ITHOMO RĨA 57
Wagĩrĩirũo Gwĩka Atĩa Ũngĩka Mehia Maritũ?
O na gũtuĩka nĩ wendete Jehova biũ na nĩ wĩrutanagĩria mũno gwĩthema ũndũ o wothe ũngĩmũiguithia ũũru, rĩmwe nĩ ũrĩhĩtagia. O na kũrĩ ũguo, mehia mamwe nĩ maritũ gũkĩra marĩa mangĩ. (1 Akorintho 6:9, 10) Ũngĩka mehia maritũ, ririkana atĩ Jehova ndatigĩte gũkwenda; nĩ ehaarĩirie gũkuohera na gũgũteithia.
1. Twagĩrĩirũo gwĩka atĩa nĩguo Jehova atuohere?
Andũ arĩa mendete Jehova nĩ maiguaga ũũru mũno rĩrĩa mamenya atĩ nĩ mekĩte mehia maritũ. No nĩ maiguaga momĩrĩirio nĩ ũrĩa Jehova eerĩire andũ ake: “O na angĩkorũo mehia manyu matunĩhĩte o ta thakame, nĩ megũtherio mahaane o ta mbarabu.” (Isaia 1:18) Tũngĩĩrira kuuma ngoro, Jehova nĩ arĩtuohagĩra biũ. Tũngĩonania atĩa atĩ nĩ twĩrirĩte kuuma ngoro? Tũiguaga ũũru biũ nĩ ũndũ wa ũndũ ũrĩa twĩkĩte, na kwoguo tũgatiga gwĩka maũndũ moru na tũgathaitha Jehova atuohere. Tũgacoka tũkerutanĩria kũgarũrĩra mwĩcirĩrie witũ mũũru kana mĩtugo ĩrĩa ĩratũmĩte tũingĩre mehia-inĩ, na tũkerutanĩria gũtũũra kũringana na ithimi cia Jehova cia ũthingu.—Thoma Isaia 55:6, 7.
2. Jehova ahũthagĩra athuri atĩa gũtũteithia rĩrĩa twehia?
Tũngĩka mehia maritũ, Jehova atwĩraga “[twĩte] athuri a kĩũngano.” (Thoma Jakubu 5:14, 15.) Athuri acio amũre nĩ mendete Jehova o hamwe na ngʼondu ciake. Nĩ marutĩtwo ũrĩa mangĩtũteithia gũcokia ũrata witũ hamwe na Jehova.—Agalatia 6:1.
Athuri a kĩũngano matũteithagia atĩa rĩrĩa tweka mehia maritũ? Athuri erĩ kana atatũ nĩ matũrũngaga makĩhũthĩra ũtaaro wa Maandĩko. Ningĩ nĩ matũheaga motaaro tũngĩhũthĩra nĩguo tũtikaingĩre mehia-inĩ rĩngĩ. No matũgirĩrĩrie gwĩka maũndũ mamwe thĩinĩ wa kĩũngano nginya rĩrĩa tũgaacokereria ũgima witũ wa kĩĩroho. Nĩguo magitĩre kĩũngano kuumana na ũgucania mũũru, athuri nĩ meheragia kĩũngano-inĩ mũndũ o wothe ũreka mehia maritũ atekwĩrira.
THUTHURIA MAKĨRIA
Reke tũthuthurie nĩguo tũtaũkĩrũo makĩria na tũkorũo na ngatho kũrĩ Jehova nĩ ũrĩa atũteithagia rĩrĩa tweka mehia maritũ.
3. Kuumbũra mehia nĩ gũtũteithagia kũhona
Mehia o mothe tũngĩka nĩ maiguithagia Jehova ũũru, na kwoguo nĩ twagĩrĩirũo kũmuumbũrĩra. Thomai Thaburi 32:1-5, mũcoke mwarĩrĩrie kĩũria gĩkĩ:
-
Nĩkĩ nĩ ũndũ mwega kumbũrĩra Jehova mehia maitũ handũ ha kũgeria kũmahithĩrĩra?
Makĩria ma kumbũrĩra Jehova mehia maitũ, nĩ tũiguaga twahoorera rĩrĩa twahoya ũteithio kuuma kũrĩ athuri a kĩũngano. Mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
-
Kũringana na video ĩyo-rĩ, athuri maateithirie Canon atĩa gũcokerera Jehova?
Tũrabatara kwaria ma rĩrĩa tũraria na athuri, na tũkameera maũndũ mothe tondũ muoroto wao nĩ gũtũteithia. Thomai Jakubu 5:16, mũcoke mwarĩrĩrie kĩũria gĩkĩ:
-
Nĩkĩ nĩ ũndũ mũhũthũ harĩ athuri gũtũteithia rĩrĩa twaria ma?
