LIÇÃO 57
à ne han ke mũ, ã tỹ kygnẽ mág Topẽ vĩ mranh jagy han kỹ?
à tỹ Jeová to há pẽ nĩ, kar ã tỹ vãsãn tĩ, ti vĩ ki króm jé. Ge ra, kejẽn ã tỹ kygnẽ han tĩ. Hã ra, kejẽn kygnẽ ũ mág tỹ hãn ri ke tĩ. (1 Corinto 6:9, 10) à tỹ kygnẽ mág han kỹ, mĩ ãkrén nĩ, Jeová tỹ ã to há nĩ ver. Ti tỹ ã vẽnh pãte fón tĩ kar ã ajũna ke sór tĩ.
1. Ẽg ne han ke nỹtĩ, Jeová tỹ ẽg vẽnh pãte fón jé?
Ũn tỹ Jeová to há pẽ nĩ tỹ Topẽ vĩ mranh kỹ, ti tỹ fe krój nĩ. Hã ra, Jeová tỹ ti povo mỹ nén tó ja ẽn vỹ ẽg jagãgtãn tĩ: “Ãjag tỹ inh vĩ mranh ja vỹ ãjag kusũg han mũ, kusũg sá, hã ra sóg ãjag kupe sór mũ, kỹ ãjag tóg kupri nỹtĩnh ke mũ, kukryr kó kupri nĩ ri ke.” (Isaías 1:18) Ẽg tỹ ẽg fe kãtá nén ũ kórég tovãnh kỹ, Jeová vỹ ẽg vẽnh pãte fón ke mũ. Ẽg hã ren kỹ ge han tĩ? Ẽg tỹ ẽg fe kãtá nén kórég tovãnh kỹ, ẽg pi nén ũ vẽnh mỹ hyn han mãn tĩ kar ẽg tỹ Jeová mỹ to vĩ tĩ, ti tỹ ẽg vẽnh pãte fón jé. Kar sir, ẽg tỹ vãsãnsãn kãn ke mũ, ẽg tỹ ẽg jykre ag ki han jé, ke tũ nĩn kỹ ẽg tỹ vẽjykre kórég ag tovãnh jé gé. Jo, ẽg tỹ vãsãnsãn ke mũ, ẽg tỹ Jeová vĩ jãmã há han jé. — Isaías 55:6, 7 le kem nĩ.
2. Ẽg tỹ Topẽ vĩ mranh jagy han kỹ, Jeová hã ren kỹ ẽg ajũna ke tĩ, congregação to kófa ag tỹ?
Ẽg tỹ kygnẽ mág han kỹ, Jeová vỹ ẽg mỹ ke tĩ, ẽg tỹ ‘congregacão [TNM] to kófa ag jé prẽr jé’. (Tiago 5:14, 15 le kem nĩ.) Congregação to kófa ag vỹ Jeová to há nỹtĩ kar ũn tỹ ti mỹ rãnhrãj tĩ ag ke gé. Ag tỹ Topẽ Vĩ Rá ki kanhró há tĩ, kar sir ag tỹ tag to kãmén tĩ, ũn tỹ kygnẽ ja ti ajũna ke jé, ti tỹ Jeová mré há mãn nĩ jé. — Galácia 6:1.
Ẽg tỹ kygnẽ mág han kỹ, congregação to kófa ag hã ren kỹ ẽg ajũna ke tĩ? Congregação to kófa ag ũn régre, ke tũ nĩn kỹ ũn tẽgtũ, ag vỹ Topẽ Vĩ Rá ẽg mỹ ven ke mũ, ẽg tỹ ki kanhrãn jé, ẽg tỹ nén han ja ãn ne tugnĩn tỹ tỹ kórég nĩ ti. Ag tỹ ẽg jyvẽn ke mũ, ẽg mỹ ajũna ke jé, ẽg tỹ kygnẽ mág ãn han mãn ke tũ nĩ jé. Kejẽn, ag vỹ ẽg mỹ tó tĩ, kurã ũ ag kãmĩ, ẽg tỹ rãnhrãj ũ han tũ nỹtĩ jé, congregação kã ki, kar kỹ ẽg tỹ Jeová mré há mãn mũn kỹ, ẽg tỹ rãnhrãj ãn han ke mũ. Hã ra, ũn tỹ kygnẽ mág han kỹ, ge ra ti pi jykre kórég tovãnh ke mũ vẽ, ne nỹ hãn ri kenh ke mũ? Congregação to kófa ag vỹ ti mỹ tó: ‘vãhã, ã pi tỹ Jeová Kãmén Fã nĩ’. Ag tag ge han tĩ, ti pi régre ag kar régre fag mỹ krĩn kónãn jé, congregação ki.
