DISÁ 57
Ihi Yandabhita se Uta Kituxi Kyadikota?
Né mwene se uzola Jihova ni muxima woso, anga ubhanga nguzu phala kubhanga o vondadi yê, sayi ithangana wandalweza. Sayi ituxi yamakota, yamukwa kana. (1 Kolindu 6:9, 10) Se uta kituxi kyadikota, lembalala kwila, Jihova wakuzolo hanji. Mwene wamesena kukuloloka ni kukukwatekesa.
1. Ihi itwatokala o kubhanga phala Jihova kutuloloka?
O muthu wazolo Jihova uluwala kyavulu kyoso kyata kituxi kyadikota. Maji o kikanenu kyabhangele Jihova ku mundu wê kiswinisa kyavulu: “Né mbé ituxi yenu ya kusuka kala husu, yandu zela mukwâ ni neve.” (Izaya 1:18) Se tudyela ni muxima woso, Jihova wanda tuloloka. Kyebhi kitulondekesa kwila twadyela? Se twadyela mwene ni muxima woso, twandakweha o kima kyayibha ni kudyondela Jihova phala kutuloloka. Mukusuluka, twandalenga o ima yatubhangesa kuta kituxi, twanda lungulula o ibanzelu yayibha ni kubhanga o ima ku mwenyu mu ukexilu usangulukisa Jihova.—Tanga Isaya 55:6, 7.
2. Kyebhi Jihova kyatukwatekesa bhukaxi katufunga kyoso kituta kituxi?
Se tuta kituxi kyadikota Jihova ututendelesa “kwixana o tufunga twa kilunga.” (Tanga Tiyaku 5:14, 15.) O tufunga azolo Jihova, azolo we o jimbudi jê. Bhukaxi ka Bibidya ene atukwatekesa kukala dingi ni ukamba ni Jihova.—Ngalásya 6:1.
Kyebhi o tufunga kyatukwatekesa kyoso kituta kituxi kyadikota? Tufunga tuyadi mba tutatu anda kukwatekesa bhukaxi ka Bibidya kumona se mukonda dyahi o kima kiwabhange kituxi. Ene atubhana jindunge phala kituvutuke kuta dingi o kituxi. Ene nange amona kwila kima kyambote se kitubhange luwa ikalakalu mu kilunga kate kyoso kitudisanza mu nzumbi. Ihi ibhita ni muthu uta kituxi kyadikota há ukamba kudyela?
DILONGE DINGI
Tala kyebhi Jihova kyatena kutukwatekesa se tuta kituxi kyadikota.
3. Kufisala o kituxi kutukwatekesa kukala dingi ni ukamba ni Jihova
Kiyoso kituta kituxi tuluwalesa Jihova, mukiki twabhingi kufisala o kituxi kwa mwene. Tanga Jisálamu 32:1-5, mukusuluka bhanga o kibhwidisu kya kayela:
-
Mukonda dyahi kima kyambote kufisala o ituxi yetu kwa Jihova muveji dya ku isweka?
Kufisala o kituxi kwa Jihova kikusoko, twandadivwa kyambote se tubhinga we o kikwatekesu kya tufunga. Tala OVIDYU, mukusuluka bhanga o ibhwidisu ya kayela.
-
Mu vidyu, kyebhi o tufunga kya kwatekesa manu Canoni kuvutuka kwa Jihova?
Twabhingi kuzwela o kidi kutufunga ene ala polondo phala kutukwatekesa. Tanga Tiyaku 5:16, mukusuluka bhanga o kibhwidisu kya kayela:
-
Mukonda dyahi kikubhonzo phala o tufunga kutukwatekesa kyoso kituzwela o kidi?
4. O kamukonde kikwatekesu kitunda kwa Jihova
Se o muthu wate kituxi kyadikota anga udituna kukayela o itendelesu ya Jihova mwene katokala dingi kubhanga mbandu ya kilunga. O muth yú amuta mukamukonde. Etu kituzwela mba tudilunganê kumoxi. Tanga 1 Kolindu 5:6, 11 ni 2 Nzwá 9-11, mukusuluka bhanga o kibhwidisu kya kayela:
-
Felemendu yofele ifutununa o fuba yoso ya tiliku. Kyebhi o kudilunga ni mukwa ituxi kaxikina kudyela, kutena kufunyisa o jiphange mu kilunga?
Athu avulu a atele kamukonde, mukubhita mivu avutuka. Kiki kyabhiti mukonda o kibazelu sumbala kixixima, maji kya abhangesa kudyela. (Jisálamu 141:5) Tala OVIDYU, mukusuluka bhanga o ibhwidisu ya kayela.
-
Mu vidyu kyebhi o kamukonde kakwatekesa mana Sonya?
Kyebhi o kuta kamukonde . . .
-
kujingisa o dijina dya Jihova?
-
kulondekesa kwila Jihova muthu wayuka, mukwa henda?
5. Jihova uloloka kyoso kitudyela
Jezú watele kifika kitukwatekesa kutendela kyebhi Jihova kya divwa kyoso o muthu kyadyela. Tanga Luka 15:1-7, mukusuluka bhanga o kibhwidisu kya kayela:
-
O velusu yiyi itulonga ihi ya lungu ni Jihova?
Tanga Izekiyele 33:11, mukusuluka bhanga o kibhwidisu kya kayela:
-
Ihi itwabhingi kubhanga phala kulondekesa kwila, twadyela mwene ni kidi kyoso?
ATHU AVULU AMBA: “Se ngifisala o kituxi kyami kutufunga, ene andangita kamukonde.”
-
Ihi iweji zwela ku muthu udivwa kiki?
IHI IWADILONGO
Se tuta kituxi kyadikota Jihova utena kutuloloka. Maji phala kiki ni kibhite, twabhingi kudyela ni muxima woso ni kubhanga yoso itutena phala kitute dingi kituxi.
Kubhitulula
-
Mukonda dyahi kima kyambote kufisala o ituxi yetu kwa Jihova?
-
Ihi itwabhingi kubhanga phala kutuloloka o ituxi yetu?
-
Mukonda dyahi twatokala kubhinga o kikwatekesu kya tufunga se tuta kituxi kyadikota?
TOKWESA DINGI
Tala kyebhi diyala kyamono o muloloki wa Jihova wotumbule mudivulu dya Isaya 1:18.
Kyebhi o kamukonde kakwatekesa kikale o athu kumwiji ni jiphange mu kilunga?
“Mukonda Dyahi o Kamukonde Kilondekesu Kya Henda?” (O Mulangidi, 15 wa Kasamanu wa 2015)
Tala kyebhi ki utena kujimbulula o kamukonde kumuthu yo ki Mbangi ya Jihova.
“O Kuila mu Batula o Ukamba ni Muthu a mu Kaie mu Kilunga?” (Milongi ya jw.org)
Phala kumona mukonda dyahi diyala wabhanene dikunda kwa Jihova wadivu kwila Jihova wamuloloka, tanga o musoso, “Ngabhingile Kuvutuka Kwa Jihova.”
“O Bibidya Ilungulula o Myenyu ya Athu” (O Mulangidi, 1 wa Kasamanu wa 2012)
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
