AKANKAMU 57
Ti yajauch najanamsha wari itiurkatniuitiam?
Jehová aneakmesha tura tunaanum iniaraij tusam kakakmesha urutainsha awajirminiaitme. Tunaa ti yajauchisha awai (1 Kurintiunam 6:9, 10). Ti yajauch najanawakmincha Jehovaka tuke anenmattawai. Ninkia tsankurkartiniaiti tuma asa yainmaktatui.
1. Jehová tsankurturat takurkia wari turatniuitiaj?
Yaksha Yuusan enentaimtin ti tunaamkamtainkia kuntuts enentaimniuiti. Tumaitkiusha Jehová Israel aentsun timiania nui enentaimsamniaiti. Jehová junis timiayi: “Tura atumí tunaarí̱ ti kapa̱a̱kuitkiuisha murikiú ure̱ya imianú puju awajtústatjarme” (Isayas 1:18). Nekas enentaijiai ene enentaimia ajasakrinkia Jehovasha tsankurtameaji. Ene enentaimia ajasrikia wari turatniuitiaj? Nekas ene enentaimia ajasar yajauchia nuka atakka najanashtiniaitji nuya Jehová tsankurturta tu titiniaitji. Nuya ii enentaimmiasha yapajiattsar kakartiniaitji tura tunaanum ujunmarminiaitiajnia nuka iniaisatniuitji nuya Jehová tana nu umikir wetiniaitji (Isayas 55:6, 7 aujsata).
2. Ti yajauch najanawakrincha Jehová uuntri anairamu ainiajaisha itiura yainmaj?
Ti yajauch najaneana nuna Jehová junis tawai: “Uuntri ainiana nuna untsukti” (Santiago 5:14, 15 TNM aujsata). Nu aishman uuntri anairamuka Kristu aents ainian tura Jehovancha anenawai. Awajiakrincha Jehovan ataksha umirkarat tusar jintinkratin ainiawai (Karaseanam [Gálatas] 6:1).
Ti yajauch najanawakrin uuntri anairamu ainiana nusha itiura yainmakarminiaitiaj? Uuntri anairamu jimiar turutskesha menain, ii ti yajauch najanamu urukamtai penkerchait nuna Yuusa chichamejai jintintramawartatji. Ataksha tunaamkain tusar jintintramawartatji nuyasha ikiakatmarartatji. Yuusna warinma yaimkiashminiaitiaj nunasha turamiartatji. Yuus penker umirmam nuinkia yaimkiashtatme turamiartatji. Yaksha ti yajauch najanman iniaisatniun nakitiakuinkia uuntri anaikiamu ainiana nu ameka yamaikia testigo de Jehovachuitme tiartatui. Chikich Kristu aents nijiai nawamnainiak tunaamkarain tusar nunaka turawartatui.
PENKER NEKAATAI
Ti yajauch najanawakrin Jehová yainkratkattsa najaneana nu nekaata.
3. Ataksha Yuus umirkattsarkia ii tunaa najanamu etserkatniuitji
Ti yajauch najanawakrinkia Jehová kuntuts enentaimniuiti tuma asamtai ii tunaa najanamu ujaktiniaitji. Yus Kanta [Salmo] 32:1-5 aujsarum juna aujmattsatarum:
-
Tunaamkarsha uutsuk Jehová urukamtai ujaktiniaitiaj?
Ii tunaari Jehová ujakrisha uuntri anairamusha ujakartiniaitji. Turarkia shiir enentaimprattaji. VIDEO iisrum juna aujmattsatarum:
-
Canon ataksha Jehovan umirkat tusar uuntri anairamusha warinia itiurkarmia?
Uuntri anairamu ainiana nuka iin yainkratkattsar pujuinia asarmatai uutsuk mash ujaktiniaitji. Sántiak 5:16 aujsarum juna aujmattsatarum:
-
Mash etsereashkurninkia uuntri anairamu yainmakarminiashitiaj? Urukamtai tu enentaimiam?
Tunaa najanamu Yuus etserkata, uuntri anairamujai aujmatkum uutsuk mash ujakta, nuya Jehová anenma asa chichartameana nusha anturkata.
4. Tunaa najana ene enentaimia ajasat tusar jin ainiawai
Yaksha ti yajauchin najana Yuusan umirkatniun nakitiakuinkia testigo de Jehová achamniaiti. Tuma asamtai yamaikia testigo de Jehovachuitme tutainti. Nijiai nawamnaikiatin tura aujmattsatniusha iniaiyaji. 1 Kurintiunam 5:6, 11 tura 2 Juaṉ 9-11 aujsarum juna aujmattsatarum:
-
Karin yuminnium enkeam mashiniu karimtikiana nunisan tunaamka ene enentaimia ajachujai tsaniakrikia iisha yajauch ajasminiashitiaj? Urukamtai tu enentaimiam?
Yuusan umirkatin nakitiakui jiikmia puja ataksha waketkiaru nukap iruneawai. Urukamtai waketkiaruit? Jiikmia ainiaksha ene enentaimia ajasar waketin ainiawai (Yus Kanta [Salmo] 141:5). VIDEO iisrum juna aujmattsatarum:
-
Sonia jiikmia pujumiania nui urukamia?
Tura aintsan yaksha ene enentaimia ajashkui jikiarmatai...
-
… yana naari paant juaktata?
-
… Jehová penkera nu wakeriniaiti tura anenmawitji urukamtai taji?
5. Ene enentaimia ajasakrinkia Jehová tsankukratniuiti
Yaksha ene enentaimia ajasmatainkia Jehová itiur enentaimniuit nuna jintinkratattsa apatak aujmattsamiayi. Rúkas [Lucas] 15:1-7 aujsarum juna aujmattsatarum:
-
Jui aujsajnia nui tana aintsan Jehovasha urukuit?
Isekiár 18:23 aujsarum juna aujmattsatarum:
-
Nekas ene enentaimia ajasuitjiai takurkia wari turatniuitiaj?
Murikiu wainin ni murikrin penker wainniuana aintsaiti Jehovasha.
CHIKICHKIA JUNIS TINIU AINIAWAI: Uuntri anairamujai aujmattsashtatjai. Tunaa najanamun ujakmaka jiki ajapruawartatui.
-
Yaksha ainis enentaimiakuinkia warintinmek?
WARI NEKAAM
Ti yajauch najanar ene enentaimia ajasar atakka turashtatjai tu enentaimiakrinkia Jehová tsankurtamprattaji.
Awakeasrik nekaatin
-
Tunaamkar urukamtai Jehová ujaktiniaitiaj?
-
Jehová ii tunaamkamun tsankurturat tusar wari turatniuitiaj?
-
Ti yajauch najanarkia uuntri anairamu ainiana nu urukamtai ujakartiniaitiaj?
NUKAP NEKAATA
Isayas 1:18 nui tana aintsan aishmankan Jehová tsankuramiania nu nekaata.
Tunaa najanman iniaisatniun nakitia asamtai jiki akupkam urukamniait?
Tunaa najanu iniaisatniun nakitiakui urukamtai jiki akuptain nu testigo de Jehovachu itiura jintintiamniaitiam?
Jehová aentsun waketkit tusa yainmiania nu nekaata. Jehovai waketkitniuyajai tana nui aujsata.
Yuusa chichamen nekaawar yamaikia penker pujuiniawai (La Atalaya, 1 de abril 2012)