VẼNH KANHRÃN KÃFÓR NĨ
Ha vé ẽg tỹ kygnẽ mág han kỹ, Jeová hã ren kỹ ẽg ajũna ke tĩ ti.
3. Ã tỹ vẽnh kãmén kỹ, tag vỹ ã ajũna ke tĩ
Ẽg tỹ Topẽ vĩ mranh kỹ, ẽg tỹ Jeová mỹ kórég han tĩ. Tag tugnĩn, ẽg tỹ Topẽ vĩ mranh ja ãn to tó ke nỹtĩ, Jeová mỹ. Salmo 32:1-5 le kem nĩ. Kar jagnẽ mré vẽmén nĩ, tag to:
-
Ẽg tỹ Topẽ vĩ mranh ẽn vẽnh péju tũ nĩ, Jeová mỹ. Tag ne tugnĩn ẽg mỹ há nĩ?
Ẽg tỹ Jeová mré vĩ ke nỹtĩ, ẽg tỹ kygnẽ mág ja to kar ẽg tỹ congregação to kófa ag tag to kãmén ke nỹtĩ gé. Ha vé VÍDEO ti. Kar jagnẽ mré vẽmén nĩ, tag to:
-
Vídeo ki, congregação to kófa ag hã ren kỹ Canon ajũna ké, ti tỹ Jeová mré há nĩ jé?
Ẽg tỹ congregação to kófa ag mỹ ki hã kãmén ke nỹtĩ, ag tỹ ẽg ajũna ke jé. Tiago 5:16 le kem nĩ. Kar jagnẽ mré vẽmén nĩ, tag to:
-
Ẽg tỹ congregação to kófa ag ki hã kãmén kỹ, tag hã ren kỹ ag ajũna ke tĩ, ag tỹ ẽg tar han jé?
Kãmén nĩ, ã tỹ Topẽ vĩ mranh ja to, congregação to kófa ag mỹ ki hã tóm nĩ, kar Jeová ajũna mãn nĩ
4. Ũn tỹ vẽjykre kórég han mũ ẽn kutãm kỹ, Jeová tỹ vẽnh kar ajũna ke tĩ
Ũn tỹ kygnẽ mág han kỹ, kar ti tỹ Jeová vĩ jãmã há han vãnh tĩ, ti pi tỹ Jeová Kãmén Fã hã ki mũnh. Ti tỹ vẽsỹ ũn vẽjykre kórég han mũ ẽn kutẽm han ke mũ, kar sir ẽg pi ti mré vĩ ke mũ. 1 Corinto 5:6, 11 kar 2 João 9-11 le kem nĩ. Kar jagnẽ mré vẽmén nĩ, tag to:
-
Sĩn kỹ, fermento vỹ ẽmĩ mog han tĩ. Ẽg tỹ ũn tỹ kygnẽ mág ja ẽn ti mré vĩ hã ki mũn kỹ, tag hã ren kỹ congregação krĩn kónãn han ke mũ?
Ũn ag tỹ congregação ki kutãm ja, ag tỹ kygnẽ mág han ja tugnĩn, kar kỹ ag vỹ vẽsỹ Jeová Kãmén Fã han mãn nĩ. Jérĩn mỹ, vĩ tar tỹ ag mỹ fe krój han ja, tag vỹ ag ajũna ké, ag tỹ vẽjykre kórég tovãnh jé. (Salmo 141:5) Ha vé VÍDEO ti. Kar jagnẽ mré vãmén nĩ, nén ũ tag ag to:
-
Vídeo ki, Sônia fi tỹ vẽjykre kórég han mũ ẽn kutãm han kỹ, tag hã ren kỹ fi ajũna ké?
