DAW 57
Mara Kaba Galaw Hkrup Yang Gara Hku Kun?
Yehowa hpe nang grai tsawra nna, shi hpe hkra machyi shangun na lam ni hpe shakut nna koi tim, kalang lang gaw mara galaw hkrup chye ai. Mara nkau gaw grau kaba ai. (1 Korinhtu 6:9, 10) Nang mara kaba galaw hkrup yang, Yehowa gaw nang hpe matut tsawra nna, karum ya na matu, mara raw ya na matu jin jin rai nga ai.
1. Yehowa a mara raw hkrum na matu hpa galaw ra ai kun?
Yehowa hpe tsawra ai ni gaw, mara kaba galaw hkrup ai shaloi grai yawn ai. Dai shaloi, Yehowa shi a amyu masha ni hpe jaw da ai ndai ga sadi a majaw shalan shabran lam lu la ai: “Nanhte a yubak gaw, sai zawn hkyeng ti mung, hkyen zawn hpraw na ra ai.” (Esaia 1:18) Anhte teng sha myit malai lu yang, Yehowa tsep kawp mara raw ya na re. Gara hku myit malai la na kun? Mara a matu grai yawn let, n kaja ai lam ni hpe hkring kau ai, mara raw hkrum na matu Yehowa kaw hpyi shawn ai hku nna re. Mara galaw hkrup hkra shadut ya ai myit mang lam ni, lailen ni hpe galai shai nna, Yehowa a tsang madang hte maren asak hkrung na matu shakut ra ai.—Esaia 55:6, 7 hpe hti u.
2. Mara galaw hkrup ai shaloi karum ya na matu myitsu salang ni hpe Yehowa gara hku akyu jashawn ai kun?
Mara kaba galaw hkrup yang, “hpung na salang ni hpe shaga” na matu Yehowa tsun da ai. (Yaku 5:14, 15 hpe hti u.) Lit shatsam hkrum ai la ni gaw, Yehowa hte shi a sagu ni hpe tsawra ai. Shanhte gaw, Yehowa hte anhte a hku hkau lam bai kaja hkra galaw ya na matu atsam hpring ai ni re.—Galati 6:1.
Mara kaba galaw hkrup ai shaloi, myitsu salang ni gaw gara hku karum ya ai kun? Myitsu salang lahkawng (sh) masum gaw, Chyum Laika hpe akyu jashawn nna, shading sharai ya na re. Mara ni hpe bai n galaw hkrup hkra, tatut re ai hpaji jaw ga ni, n-gun jaw ga ni tsun na re. Wenyi lam bai n kaja dingsa, wenyi lam hte seng ai lam nkau hpe galaw na ahkang jaw na n re. Mara kaba galaw nna myit malai n la ai ni hpe, nawku hpung hta shoihpa n nga hkra, hpung kaw na shapraw kau ai.
Kahtap Hkaja
Mara kaba galaw hkrup yang, Yehowa gara hku karum ya ai, de a matu chyeju dum ai lam gara hku madun mai ai hpe hkaja yu ga.
3. Mara hpe yin la ai gaw wenyi lam bai kaja hkra karum ya
Anhte galaw hkrup ai mara yawng gaw Yehowa hpe hkra machyi shangun ai majaw, mara hpe kalang ta yin la ra ai. Shakawn 32:1-5 hpe hti nna, ndai ga san hpe bawngban u:
-
Mara hpe ip da na malai, Yehowa kaw hpyi nem ai gaw hpa majaw kaja ai kun?
Yehowa kaw anhte a mara ni hpe yin la nna, myitsu salang ni a karum shingtau lam tam na nga yang, simsa lam lu la na re. VIDEO hpe hpaw nna, ndai ga san hpe bawngban u.
-
Ndai video hta, Yehowa hpang de hpunau Hkennan bai wa na matu myitsu salang ni gara hku karum ya ai kun?
Myitsu salang ni hpe dingman ai hku yawng tsun dan ra ai. Rai yang she, shanhte karum ya lu na re. Yaku 5:16 hpe hti nna, ndai ga san hpe bawngban u:
-
Anhte dingman ai nga yang, karum shingtau lam jaw na myitsu salang ni a matu hpa majaw loi ai kun?
