ILINNIAGASSAQ 57
Ingasattumik ajortulioruit qanoq ikiorneqarsinnaavit?
Jehova asagaluarlugu aliasuutigisaanillu iliuuseqarnaveersaartaraluarlutit kukkusarumaarputit. Ajortuliornerilli ilaat ingasattumik ajortuliornerupput. (Korintimiunut 1. 6:9, 10) Ingasattumik ajortulioruit eqqaamassavat Jehovap suli asagaatit aamma isumakkeerfigerusullutillu ikiorusukkaatit.
1. Jehovamit isumakkeerfigineqaqqulluta susariaqarpugut?
Jehovamik asannittut ingasattumik ajortuliorsimallutik paasigaangamikku aliasungaartarput. Jehovalli oqaasii uku tuppallersaatigisarpaat: “Ajortuliasi aappallarissakkatut aappalutsigigaluarunik aputitut qaqortigilissapput.” (Esaja 1:18) Tassa peqqissimigutta Jehovap ilumoorluni isumakkeerfigissavaatigut. Peqqissimineq qanoq paasisariaqarpa? Peqqissimisoq ajortuliortarunnaarluni Jehovamut qamannga pisumik isumakkeerfigeqqusarpoq. Aamma ajortuliornermik kinguneqartumik eqqarsartaaseq eqqunngitsoq allanngortittarpaa ileqqupalaarluunniit ileqqoriunnaarlugu. Jehovallu maleruaqqusai minguitsut maleruaqqilertarpai. – Esaja 55:6, 7 atuarsigit.
2. Ajortuliorsimagutta Jehovap ikiorumalluta utoqqaanertat qanoq atussavai?
Ingasattumik ajortuliorsimasut peqquneqarput ‘ilagiinni utoqqaanertanik aggeqqusissasut’. (Jaaku 5:14, 15 atuarsigit). Utoqqaanertat Jehova taassumunngalu kiffartortut asavaat. Ajortuliorsimasunik ikiuinissaminnut ilinniartinneqarmata utoqqaanertat ikiuinerisigut Jehova ikinngutigileqqissinnaavarput. – Galaatiamiut 6:1.
Utoqqaanertat ingasattumik ajortuliorsimasoq qanoq ikiortarpaat? Utoqqaanertat marluk pingasulluunniit Biibili atorlugu ajortuliorsimasumut takutissavaat sooq iliuuserisimasaa eqqunngitsuliornerusoq. Aamma ajortulioqqeqqunagu siunnersuuteqassapput. Imaassinnaavoq aalajangertut ajortuliorsimasup ilagiinni iliuuserineqartartut ilaat iliuuserisarunnaarallassagai. Ilagiit ajortumik sunnerneqaqqunagit ajortuliorsimasoq peqqissiminngitsoq utoqqaanertanit ilaajunnaarsinneqassaaq.
ITISILIINEQ
Ingasattumik ajortuliorsimasunik Jehovap ikiuisarnera qujamasuutigineruleruk.
3. Nassuerutiginninneq iluaqutigisarparput
Ajortuliagut Jehovap aliasuutigisarmagit taassumunnga nassuerutigisariaqarpagut. Tussiaat 32:1-5 atuarsigit apeqqullu una eqqartorlugu:
-
Sooq ajortuliagut isertornagit Jehovamut oqaatiginissaat iluaqutigissavarput?
Ajortuliagut Jehovamut oqaatigereerlugit aamma utoqqaanertanut ikioqqugutta iluaallassaagut. VIDEO takusiuk apeqqullu tulliuttoq eqqartorlugu.
-
Canon Jehovamut uteqqinnermini utoqqaanertanit qanoq ikiorneqarpa?
Utoqqaanertat ikiuerusummata ammaffigalugillu unneqqariffigisariaqarpagut. Jaaku 5:16 atuarsiuk apeqqullu una eqqartorlugu:
-
Utoqqaanertat unneqqariffigigutsigit sooq ikioriaannaanerussavaatigut?
Ajortuliorsimanerit nassuerutigiuk, utoqqaanertat unneqqariffigikkit Jehovallu asannittumik ikiuinera akueralugu
4. Ilaajunnaarsitsineq qanoq iluaqutaasartoq
Ingasattumik ajortuliorsimasoq Jehovap inatsisaanik maleruaajumanngikkuni ilagiinniiginnarsinnaanngilaq. Ilaajunnaarsitaassaaq, uagullu peqatigisarunnaarlugulu oqaloqatigisarunnaassavarput. Korintimiunut 1. 5:6, 11 aamma Johannesimit 2. 9-11 atuarsigit apeqqullu una eqqartorlugu:
-
Seernarsaatip naqittagaq tamaat sunnertarpaa. Ajortuliorsimasoq peqqissiminngitsoq peqatigisarutsigu ilagiinnut qanoq sunniuteqassava?
Ilaajunnaarsitaasimasorpassuit ilagiinnut utersimapput. Perorsaatissinneqarnertik anniaatigigaluarlugu tamanna iluaqutigalugu paasisimavaat eqqunngitsuliorsimallutik. (Ussatit 6:23) VIDEO takusiuk apeqqullu tulliuttoq eqqartorlugu.
-
Sonjap ilaajunnaarsitaanini qanoq iluaqutigaa?
Ilaajunnaarsitsineq qanoq ...
-
Jehovap atianik ataqqinarsisitsiva?
-
Jehovap ingasaassinianngitsuuneranik asannittuuneranillu ersersitsiva?
5. Peqqissimigutta Jehovap isumakkeerfigissavaatigut
Jiisusip assersuusiorluni paasinarsisippaa Jehova inuk peqqissimisoq pillugu qanoq misigisartoq. Lukkarsi 15:1-7 atuarsigit apeqqullu una eqqartorlugu:
-
Assersuusiaq Jehova pillugu qanoq ilinniarfigaajuk?
Ezekieli 33:11 atuarsiuk apeqqullu una eqqartorlugu:
-
Peqqissimisoq susariaqarpa?
Savanik paarsisutut Jehovap savaatini asangaarpai
OQARTOQARTARPOQ: “Ilaajunnaarsitaarusunnginnama ajortuliorsimanera utoqqaanertanut oqaluttuarerusunngilara.”
-
Taamatut misigisumut qanoq oqassavit?
EQIKKAANEQ
Ingasattumik ajortuliorsimasoq taamaalioqqinnginnissani aalajangiusimaguniuk ilumoorlunilu peqqissimiguni Jehovamit isumakkeerfigineqassaaq.
Uteqqiineq
-
Sooq ajortuliagut Jehovamut oqaatigigutsigit iluaqutigissavarput?
-
Ajortuliatsinnik isumakkeerfigineqaqqulluta susariaqarpugut?
-
Ingasattumik ajortuliorsimagutta sooq utoqqaanertanut ikioqqussaagut?
NAMMINEQ MISISSUGASSATIT
Jehovap Esaja 1:18-imi allaatigineqartut angut qanoq nallittoraa takuuk.
Ilaajunnaarsitsineq ilagiinnut aamma ajortuliortumut qanoq iluaqutaasarpa?
Ilagiinnut ilaajunnaarsitsineq Nalunaajaasuunngitsumut qanoq nassuiarsinnaagit paasiniaruk.
Oqaluttuami “Jehovamut utertariaqarsimavunga”-mi atuaruk angut sooq misigisoq Jehovap uteqqugaani.
“Biibili inuit inuunerannik allannguisitsisarpoq” (Napasuliaq Alapernaarsuiffik-mi allaaserisaq)