Ũn tỹ vẽjykre kórég han mũ ẽn kutẽm kỹ, tag hã ren kỹ . . .
-
Jeová mỹ há han tĩ?
-
ẽg mỹ ven tĩ, Jeová tỹ tỹ ũn há nĩ kar ti tỹ ẽg to há nĩ?
5. Ẽg tỹ vẽjykre kórég ag tugvãnh kỹ, Jeová vỹ ẽg vẽnh pãte fón tĩ
Jesus vỹ vẽnh kãme tó ja ẽg mỹ kãnhrãnrãn jé, ũn tỹ vẽjykre kórég tovãnh kỹ, Jeová ne tag to jykrén tĩ ti. Lucas 15:1-7 le kem nĩ. Kar jagnẽ mré vẽmén nĩ, tag to:
-
Vẽnh rá tag ne ẽg kãnhrãnrãn tĩ, Jeová to?
Ezequiel 33:11 le kem nĩ. Kar jagnẽ mré vẽmén nĩ, tag to:
-
Ẽg ne han ke nỹtĩ, ẽg tỹ ũn ag mỹ ven jé, ẽg tỹ vẽjykre kórég tugvãnh pẽ nỹtĩ?
Mẽg ag ki rĩr ri ke, Jeová vỹ ẽg to kanẽ jur tĩ
ŨN PIPIR AG VỸ KE TĨ: “Isỹ congregação to kófa ag mỹ inh kygnẽ mág ja ti to kãmén kỹ, ag vỹ inh kutẽm ke mũ.”
-
Ũn tỹ ge ãkrén kỹ, ã ne ti mỹ tónh?
à NE KANHRÃN JA TI
Ẽg tỹ kygnẽ mág han kỹ, ẽg tỹ vẽjykre kórég tugvãnh pẽ ke nỹtĩ, Jeová vỹ ẽg mỹ vẽnh pãte fón jé.
Jykrinkrén mũ
-
Ẽg tỹ Jeová mré vĩn kỹ, ẽg kygnẽ ja ag to, tag vỹ ẽg mỹ há han tĩ. Mỹ ne tugnĩn?
-
Ẽg ne han ke nỹtĩ, Jeová tỹ ẽg vẽnh pãte fón jé?
-
Ẽg tỹ kygnẽ mág han kỹ, ẽg ne tugnĩn congregação to kófa ag tag to kãmén ke nỹtĩ?
VẼNH KANHRÃN KÃFÓR MŨ
Ha vé ẽg régre hã ren kỹ ki kanhrãn ke Jeová vỹ ẽg jagãgtãn tĩ, vẽnh rá tỹ Isaías 1:18 vỹ tó ja ri ke.
Ũn tỹ vẽjykre kórég han mũ ẽn kutãm kỹ, tag hã ren kỹ vẽnh kar ajũna ke tĩ?
Ve ra ã hã ri ken kỹ ũn tỹ tỹ ẽg régre tũ nĩ ũn mỹ kãmén mũ, ũn tỹ congregação ki kãkutẽm to.
“Jeová Kãmén Fã ag mỹ ũn tỹ ag religião to krój ke kuvar há nỹtĩ hẽn?” (Vẽnh rá tỹ jw.org)
Vẽnh kãme tỹ “Isỹ Jeová vỹn ke ke nĩ vã” le kem nĩ, ha vé ũn tỹ Jeová to krój ke, hã ra kar kỹ ti tỹ ki kanhrãn ke, Jeová tỹ ti ajũna ké ti vỹn ke jé.
“Topẽ Vĩ Rá vỹ ũn ag ajũna ke tĩ” (A Sentinela, 1.º tỹ abril tỹ 2012)