Mara ni hpe yin la u. Myitsu salang ni hpe dingman ai hku tsun dan u. Yehowa a tsawra myit hte karum ya ai hpe hkap la u
4. Shapraw kau ai gaw karum shingtau lam lu shangun
Mara kaba galaw nna Yehowa a tsang madang ni hpe n hkan sa mayu sai nga yang, dai wa gaw nawku hpung shang masha byin lu sana n re. Hpung kaw na shapraw hkrum na re. Anhte mung, dai wa hte kanawn mazum ai, ga shaga ai lam ni galaw sana n re. 1 Korinhtu 5:6, 11 hte 2 Yawhan 9-11 hpe hti nna, ndai ga san hpe bawngban u:
-
Matsi gaw muk hpe shabawm dat lu ai zawn, myit malai n lu ai mara galaw ai wa hte kanawn ai gaw, nawku hpung hpe gara hku hkra machyi shangun ai kun?
Shapraw hkrum ai masha law law gaw, nawku hpung de bai shang wa ai. Shapraw hkrum ai gaw hkra machyi tim, dai gaw shanhte a mara ni hpe chye shangun ai majaw re. (Shakawn 141:5) VIDEO hpe hpaw nna, dai hpang ndai ga san hpe bawngban u.
-
Ndai video hta shapraw ai lam gaw, nauna Kaw Ja hpe gara hku karum ya ai kun?
Shapraw ai lam gaw . . .
-
Yehowa a amying hpe gara hku shagrau ya ai kun?
-
Yehowa hta tsawra myit hte rap ra ai lam nga ai hpe gara hku madun ai kun?
5. Myit malai lu yang Yehowa mara raw ya
Myit malai lu ai marai langai hte seng nna Yehowa gara hku hkamsha ai hpe chye hkra, Yesu ga shadawn langai tsun dan wa ai. Luka 15:1-7 hpe hti nna, ndai ga san hpe bawngban u:
-
Ndai lam gaw Yehowa hte seng nna hpa sharin ya ai kun?
Ezekela 33:11 hpe hti nna, ndai ga san hpe bawngban u:
-
Myit malai lu ai ngu ai hta gara ahkyak ai lam lawm ai kun?
Sagu rem ai wa zawn sha, Yehowa mung shi a sagu ni hpe lanu lahku
Nkau Mi Tsun Ai: “Nye a mara hpe myitsu salang ni hpe tsun dan yang, shapraw hkrum na tsang ai.”
-
Dai zawn hkamsha ai marai langai hpe nang hpa tsun na kun?
Kadun Dawk
Anhte mara kaba galaw hkrup tim, teng sha myit malai lu nna n kaja ai lam ni hpe jahkring kau na nga yang, Yehowa mara raw ya na re.
Bai Maram
-
Mara hpe Yehowa kaw hpyi nem ai gaw hpa majaw kaja ai kun?
-
Mara raw hkrum na matu hpa galaw ra ai kun?
-
Mara kaba galaw hkrup yang, myitsu salang ni a karum shingtau lam hpe hpa majaw tam ra ai kun?
Sawk Sagawn
Esaia 1:18 hta tsun da ai Yehowa a matsan dum myit hpe, hkamsha lu wa ai la langai a lam hpe yu yu u.
Shapraw ai lamang gaw, nawku hpung hta nga ai ni yawng hpe gara hku akyu jaw ai kun?
“Shapraw Ai Gaw Tsawra Myit Lawm Ai Lamang” (Sin Langchyi, April 15, 2015)
Sakse Hkam n re ai ni hpe, shapraw ai lamang hte seng nna gara hku sanglang dan lu na hpe hti yu u.
“Yehowa Sakse Ni Gaw Shanhte A Hpung Masha Ni Hpe Koi Yen Ai Lam Nga Ai Kun?” (Web sumhpa)
“Yehowa Hpang De Bai Wa Ra Sai” ngu ai labau hta, tengman ai lam kaw na lam shai mat ai wa gaw, Yehowa shi hpe bai kayin wa shangun mayu ai ngu hpa majaw hkamsha ai hpe hti yu u.
“Chyum Laika Gaw Prat Hpe Galai Shai Ya” (Sin Langchyi, April 1, 2012)
You May Also Like
SAN CHYE AI GA SAN NI
Yehowa Sakse Ni Saw Shaga Ai Chyum Laika Hkaja Lamang Ngu Ai Gaw Hpa Rai Kun?
Manu jahpu n jaw ra ai Chyum Laika hkaja ai lamang hpe Yehowa Sakse ni saw shaga ai shaloi, gara Chyum Laika hpe raitim, nang mai lang ai. Na nta masha ni, manang ni, kadai hpe raitim, saw shaga mai ai.
