ĨSOMO YA 57
Naĩle Kwĩka Ata Yĩla Neeka Naĩ Ngito?
O na kau nũmwendete Yeova mũno, na nũtataa ũndũ ũtonya wĩvathane na maũndũ ala matonya kũmũũmĩsya, mavinda kwa mavinda ndũlea kũvĩtya. Ĩndĩ o na vailye ũu, naĩ imwe nĩ ngito kwĩ ingĩ. (1 Akolintho 6:9, 10) Yĩla weeka naĩ ngito, lilikana kana Yeova ndanaeka kũkwenda na nĩwĩyũmbanĩtye ũkũekea na ayĩũtetheesya.
1. No nginya twĩke ata nĩ kana Yeova atũekee?
Ala mamwendete Yeova nĩmaũmĩaa mũno mamanya kana nĩmekie naĩ ngito. Ĩndĩ nĩmewʼaa makiakiwʼa mũno nĩ ndeto ii Yeova watavisye andũ make: “O na ethĩwa naĩ syenyu nĩ ndune mũno, ikeethĩwa nzaũ ta ĩa.” (Isaia 1:18) Tweelila kuma ngoonĩ, Yeova akatũekea vyũ. Twĩlilaa ata? Nĩtwĩwʼaa twaũmĩa mũno nũndũ wa naĩ ĩla twĩkĩte na kĩu kĩitũsukuma tũmwĩsũve Yeova nĩ kana atũekee. Ĩtina wa ũu, nĩtwĩkĩaa kĩthito tũvĩndũe mosũanĩo mataĩle kana meko ala matumie tũlika naĩnĩ, na ĩndĩ tũitata ũndũ tũtonya twĩkale kwosana na myolooto mĩtheu ya Yeova.—Soma Isaia 55:6, 7.
2. Yeova atũmĩaa atumĩa ata kũtũtetheesya yĩla tweeka naĩ?
Yĩla tweeka naĩ ngito, Yeova atwĩĩte ‘tũmete atumĩa ma kĩkundi.’ (Soma Yakovo 5:14, 15.) Aũme asu nĩmamwendete Yeova vamwe na malondu make. Na nĩmamanyĩĩtwʼe ũndũ matonya kũtũtetheesya tũtũngĩĩe ngwatanĩo yitũ vamwe na Yeova.—Akalatia 6:1.
Atũmĩa matũtetheeasya ata yĩla tweeka naĩ ngito? Atũmĩa elĩ kana atatũ nĩmalũngaa ũla wĩkĩte naĩ matũmĩĩte Maandĩko. O na nĩmamũnengae ũtao ũtonya kũmũtethya na maimwĩkĩa vinya nĩ kana ndakasyokee naĩ ĩngĩ. Nĩmatonya kũtwʼa kana mũndũ ũsu ndakekaa maũndũ mana kĩkundinĩ kwa kavinda, nginya yĩla ngwatanĩo yake na Yeova ĩkethĩwa yĩ ndũmu ĩngĩ. Ĩndĩ ethĩwa mũndũ ũla wĩkĩte naĩ ndekwenda kwĩlila, atumĩa nĩmamũtengaa na kĩkundi nĩ kana masũvĩane ala angĩ kĩkundinĩ na mwĩkalĩle ũtaĩle.
ĨMANYĨSYE MŨNANGO
Ĩmanyĩsye mũnango ĩũlũ wa ũndũ Yeova ũtũtetheeasya yĩla tweeka naĩ ngito, na ũyona ũndũ ũtonya kũmũtũngĩaa mũvea.
3. Kumbũla naĩ nĩkũtũngĩĩaa ngwatanĩo yitũ vamwe na Yeova
Yĩla tweeka naĩ, twĩthĩawa twamũvĩtĩsya Yeova, na kwoou twaĩle kumbũla naĩ sitũ vala ũĩ. Somai Savuli 32:1-5, na ĩndĩ mũineenea ĩkũlyo yĩĩ:
-
Nĩkĩ nũseo mũno kumbũla naĩ sitũ vala ve Yeova, vandũ va kũtata kũivitha?
O vamwe na kumbũla naĩ sitũ vala ve Yeova, nĩtwaĩle kũkũlya atumĩa ũtethyo nĩ kana tũendeee nesa ĩngĩ. Ĩloelei VITIO, na ĩndĩ mũineenea ĩkũlyo yĩla yĩatĩĩe.
-
O tondũ twoona vitionĩ, atumĩa matetheeisye Canon ata nĩ kana amũsyokee Yeova?
Nĩtwaĩle kũmatavya atumĩa maũndũ onthe tũte kũmavitha kĩndũ nũndũ methĩawa mayenda kũtũtetheesya. Somai Yakovo 5:16, na ĩndĩ mũineenea ĩkũlyo yĩĩ:
-
Nĩ kwa nzĩa yĩva wĩthĩawa wĩ ũndũ wĩ laisi kwa atumĩa kũtũtetheesya yĩla twalea kũmavitha kĩndũ o na kĩmwe?