Umbũra mehia maku, ĩra athuri ũhoro wa ma, na wĩtĩkĩre ũteithio wa wendo kuuma kũrĩ Jehova
4. Kweheria mũndũ kĩũngano-inĩ gũteithagia atĩa?
Mũndũ wĩkĩte mehia maritũ na akarega kũrũmĩrĩra ithimi cia Jehova ndangĩtĩkĩrio gũthiĩ na mbere kũnyitanĩra na kĩũngano. Eheragio kĩũngano-inĩ na tũtiagĩrĩirũo kũnyitanĩra nake o na kana kwaranĩria nake. Thomai 1 Akorintho 5:6, 11 na 2 Johana 9-11, mũcoke mwarĩrĩrie kĩũria gĩkĩ:
-
O ta ũrĩa ndawa ya kũimbia ĩgagatagia kĩmere kana mũtu-rĩ, kũnyitanĩra na mwĩhia ũtarerira kũngĩhutia kĩũngano atĩa?
Andũ aingĩ arĩa maneherio kĩũngano-inĩ thutha-inĩ nĩ macokaga, tondũ o na gũtuĩka mũndũ nĩ atuuragwo eherio kĩũngano-inĩ, ũndũ ũcio nĩ ũmũteithagia gũtaũkĩrũo atĩ ũndũ ũrĩa ekĩte nĩ mũũru. (Thaburi 141:5) Mwĩrorerei VIDEO ĩno, mũcoke mwarĩrĩrie kĩũria kĩrĩa kĩrũmĩrĩire.
-
Kũringana na video ĩyo-rĩ, kweherio kĩũngano-inĩ gwateithirie Sonja atĩa?
Mũbango wa kweheria mũndũ kĩũngano-inĩ . . .
-
ũgoocithagia rĩĩtwa rĩa Jehova atĩa?
-
wonanagia atĩa atĩ Jehova nĩ arĩ kĩhooto na wendo?
5. Jehova nĩ atuohagĩra rĩrĩa twerira
Jesu nĩ aahũthĩrire ngerekano ĩngĩtũteithia gũtaũkĩrũo nĩ ũrĩa Jehova aiguaga rĩrĩa mũndũ erira. Thomai Luka 15:1-7, mũcoke mwarĩrĩrie kĩũria gĩkĩ:
-
Ngerekano ĩyo ĩratũruta atĩa igũrũ rĩgiĩ Jehova?
Thomai Ezekieli 33:11, mũcoke mwarĩrĩrie kĩũria gĩkĩ:
-
Nĩ ũndũ ũrĩkũ wonanagia atĩ mũndũ nĩ erirĩte kuuma ngoro?
O ta mũrĩithi, Jehova nĩ arũmbũyagia ngʼondu ciake mũno
ANDŨ AMWE MOIGAGA: “Nĩ ndĩtigagĩra kumbũrĩra athuri mehia makwa ndikeherio kĩũngano-inĩ.”
-
Ũngĩtaara mũndũ ta ũcio atĩa?
ŨRĨA TWERUTA
Tũngĩka mehia maritũ, Jehova no atuohere tũngĩĩrira kuuma ngoro, na twĩrutanĩrie gũtiga ũndũ ũcio mũũru.
Ciũria cia gũcokera
-
Twagĩrĩirũo kumbũrĩra Jehova mehia maitũ nĩkĩ?
-
Tũrabatara gwĩka atĩa nĩguo tuoherũo mehia maitũ?
-
Tũngĩka mehia maritũ-rĩ, nĩkĩ nĩ twagĩrĩirũo gũcaria ũteithio kuuma kũrĩ athuri?
RIKĨRA
Rora wone ũrĩa mũthuri ũmwe eeyoneire tha cia Jehova ta ũrĩa itaarĩirio thĩinĩ wa Isaia 1:18.
Ũguni wa kweheria mũndũ kĩũngano-inĩ nĩ ũrĩkũ?
“Mũbango wa Kweheria Mũndũ Wĩhĩtie Kĩũngano-inĩ nĩ wa Wendo Nĩkĩ?” (Mũrangĩri, Ĩpuro 15, 2015)
Thoma wone ũrĩa ũngĩtaarĩria mũndũ ũtarĩ Mũira wa Jehova ũhoro wĩgiĩ mũbango wa kweheria mũndũ kĩũngano-inĩ.
“Hihi Aira a Jehova nĩ Methemaga Arĩa Tene Maarĩ Amwe Ao?” (Gĩcunjĩ thĩinĩ wa jw.org/ki)
Icunjĩ Ingĩ Hihi Ũngĩenda Gũthoma
CIŨRIA IRIA CIŨRAGIO KAINGĨ
Mũbango wa Aira a Jehova wa Kwĩruta Bibilia na Andũ Ũkoragwo Ũhaana Atĩa?
Rĩrĩa ũreruta Bibilia na Aira a Jehova, no ũhũthĩre Bibilia ĩrĩa ũkwenda. No ũnyite ũgeni andũ anyu othe a famĩlĩ kana arata aku rĩrĩa ũreruta.
