PELAJAR 57
Baka Ni enti Nuan Ngereja Dosa ti Besai?
Semua kitai rinduka Jehovah lalu enggai ngemediska ati Iya. Tang ketegal kitai mensia ti enda sempurna, kitai deka ngereja penyalah. Kadang-kadang, sekeda ari kitai engka ngereja dosa ti besai. (1 Korint 6:9, 10) Kati tu mai reti Jehovah badu agi rinduka kitai? Tentu enda. Tang Iya sanggup ngampun sereta nulung kitai.
1. Nama patut digaga kitai ngambika Jehovah ngampun kitai?
Orang ke rinduka Jehovah tentu tusah ati lebuh ngereja dosa ti besai. Tang, semaya ari Jehovah amat ngelantangka ati sida. Ku Iya: “Kita nyau mirah dibalut dosa, tang Aku deka masu kita tuchi baka seleju.” (Isaiah 1:18) Nya alai, enti kitai amat nesal ati, Jehovah tentu ngampun kitai. Tang baka ni kitai nunjukka diri amat nesal ati? Kitai patut badu agi ngereja utai ti jai sereta minta Jehovah ngampunka dosa kitai. Kitai mega patut bebendar ngubah runding sereta ulah ti ngasuh kitai ngereja dosa lalu bebendar idup sejalai enggau peneka Jehovah.—Bacha Isaiah 55:6, 7.
2. Baka ni Jehovah ngena bala tuai gempuru nulung kitai lebuh kitai bedosa?
Bala tuai gempuru rinduka Jehovah enggau kitai. Lalu sida dipilih ngambika ulih negapka pengarap kitai. Nya kebuah, Jehovah ngasuh kitai ngiga bala tuai gempuru lebuh kitai ngereja dosa ti besai. (Bacha James 5:14, 15.) Sida ulih nulung kitai ngemanahka kaul kitai enggau Jehovah.—Galatia 6:1.
Nama utai ti digaga tuai gempuru enti kitai ngereja dosa ti besai? Dua tauka tiga iku tuai gempuru deka ngena ayat Bup Kudus kena nulung kitai meretika pemesai dosa ke dikereja kitai. Udah nya, sida deka meri kitai chara sereta peransang ke ulih nulung kitai nyeliah ari ngereja dosa ti sama. Bala tuai gempuru engka mutuska orang ke bedosa nya enda ngereja sekeda pengawa ba eklisia nyentukka kaul iya enggau Jehovah tegap baru. Ngambika ulih ngelindung eklisia ari ulah ti enda manah, bala tuai gempuru deka muai orang ke ngereja dosa ti besai sereta enda nesal ati ari gerempung.
BELAJAR MAYUH AGI
Belajar mayuh agi pasal chara Jehovah nulung orang ke ngereja dosa ti besai sereta ngenalamka agi asai terima kasih kitai ngagai tulung ke udah diberi.
3. Berasai lantang ketegal ngaku dosa
Lebuh kitai ngereja dosa, kebendar iya kitai benung ngemediska ati Jehovah. Nya kebuah kitai patut ngaku dosa diri ngagai Jehovah. Bacha Masmur 32:1-5, lalu kerandauka tanya tu:
-
Nama kebuah manah agi kitai ngaku dosa diri ngagai Jehovah lalu enda ngelalaika dosa nya?
Kelimpah ari madahka dosa diri ngagai Jehovah, kitai mega deka berasai lantang enti kitai minta tulung ari tuai gempuru. Mainka VIDEO, lalu kerandauka tanya tu.
-
Baka ni bala tuai gempuru nulung Canon pulai baru ngagai Jehovah?
Kitai enda patut bula tang beterus terang ngagai bala tuai gempuru laban sida deka nulung kitai. Bacha James 5:16, lalu kerandauka tanya tu:
-
Nama kebuah bala tuai gempuru senang agi nulung kitai enti kitai enda bula?
Ngaku dosa diri, enda bula ngagai bala tuai gempuru, sereta nerima tulung ari Jehovah
4. Atur muai ari gerempung nya ulih nulung
Enti seiku orang ngereja dosa ti besai lalu enggai nesal ati, iya deka dibuai ari gerempung. Kitai enda patut begulai tauka bejaku enggau iya. Bacha 1 Korint 5:6, 11 enggau 2 John 9-11, lalu kerandauka tanya tu:
-
Semina mimit aja ragi ulih ngasuh semua tekang tepung kembai. Pia mega, nama nyadi enti orang ke enggai berubah terus begulai enggau orang ba eklisia?
Taja pan atur dibuai ari gerempung nya utai ti ngenusahka ati, tang ujung iya, mayuh orang ke dibuai ari gerempung pulai baru ngagai Jehovah. Disiplin nulung sida nemu penyalah ke digaga sida. (Masmur 141:5) Mainka VIDEO, lalu kerandauka tanya tu.
-
Ba video tu, baka ni atur muai ari gerempung udah nulung Sonja?
Baka ni atur muai ari gerempung nya . . .
-
ngemuliaka nama Jehovah?
-
nunjukka Jehovah nya lurus sereta bisi pengerindu?
5. Jehovah ngampun orang ke nesal ati
Jesus ngena sempama kena nulung kitai meretika asai ati Jehovah lebuh orang nesal ati. Bacha Luke 15:1-7, lalu kerandauka tanya tu:
-
Nama ulih dipelajarka nuan pasal Jehovah ari ayat tu?
Bacha Esekiel 33:11, lalu kerandauka tanya tu:
-
Nama utai ti penting ke patut digaga kitai enti kitai amat nesal ati?
Jehovah nya baka pengibun bedus ti amat sayauka bedus Iya
BISI ORANG MADAH: “Aku enggai madahka dosa aku ngagai tuai gempuru, laban aku takut enggaika dibuai ari gerempung.”
-
Nama deka dipadah nuan ngagai orang ke berasai baka nya?
LANSA
Enti kitai ngereja dosa ti besai tang kitai nesal ati lalu badu agi ngereja dosa ti sama, Jehovah deka ngampunka kitai.
Ulang Kaji
-
Nama kebuah nya manah enti kitai ngaku dosa diri ngagai Jehovah?
-
Nama patut digaga kitai ngambika Jehovah ngampun kitai?
-
Enti kitai ngereja dosa ti besai, nama kebuah kitai patut minta tulung ari bala tuai gempuru?
ARAM BELAJAR
Peratika baka ni seiku lelaki ngasai pengasih Jehovah baka ke dipadah ba Isaiah 1:18.
Baka ni atur buai ari gerempung ulih mai penguntung ngagai semua orang?
“Nama Kebuah Atur Buai ari Gerempung Nya Atur ti Penuh enggau Pengerindu” (Artikel ari Menara Jaga)
Belajarka chara kena nerangka atur buai ari gerempung ngagai orang ke ukai Saksi.
Peda artikel “Aku Patut Pulai Baru ngagai Jehovah,” kena nemu baka ni Jehovah nulung seiku lelaki ke udah ninggalka pemendar.
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
