Ị́mịnị Jehovah tarị ba iné kụrọ sẹ akị wo dọụyọ kị mịẹ dọụ emi kpọ, biin ifieama omịnị mọkpọ sei mịẹ mịnị. Anịa, zụa seiama dụba zụa yaị dẹịn emi. (1 Corinthians 6:9, 10) Kụrọ sei kị ị́ mọ mịẹ kpọ, Jehovah mọkpọ ị́ tarị wẹri emi; omịnị bịsẹ sei bị akị ị́ bụọmọ má baratụa ị́ pịrị mịnị.

1. Omịnị teeki mịẹ dẹkị Jehovah wó mịẹ seibo bụọmọ mịnị a o?

Jehovah tarị wẹrị emi kịmịama kụrọ sei mịẹ daba amịnị bolouịmbẹlẹgha. Anịa Jehovah kii koromọ yemị á mịẹ bolouịmbẹlẹ mịnị: “Anị seibo kwekwe bara k’emi kpọ, a mịẹ bo snow emi bara kị paa mịnị.” (Isaiah 1:18) Omịnị adụdụ duo sei a barasin daba, Jehovah wó seibo bụọmọ mịnị. Omịnị tebara ka kị sei a barasin mịnị a o? Omịnị wó mịẹ yebi sei emi bara nimi yọ duonị, bá seiye mịẹgha fa, bá bụọmọye akị Jehovah bara a bii mịnị. Omịnị angọtụa sei mịẹ dịsẹ, anịghakpọ sei inyenrinbụọ daatịẹmọ dá, Jehovah dọụ mịnị inyenrinbụọ kị kẹrị inyenrin mịnị.—Isaiah 55:6, 7 goo.

2. Omịnị sei mịẹ daba, Jehovah tebara ka kị itu-kosuotumọ kọn wó barị mịnị a o?

Omịnị kụrọ sei mịẹ daba, Jehovah gbaa wó pịrị mị “gbaa itu-kosuotu pịrị.” (James 5:14, 15 goo.) Itu-kosuotubo Jehovah tarị má ụ karịmịnị otumọ kpọ tarị wẹrị emi. Amịnị baratụa wó pịrị wẹrị Jehovah mọ kẹnịsụọtimi mịnị.—Galatians 6:1.

Omịnị kụrọ sei mịẹ daba itu-kosuotubo tebara ka kị baratụa wó pịrị mịnị a o? Maa itu-kosuotu anịghakpọ tara itu-kosuotu Bible duo wó kịrịmọ mịnị. A gbaa wó pịrị yebo baratụa wó pịrị wẹrị bá sei mịẹgha fa. Ámịnị wó bụọmọ itu bolou bọọ bá zụa fịrịama wẹnịghatimi omịnị waị bo tẹmẹanga bọọ tịẹ-kụrọ dẹkị, wó bụọmọ wẹnị mịnị. Itubo yalịyalịtimimụ yọ dounị, itu-kosuotubo kụrọ sei mịẹdẹ kịmị bị akị itu duo seri mịnị.

 EBIBARA TUUDỌỤ

3. Wó mịẹ sei gbaa paamọ mịnị yọmị baratụa wó pịrị mịnị

Wó mịẹ mịnị seibo Jehovah gbele mịnị, anị dounị ị́mịnị iné mịẹ-sei gbaa akị Jehovah pịrị. Psalm 32:1-5 goo dá, bei biibịbị kẹrị ẹrẹtei:

• Tetuu kị dounị omịnị wó mịẹdẹ seibo sọwẹịgha bara gbaa Jehovah pịrị yọmị ebi emi a o?

 4. Boloudei dọụgha kịmị akị itu bọọ duo daba, baratụa kịmịsẹ pịrị mịnị

Kịmị kụrọ sei mịẹ má Jehovah gbaa bara diiwẹnịgha sẹ, bịsẹ ụbọ bị akị itu duo seri mịnị. Itu duo ụbọ seri daba, omịnị bá bịsẹ ụbọ mọ ye-mịẹ gbeleigha má ụbọ mọ kpọ ẹrẹgha fa. Wẹrị 1 Corinthians 5:6, 11 má 2 John 9-11 goo dá, bei biibịbị kẹrị ẹrẹtei:

• Yeast, bread mịẹ vudo mịnị bara bị, omịnị boloudei dọụgha sei mịẹ kịmị mọ wẹnị daba, tebara ka kị itu gbele mịnị a o?

 KỊLỌỌBARA

Omịnị kụrọ sei mịẹ wẹrị boloudei daba, bá waị mú bịsẹ sei mịẹgha sẹ, Jehovah wó bụọmọ mịnị.

Waị diitụa

• Tetuu ki duonị omịnị wó mịẹ sei gbaa Jehovah pịrị agbẹị emi a o?

• Jehovah wó bụọmọ wó mọ dọụ mịnị aba, teeki wó mọ mịẹ agbẹị emi a o?

• Omịnị kụrọ sei mịẹ daba, tetuu kị duonị gbaa itu-kosuotu pịrị agbẹị emi a o?