Rast e tu Yehowa gelek hiz dikî û xwe dûr digirî ji wan tişta, çi ku dikarin dilê wî bêşînin, lê yeke carna tuyê şaşiya bikî. Hemikî hine gune gelek giran in (1 Korintî 6:9, 10). Hergê tu gunekî giran bikî, bîr neke, ku Yehowa dîsa jî te hiz dike, û hazir e bibaxşîne te û alî te bike.

1. Em çi gerekê bikin, seva ku baxşandina Yehowa bistînin?

Ewên ku Yehowa hiz dikin, çaxê fem dikin ku wana gunê giran kiriye, gelek berxwe dikevin. Lê ewana ji sozê Yehowa dilbînîke mezin distînin, çimkî Ewî got, ku hergê gunên wan mîna sorê-gevez bin jî, “wê mîna berfê sipî bibin” (Îşaya 1:18). Gava em ji dil tobe dikin, Yehowa bi temamî dibaxşîne me. Çi tê hesabê tobe kin? Ev tê hesabê, ku em gelek poşman dibin bona kirên xwe, û ser xwe dixebitin, wekî careke din vî tiştî nekin û lavaya Yehowa dikin, ku bibaxşîne me. Xêncî wê yekê em xwe dûr digirin ji fikir û xeysetên usa, yên ku berbi gune dibin. Him jî em her tiştî dikin, wekî li gora normên Yehowa bijîn (Bixûne Îşaya 55:6, 7.)

2. Yehowa ça bi saya rûspiya alî me dike?

Hergê me gunê giran kiriye, gerekê gazî rûspiyên civatê bikin, û alîkariyê ji wana bixwazin (Bixûne Aqûb 5:14, 15.) Ev rûspî Yehowa û cimeta wî hiz dikin. Ewana hatine hînkirinê, ku alî me bikin, seva ku em dîsa jî heleqetiya xwe tevî Yehowa baş kin (Galatî 6:1).

Rûspî çawa alî me dikin, çaxê em gunekî giran dikin? Du rûspî yan jî sisê, rêzên ji Kitêba Pîroz didine xebatê, seva ku mera nîşan kin, wekî ev kirê me nerast e. Ewana usa jî rêberî û şîretên kêrhatî didine me, çi ku alî me dikin, wekî dîsa gune nekin. Xêncî wê yekê, ewana xizmetiya meda wedelû sînora datînin, heta ku em dîsa heleqetiya xwe tevî Yehowa qewî kin. Hergê merivê ku gunekî giran kiriye tobe nake, rûspî safî dikin, wî ji civatê derxin, seva ku ew ser civatê xirab hukum nebe.

 KÛR LÊKOLÎN KE

3. Tobekirin alî me dike, ku dîsa heleqetiya me tevî Yehowa baş be

Hemû gunên ku em dikin, dilê Yehowa dêşînin, lema jî em gunên xwe tobe dikin. Bixûne Zebûr 32:1-5, û paşê evê pirsê şêwir ke:

• Çira bona me kar e baxşandinê ji Yehowa bixwazin dewsa ku gunên xwe veşêrin?

 4. Derxistina ji civatê hizkirina Yehowa eyan dike

Hergê merivê ku gunê giran kiriye, înkar dike normên Yehowa bîne sêrî, hingê ew îda nayê hesabê endemê civatê. Ew ji civatê tê derxistinê, û lema tu heleqetiya me tevî wî îda wê tune be û emê ne jî tevî wî xeber din. Bixûne 1 Korintî 5:6, 11; û 2 Yûhenna 9-11, û paşê evê pirsê şêwir ke:

• Çira em dikarin heleqetiya xwe tevî merivê ku tobe nake, beramberî hevîrtirşk bikin bi kîjanî temamiya hevîr hiltê?

 TEMAMKIRIN

Hergê me gunê giran kiriye, lê bi dil gunê xwe tînin rûyê xwe û îda tiştên nerast nakin, hingê Yehowa wê bibaxşîne me.

Wekilandin

• Çima bona me kar e, wekî gunên xwe ber Yehowa tobe kin?

• Em çi gerekê bikin, seva ku Yehowa gunên me bibaxşîne me?

• Em çira gerekê alîkariyê ji rûspiya bixwazin, hergê me gunê giran kiriye?