LEKSION 57
Kasano No Makaaramidka iti Serioso a Basol?
Uray no ay-ayatem unay ni Jehova ken ikagkagumaam ti saan nga agaramid iti pakasaktanna, agkamalika latta no dadduma. Ngem adda dagiti mas serioso a basol. (1 Corinto 6:9, 10) No makaaramidka iti serioso a basol, laglagipem a saan a simmardeng ni Jehova a mangayat kenka. Nakasagana a mangpakawan ken tumulong kenka.
1. Ania ti masapul nga aramidentayo tapno mapakawannatayo ni Jehova?
No makaaramid iti serioso a basol dagidiay mangay-ayat ken Jehova, makariknada iti kasta unay a liday. Ngem maliwliwada iti inkari ni Jehova kadagiti agdaydayaw kenkuana: “Uray no nakalablabbaga dagiti basolyo, mapapurawdanto a kas iti niebe.” (Isaias 1:18) No talaga nga agbabawitayo, naan-anay a pakawanennatayo ni Jehova. Kasanotayo a maipakita nga agbabbabawitayo? Pagladingitantayo ti naaramidtayo, isardengtayo dayta, ken dawatentayo ti pammakawan ni Jehova. Agreggettayo met a mangbalbaliw iti di umiso a kapanunotan ken ar-aramidtayo a nakaigapuan ti panagbasoltayo. Kasta met, ikagumaantayo a suroten dagiti nadalus nga estandarte ni Jehova.—Basaen ti Isaias 55:6, 7.
2. Kasano nga us-usaren ni Jehova dagiti panglakayen a tumulong kadatayo no nakabasoltayo?
No makaaramidtayo iti serioso a basol, ibagbaga ni Jehova nga ‘ayabantayo dagiti panglakayen iti kongregasion.’ (Basaen ti Santiago 5:14, 15.) Ay-ayaten dagitoy a panglakayen ni Jehova ken dagiti agserserbi kenkuana. Nasanayda a tumulong kadatayo tapno maisublitayo ti nasayaat a relasiontayo ken Jehova.—Galacia 6:1.
Kasanodatayo a tulongan dagiti panglakayen no makaaramidtayo iti serioso a basol? Adda dua wenno tallo a panglakayen a mangilinteg kadatayo nga usarenda dagiti balakad ken prinsipio ti Biblia. Mangtedda met kadagiti makatulong a suhestion ken pammaregta tapno saantayon a maulit ti basoltayo. Mabalin nga agdesisionda a saantayo pay laeng a makipaset iti dadduma nga aktibidad ti kongregasion agingga a mapasublitayo ti nasayaat a relasiontayo ken Jehova. No saan nga agbabawi ti maysa a nakaaramid iti serioso a basol, ilaksid dagiti panglakayen tapno saanna a maimpluensiaan ti dadduma iti kongregasion.
AMMUEM TI AD-ADU PAY
Kitaem no kasanom a mas maawatan ken maapresiar ti ar-aramiden ni Jehova a tumulong kadatayo no makaaramidtayo iti serioso a basol.
3. Pagimbagantayo no ipudnotayo dagiti basoltayo
Masaktan ni Jehova no makaaramidtayo iti serioso a basol, isu a husto laeng nga ipudnotayo dayta kenkuana. Basaen ti Salmo 32:1-5, sa pagsaritaan daytoy a saludsod:
-
Apay a pagimbagantayo no ipudnotayo dagiti basoltayo ken Jehova imbes nga ilimedtayo dagita?
No agpatulongtayo kadagiti panglakayen kalpasan nga impudnotayo dagiti basoltayo ken Jehova, lumag-an ti riknatayo. I-play ti VIDEO, sa pagsaritaan ti sumaruno a saludsod.
-
Iti video, kasano a tinulongan dagiti panglakayen ni Canon tapno makasubli ken Jehova?
Masapul nga ipudnotayo ti amin kadagiti panglakayen. Nakasaganada a tumulong kadatayo. Basaen ti Santiago 5:16, sa pagsaritaan daytoy a saludsod:
-
Apay a nalaklakadatayo a matulongan dagiti panglakayen no awan ti ilimedtayo kadakuada?
