namo?
REFERENS ITAIA
Isaia 1:18 ena hereva hegeregerena, tau ta ese Iehova ena hebogahisi ia abia dalana do oi itaia.
Edena dala ai atoa siri karana be mai ena namo?
“Dahaka Dainai Atoa Siri Karana be Lalokau Karana Ta?” (Gima Kohorona, April 15, 2015)
Witnes lasi tauna dekenai atoa siri karana oi gwauraia hedinarai dalana oi dibaia.
“Iehova Dekenai Lau Giroa Lou be Namo” ena sivarai lalonai, tauna ta be hereva momokani amo ia hure oho, to ia mamia Iehova ese ia abia giroa ena badina do oi dibaia.
“Baibel ese Mauri Ia Haidaua” (Gima Kohorona, April 1, 2012)
Reana Inai Danu Oi Ura
Momo Edia Henanadai
Iehova Ena Witnes Taudia be Dahaka Baibel Stadi Kosi Idia Karaia?
Iehova Ena Witnes Taudia ese idia karaia Baibel stadi be davana lasi, bona oi ura henia Baibel oi gaukaralaia diba. Emu ruma bese eiava turadia oi boiria diba stadi lalonai idia helai totona.
