Tuu liipst Yeehoowa hërtslich un xtrengst tich aan fer sayne wile mache, awer toch als mool machst tuu feeler. Awer etliche feeler khene xlimer sin wii ti anere. (1 Korinter 6:9, 10) Wëns tuu een xlime sint machst, ferkes net tas Yeehoowa tich noch liipt. Tee wil tich fertsaye un helfe.

1. Was mise mer mache tas Yeehoowa uns fertsayt?

Weer Yeehoowa liipt xpiirt sich aarich traurich wën eyer siit tas se eene xlime sint kemacht hot. Awer ti ferxpreche woo Yeehoowa fer sayn folek kemacht hot, treest uns: “Wën ayre sinte aach root sin, wëre se soo ways wii xnee.” (Isayas 1:18) Wën mer uns hërtslich peroye, wërt Yeehoowa uns fertsaye. Wii tsayche mer tas mer uns peroye? Wën mer wërklich uns peroye, lose mer noo tsu mache was ferkheert is un hale aan tas Yeehoowa uns fertsaye sol. Tan, wëre mer mache ales was meechlich is fer ënere ti ketanke un kewoonheete woo uns tsum sint kenom hon. Un noch, mer xtrenge uns aan fer leepe soo wii Yeehoowa saat wiis richtich is.  —  Lees Isayas 55:6, 7.

2. Wii penutst Yeehoowa ti elteste fer uns helfe wën mer kesint hon?

Wën mer een xlime sint mache, saat Yeehoowa tas mer sole ‘ti elteste fon te kemaynt ruufe’. (Lees Tyako 5:14, 15.) Ti elteste liipe Yeehoowa un sayn xeef. Tii penutse ti khëntnis fon te Piipel fer uns helfe noch mool een xtark fraayntxaft mit Yeehoowa hon.  —  Kalater 6:1.

Wii helfe uns ti elteste wën mer een xlime sint kemacht hon? Tswaay orer tray elteste wëre ti Piipel penutse fer tsayche warom es ferkheert is was mer kemacht hon. Tii wëre uns aach foerxlache un aanreete kepe fer uns helfe net wiiter sinte. Im xtant ëntxlise se tas, fer een tsayt, es peser is tas mer net teel mache in etliche aktiwiteete fon te kemaynt, pis unser ferheltnis mit Yeehoowa wiiter xtark is. Awer, un wën yemant sich net peroyt fon een xlime sint? Tan wëre ti elteste tiise persoon tesasosiire, tas tee sol net sin een xlecht influens fer anere in te kemaynt.

LËRN MEE

3. Ufrichtich saan tas mer een feeler kemacht hon, heleft uns

Yeete sint pelayticht Yeehoowa. Tes weeche, mise mer iim fertseele te feeler woo mer kemacht hon. Leest Psalm 32:1-5. Noochte xprecht iwich tiise frooch:

• Xtats ferxtekele was mer kemacht hon, warom is es peser Yeehoowa fertseele te sint woo mer kemacht hon?

4. Ti tesasosyasyoon khan een hilef sin

Wën een persoon een xlime sint macht un nëmt net aan mache was Yeehoowa saat woo richtich is, tan khan tee net mee teel mache in te kemaynt. Tiise persoon wërt tesasosiirt, mer hon khee umkang mee mit iim un xpreche aach net mee mit iim. Leest 1 Korinter 5:6, 11 un 2 Yoohan 9-11. Noochte xprecht iwich tiise frooch:

• Soo wii een pisye heep te kanse taych wakse macht, wii khan een sinter woo sich net peroyt ti kans kemaynt influentsiire?

 IN KHORTSE WËRTER

Wën mer een xlime sint mache, khan Yeehoowa uns fertsaye, awer mer mise uns hërtslich peroye un net mee mache was ferkheert is.

Was hon mer kelërnt?

• Warom is es kuut unser sinte fer Yeehoowa fertseele?

• Was mise mer mache tas uns sinte fertsayt wëre?

• Warom mise mer ti hilef fon te elteste ferlange wën mer een xlime sint kemacht hon?