ДӘРСА 57
Чь Гәрәке Бьки Һәрге Тә Гӧнәки Гьран Кьрийә?
Рʹаст ә тӧ Йаһоԝа гәләк һʹьз дьки у хԝә дур дьгьри жь ԝан тьшта, чь кӧ дькарьн дьле ԝи бешиньн, ле йәкә щарна тӧйе шашийа бьки. Һәмьки һьнә гӧнә гәләк гьран ьн (1 Корьнтʹи 6:9, 10). Һәрге тӧ гӧнәки гьран бьки, бир нәкә, кӧ Йаһоԝа диса жи тә һʹьз дькә, у һазьр ә бьбахшинә тә у али тә бькә.
1. Әм чь гәрәке бькьн, сәва кӧ бахшандьна Йаһоԝа бьстиньн?
Әԝед кӧ Йаһоԝа һʹьз дькьн, чахе фәʹм дькьн кӧ ԝана гӧне гьран кьрийә, гәләк бәрхԝә дькʹәвьн. Ле әԝана жь созе Йаһоԝа дьлбиникә мәзьн дьстиньн, чьмки Әԝи гот, кӧ һәрге гӧнед ԝан мина соре-гәвәз бьн жи, «ԝе мина бәрфе сьпи бьбьн» (Ишайа 1:18). Гава әм жь дьл тʹобә дькьн, Йаһоԝа бь тʹәмами дьбахшинә мә. Чь те һʹәсабе тʹобә кьн? Әв те һʹәсабе, кӧ әм гәләк пʹошман дьбьн бона кьред хԝә, у сәр хԝә дьхәбьтьн, ԝәки щарәкә дьн ви тьшти нәкьн у лавайа Йаһоԝа дькьн, кӧ бьбахшинә мә. Хенщи ԝе йәке әм хԝә дур дьгьрьн жь фькьр у хәйсәтед ӧса, йед кӧ бәрбь гӧнә дьбьн. Һьм жи әм һәр тьшти дькьн, ԝәки ль гора нормед Йаһоԝа бьжин (Бьхунә Ишайа 55:6, 7.)
2. Йаһоԝа ча бь сайа рʹуспийа али мә дькә?
Һәрге мә гӧне гьран кьрийә, гәрәке гази рʹуспийед щьвате бькьн, у аликʹарийе жь ԝана бьхԝазьн (Бьхунә Аԛуб 5:14, 15.) Әв рʹуспи Йаһоԝа у щьмәʹта ԝи һʹьз дькьн. Әԝана һатьнә һинкьрьне, кӧ али мә бькьн, сәва кӧ әм диса жи һәләԛәтийа хԝә тʹәви Йаһоԝа баш кьн (Галати 6:1).
Рʹуспи чаԝа али мә дькьн, чахе әм гӧнәки гьран дькьн? Дӧ рʹуспи йан жи сьсе, рʹезед жь Кʹьтеба Пироз дьдьнә хәбате, сәва кӧ мәрʹа нишан кьн, ԝәки әв кьре мә нәрʹаст ә. Әԝана ӧса жи рʹебәри у ширәтед керһати дьдьнә мә, чь кӧ али мә дькьн, ԝәки диса гӧнә нәкьн. Хенщи ԝе йәке, әԝана хьзмәтийа мәда ԝәʹдәлу синора датиньн, һʹәта кӧ әм диса һәләԛәтийа хԝә тʹәви Йаһоԝа ԛәԝи кьн. Һәрге мәрьве кӧ гӧнәки гьран кьрийә тʹобә накә, рʹуспи сафи дькьн, ԝи жь щьвате дәрхьн, сәва кӧ әԝ сәр щьвате хьраб һʹӧкӧм нәбә.
КʹУР ЛЕКОЛИН КӘ
Пебьһʹәсә, кӧ һәрге әм гӧнед гьран бькьн, Йаһоԝа ԝе ча али мә бькә. Занәбуна ве йәке, ԝе рʹазибуна мә һьндава Йаһоԝа һе зедә кә.
3. Тʹобәкьрьн али мә дькә, кӧ диса һәләԛәтийа мә тʹәви Йаһоԝа баш бә
Һʹәму гӧнед кӧ әм дькьн, дьле Йаһоԝа дешиньн, ләма жи әм гӧнед хԝә тʹобә дькьн. Бьхунә Зәбур 32:1-5, у паше әве пьрсе шеԝьр кә:
-
Чьрʹа бона мә кʹар ә бахшандьне жь Йаһоԝа бьхԝазьн дәԝса кӧ гӧнед хԝә вәшерьн?
Чахе әм бәр Йаһоԝа гӧнед хԝә тʹобә дькьн у аликʹарийе жь рʹуспийа дьхԝазьн, һьнге әм хԝә дьһа баш тʹәхмин дькьн. Вехә ВИДЕО, у паше әве пьрсе шеԝьр кә:
-
Ча жь видеойе һатә кʹьфше, рʹуспи ча али Кенон кьрьн, ԝәки вәгәрʹә бал Йаһоԝа?
Сәва кӧ рʹуспи бькарьбьн али мә бькьн, әм гәрәке дәрһәԛа гӧнед хԝә ԝанрʹа рʹаст у зәлал гьли кьн. Әԝана һазьр ьн али мә бькьн. Бьхунә Аԛуб 5:16, у паше әве пьрсе шеԝьр кә:
-
Чьрʹа рʹуспийарʹа һеса дьбә али мә бькьн, чахе әм дәрһәԛа гӧнед хԝә тʹӧ тьшти жь ԝана вәнашерьн?