Umbũla naĩ yaku, ndũkavithe atumĩa kĩndũ, na ĩtĩkĩla Yeova aũtetheesye kwa nzĩa ya wendo
4. Ũndũ kũtenga mwĩki wa naĩ kũtethasya
Yĩla mũndũ weeka naĩ ngito na alea kũatĩĩa myolooto ya Yeova, ndesa kũendeea kwĩkala kĩkundinĩ. Mũndũ ũsu nũtengawa, na ala angĩ kĩkundinĩ mayĩeka kũtindanyʼa nake kana kũneena nake. Somai 1 Akolintho 5:6, 11 na 2 Yoana 9-11, na ĩndĩ mũineenea ĩkũlyo yĩĩ:
-
O tondũ ĩlawa yĩkaatasya mũtu, kũtindanyʼa na mwĩki wa naĩ ũte kwĩlila kũtonya kũtuma maũndũ methĩwa mailye ata kĩkundinĩ?
Andũ aingĩ katĩ wa ala matengwa nĩmesaa kũsyoka kĩkundinĩ, nũndũ o na kau ũkanyʼo ũla manengwa nũmaũmĩasya, nũtumaa mamanya ũito wa naĩ ĩla mekĩte. (Savuli 141:5) Ĩloelei VITIO, na ĩndĩ mũineenea ĩkũlyo yĩla yĩatĩĩe.
-
Kwosana na ũndũ twoona vitionĩ, kũtengwa kwatetheeisye Sonja ata?
Mũvango wa kũtenga mwĩki wa naĩ na kĩkundi . . .
-
ũtaĩaa ĩsyĩtwa ya Yeova ata?
-
wonanasya ata kana Yeova e tei na wendo?
5. Yeova nũtũekeaa yĩla tweelila
Yesũ nĩwatũmĩie ngelekanyʼo ĩtonya kũtũtetheesya kũelewa ũndũ Yeova wĩwʼaa yĩla mũndũ weelila. Somai Luka 15:1-7, na ĩndĩ mũineenea ĩkũlyo yĩĩ:
-
Kĩu twasoma kyaũmanyĩsya kyaũ ĩũlũ wa Yeova?
Somai Esekieli 33:11, na ĩndĩ mũineenea ĩkũlyo yĩĩ:
-
Nĩ ĩtambya yĩva ya vata twaĩle kwosa twonanyʼe kana kwa wʼo nĩtwĩlilĩte?
O ta mũĩthi mũseo, Yeova nũsũvĩaa malondu make nesa
ANDŨ AMWE MAASYA: “Nĩngũkĩa kũtavya atumĩa ĩũlũ wa naĩ ĩla nĩkĩte, nũndũ neeka ũu nĩngũtengwa.”
-
We ũtonya kũtavya mũndũ ta ũsu ata?
KĨLA TWEEMANYĨSYA
Yĩla tweeka naĩ ngito, tweelila kuma ngoonĩ na tweekĩa kĩthito tũtie mũendele ũsu ũtaĩle, Yeova akatũekea.
Makũlyo ma Kũsyokeleela
-
Nĩkĩ nũseo kumbũla naĩ sitũ kwa Yeova?
-
Twaĩle kwĩka ata nĩ kana Yeova atũekee naĩ sitũ?
-
Yĩla tweeka naĩ ngito, nĩkĩ twaĩle kũmantha ũtethyo kwa atumĩa ma kĩkundi?
MAŨNDŨ ANGĨ MA KWĨMANYĨSYA
Ĩloele vitio wone ũndũ Yeova woonisye mũndũũme ũmwe tei wake, o tondũ vaeleetwʼe nthĩnĩ wa Isaia 1:18.
Mũvango wa kũtenga mwĩki wa naĩ ũte kwĩlila ũtethasya ata?
“Kũtenga Andũ Nĩ Nzĩa ya Kwonanyʼa Wendo” (Mũsyaĩĩsya, Matukũ 15, Mwei wa 4, 2015)
Soma wone ũndũ ũtonya kũelesya mũndũ ũte Ngũsĩ ĩũlũ wa mũvango wa kũtenga mwĩki wa naĩ.
“Syo Ngũsĩ sya Yeova Nivathaa ala Maĩ Ngũsĩ Tene?” (Ũvoo wĩ kĩsesenĩ)
Ngewanĩ yĩ na kyongo, “Nĩnendaa Kũmũsyokea Yeova,” soma wone ũndũ mũndũũme ũmwe watiĩte ũwʼo weewie Yeova aimũkusya asyoke kĩkundinĩ.
“Mbivilia Nĩalyũlaa Andũ” (Mũsyaĩĩsya, Ĩtukũ 1, Mwei wa 4, 2012)
No Wendeewʼe Nĩ Ii
MAKŨLYO MAKŨLAWʼA MAVINDA MAINGĨ
Mũvango wa Ngũsĩ sya Yeova wa Kũmanyĩsya Andũ Mbivilia Ũtwaĩĩawʼa Ata?
Mũvango ũũ wa masomo ma Mbivilia ũseũvĩtwʼe nĩ Ngũsĩ sya Yeova ndwĩ ndĩvi, na no ũtũmĩe Mbivilia ĩla ũkwenda. Ĩwʼa wĩ mũthasye kũthokya mũsyĩ waku wʼonthe kana mũnyanya ũla ũkwenda.