Ipudnom ti basolmo, ibagam ti amin kadagiti panglakayen, ken awatem ti naayat a tulong ni Jehova
4. No kasano a makatulong ti panangilaksid
No saan a kayat a suroten ti maysa a nakaaramid iti serioso a basol dagiti estandarte ni Jehova, saanen a maikari nga agbalin a paset ti kongregasion. Mailaksid ken saantayon a mabalin ti makikadua wenno uray makisarita kenkuana. Basaen ti 1 Corinto 5:6, 11 ken 2 Juan 9-11, sa pagsaritaan daytoy a saludsod:
-
No kasano a ti lebadura paalsaenna ti tinapay, kasano a ti pannakikadua iti saan nga agbabbabawi a nagbasol apektaranna ti kongregasion?
Adu a nailaksid ti nakasubli idi agangay iti kongregasion. Apay? Gapu ta uray nasakit ti mailaksid, nakatulong dayta tapno mabigbigda a kamali ti naaramidda. (Salmo 141:5) I-play ti VIDEO, sa pagsaritaan ti sumaruno a saludsod.
-
Iti daytoy a video, kasano a nakatulong ken Sonja ti pannakailaksidna?
Kasano a makatulong ti panangilaksid tapno . . .
-
maidaydayaw ti nagan ni Jehova?
-
maipakita a rasonable ken naayat ni Jehova?
5. Pakawanennatayo ni Jehova no agbabawitayo
Nangusar ni Jesus iti maysa nga ilustrasion tapno maawatantayo ti rikna ni Jehova no agbabawi ti maysa. Basaen ti Lucas 15:1-7, sa pagsaritaan daytoy a saludsod:
-
Ania ti isuro daytoy kenka maipapan ken Jehova?
Basaen ti Ezekiel 33:11, sa pagsaritaan daytoy a saludsod:
-
Ania ti napateg nga aramidentayo tapno maipakitatayo a talaga nga agbabbabawitayo?
Kas iti maysa a pastor, ipatpateg unay ni Jehova dagiti karnerona
KUNA TI DADDUMA: “Mabutengak a mangibaga kadagiti panglakayen iti basolko ta baka mailaksidak.”
-
Ania ti ibagam iti maysa no kasta ti marikriknana?
SUMARIO
No makaaramidtayo iti serioso a basol, pakawanennatayo ni Jehova no talaga nga agbabawitayo ken determinadotayo a mangisardeng iti dayta.
Rebiu
-
Apay a pagsayaatantayo no ipudnotayo dagiti basoltayo ken Jehova?
-
Ania ti masapul nga aramidentayo tapno mapakawan dagiti basoltayo?
-
No makaaramidtayo iti serioso a basol, apay a masapul nga agpatulongtayo kadagiti panglakayen?
AGDISKOBREKA PAY
Kitaem no kasano a narikna ti maysa a lalaki ti asi ni Jehova a kas iti iladladawan ti Isaias 1:18.
No mailaksid ti maysa, kasano a pagsayaatan dayta ti amin?
“No Apay a ti Panangilaksid Ket Naayat nga Urnos” (Ti Pagwanawanan, Abril 15, 2015)
Ammuem no kasanom nga ilawlawag ti urnos a panangilaksid iti maysa a saan a Saksi.
“Laklaksiden Kadi Dagiti Saksi ni Jehova Dagiti Dati a Karelihionanda?” (Artikulo iti website)
Iti artikulo a “Kasapulan nga Agsubliak ken Jehova,” ammuem no apay a narikna ti maysa a lalaki nga immadayo iti kinapudno a tinulongan isuna ni Jehova nga agsubli kenkuana.
“Ti Biblia Balbaliwanna ti Biag” (Ti Pagwanawanan, Abril 1, 2012)
Baka Kayatmo Met ti
MASANSAN A MAISALSALUDSOD
Ania ti Panagadal iti Biblia nga Iyaw-awis Dagiti Saksi ni Jehova?
Iti libre a panagadal nga iyaw-awis dagiti Saksi ni Jehova, mabalinmo nga usaren ti aniaman a patarus ti Biblia. Mabalinmo nga awisen ti amin a kapamiliam wenno ti asinoman a gayyemmo.