Гӧне хԝә тʹобә кә, рʹуспийарʹа дәрһәԛа гӧне хԝә рʹаст бежә, у аликʹарийа Йаһоԝа ԛәбул кә, кʹижан кӧ жь һʹьзкьрьне йә
4. Дәрхьстьна жь щьвате һʹьзкьрьна Йаһоԝа әʹйан дькә
Һәрге мәрьве кӧ гӧне гьран кьрийә, инкʹар дькә нормед Йаһоԝа бинә сери, һьнге әԝ ида найе һʹәсабе әндәме щьвате. Әԝ жь щьвате те дәрхьстьне, у ләма тʹӧ һәләԛәтийа мә тʹәви ԝи ида ԝе тʹӧнә бә у әме нә жи тʹәви ԝи хәбәр дьн. Бьхунә 1 Корьнтʹи 5:6, 11 у 2 Йуһʹәнна 9-11, у паше әве пьрсе шеԝьр кә:
-
Чьрʹа әм дькарьн һәләԛәтийа хԝә тʹәви мәрьве кӧ тʹобә накә, бәрамбәри һәвиртьрʹшк бькьн бь кʹижани тʹәмамийа һәвир һьлте?
Гәләк жь ԝан мәрийа йед кӧ жь щьвате һатьбун дәрхьстьне, пашда вәгәрʹийан бал Йаһоԝа. Чьрʹа? Рʹаст ә дәрхьстьна жь щьвате бона ԝан чәтьн бу, ле әве йәке али ԝан кьр ԝәки бьфькьрьн у фәʹм бькьн, кӧ чьда әԝана нәрʹаст бун (Зәбур 141:5). Вехә ВИДЕО, у паше әве пьрсе шеԝьр кә:
-
Дәрхьстьна жь щьвате ча али Сонйайе кьр?
Чьма дәрхьстьна жь щьвате . . .
-
наве Йаһоԝа һʹӧрмәт дькә?
-
дьдә кʹьфше, кӧ Йаһоԝа билан ә у бь һʹьзкьрьне тʹьжә йә?
5. Йаһоԝа дьбахшинә мә, чахе әм тʹобә дькьн
Мәсәла Иса али мә дькә кӧ фәʹм бькьн, ԝәки Йаһоԝа чь сәр хԝә тʹәхмин дькә, гава мәрьв тʹобә дькә. Бьхунә Луԛа 15:1-7, у паше әве пьрсе шеԝьр кә:
-
Әв йәк дәрһәԛа Йаһоԝа чь тә һин дькә?
Бьхунә Һәзәԛел 33:11, у паше әве пьрсе шеԝьр кә:
-
Чь дькʹәвә нава тʹобәкьрьне?
Йаһоԝа мина шьван бона һәр пәзәкә хԝә гәләк хәм дькә
ҺЬНӘ МӘРЬВ ДЬБЕЖЬН: «Әз нахԝазьм дәрһәԛа гӧне хԝә рʹуспийарʹа бежьм, чьмки дьтьрсьм кӧ ԝе мьн жь щьвате дәрхьн.»
-
Тӧйе чь бежи ԝи мәрьвирʹа, йе кӧ ӧса дьфькьрә?
ТʹӘМАМКЬРЬН
Һәрге мә гӧне гьран кьрийә, ле бь дьл гӧне хԝә тиньн рʹуйе хԝә у ида тьштед нәрʹаст накьн, һьнге Йаһоԝа ԝе бьбахшинә мә.
Ԝәкʹьландьн
-
Чьма бона мә кʹар ә, ԝәки гӧнед хԝә бәр Йаһоԝа тʹобә кьн?
-
Әм чь гәрәке бькьн, сәва кӧ Йаһоԝа гӧнед мә бьбахшинә мә?
-
Әм чьрʹа гәрәке аликʹарийе жь рʹуспийа бьхԝазьн, һәрге мә гӧне гьран кьрийә?
ҺЕ ЗЕДӘ ПЕБЬҺʹӘСӘ
Пебьһʹәсә, кӧ мәрьвәки ча дьлрʹәʹмийа Йаһоԝа сәр хԝә тʹәхмин кьр, дәрһәԛа кʹижани кӧ Ишайа 1:18-да ньвисар ә.
Дәрхьстьна жь щьвате ча һʹьзкьрьна Йаһоԝа дьдә кʹьфше?
«Дәрхьстьна жь Щьвате Һʹьзкьрьне Әʹйан Дькә» («Бьрща Ԛәрәԝьлийе», 15 Нисане, 2015)
Пебьһʹәсә, кӧ тӧ ча дькари кәсәкирʹа шьровәки, ԝәки дәрхьстьна жь щьвате чь те һʹәсабе.
«Һәрге жь Щьвата Ԝә Кәсәк Те Дәрхьстьне, Һәләԛәтийа Ԝә Тʹәви Ԝан Һәйә?» (Готара жь малпәре)
Жь ве сәрһатийе «Мьн Фәʹм кьр кӧ Гәрәке Вәгәрʹьм бал Йаһоԝа», пебьһʹәсә, ԝәки ча мәрьве кӧ жь рʹастийе дур кʹәтьбу, фәʹм кьр кӧ Йаһоԝа ԝи пашда вәгәрʹандә щәм хԝә.
«Кʹьтеба Пироз Жийина Мәрьва Дьгӧһезә» («Бьрща Ԛәрәԝьлийе», 1 Нисане, 2012)
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
