57-ШЕ УРОК
Кугу языкым ыштенда гын, мом ыштыман?
Те Иеговам чот йӧратеда да тудым ынеда шӱлыкаҥде гынат, жапын-жапын йоҥылышым садак ышташ тӱҥалыда. Но южо язык-влак моло язык деч кугурак лийын кертыт (1 Коринфян-влаклан 6:9, 10). Те кугу языкым ыштенда гын, шарныза: Иегова тендам йӧратымым чарнен огыл. Тудо тендам проститлынеже да тыланда полшынеже.
1. Иегова мемнам проститлыже манын, мом ыштыман?
Кунам Иеговам йӧратыше-влак кугу языкым ыштеныт манын умылат, нуно тидын верч чот ойгырат. Но Иегова нуным лыпландара: «Кызыт тендан языкда ал тӱсан куэм гай улыт гынат, нуно лум семын ошо лийыт» (Исайя 1:18). Ме чынжымак ӧкынена гын, Иегова мемнам тӱрыснек проститла. Ӧкынымаш кушеч коеш? Ӧкынышӧ айдеме языкым ыштымыжлан чот чамана, йӧрдымым ышташ чарна да Иеговам тудым проститлаш сӧрвала. Тыгак тудо тыгай шонымаш ден привычке-влакым вашталта, кудыштлан кӧра тудо языкым ыштен, да Иегован нормыжо почеш илаш тырша. (Исайя 55:6, 7 лудын лекса.)
2. Кузе Иегова кугурак иза-влак гоч полша?
Иктаж-кӧ кугу языкым ыштен гын, Иегова тыгай айдемым кугурак иза-влак деч полышым йодаш тарата. (Иаковын 5:14, 15 лудын лекса.) Кугурак иза-влак Иеговам да тудын служитлышыже-влакым йӧратат. Нуно мыланна Иегова деке угыч лишыл лияш полшаш туныктымо улыт (Галат-влаклан 6:1).
Кугу языкым ыштенна гын, кугурак иза-влак мыланна кузе полшен кертыт? Кок-кум иза мыланна Библийым кучылтын умылтара, молан Юмо ыштымынам удалан шотла. Тыгак нуно мемнам кумылаҥдат да пайдале каҥаш-влакым пуат, кудышт мыланна языкым угыч ыштыме деч кораҥаш полшат. Духовный шотышто тӧрланен шуымына марте кугурак иза-влак мемнам южо христиан пашам ыштыме деч кораҥден кертыт. Кӧ кугу языкым ыштымыжлан огеш ӧкынӧ, тудым кугурак иза-влак погынымаш гыч кораҥдат. Тыге нуно иза-ака-влакым уда влияний деч аралат.
КЕЛГЫНРАК ШЫМЛЕН НАЛЗА
Шукырак пален налза, кузе Иегова кугу языкым ыштышылан полша. Тидлан кӧра те тудын полшымыжым эше чотрак аклаш тӱҥалыда.
3. Язык нерген почын каласымаш пайдам конда
Кеч-могай ыштыме язык — тиде Иегова ваштареш язык. Сандене ыштыме языкна нерген ме эн ончыч тудлан каласкалышаш улына. Псалом 31:1—5 лудын лекса да вашмутым пуыза:
-
Молан языкым шылтыме олмеш лучо Иеговалан чылажымат почын каласаш?
Языкна нерген Иеговалан гына огыл, кугурак иза-влакланат почын каласена гын, чонналан куштылгырак лиеш. ВИДЕОРОЛИКЫМ ончалза да вашмутым пуыза:
-
Кугурак иза-влак тиде изалан Иегова дек пӧртылаш кузе полшеныт?
Мыланна чылажымат кугурак иза-влаклан почын каласкален пуаш кӱлеш. Нуно мыланна полшынешт. Иаковын 5:16 лудын лекса да вашмутым пуыза:
-
Ме кугурак иза-влак дене честный лийына гын, тунам мыланна полшаш нунылан молан куштылгырак лиеш?
Ыштыме языкда нерген Иеговалан каласыза, кугурак иза-влак дене честный лийза да полышым налза
4. Могай пайдам погынымаш гыч кораҥдымаш конда
Кугу языкым ыштыше айдемын Иегован нормыжо почеш илымыже ок шу гын, тудым погынымаш гыч кораҥдат. Ме тыгай айдеме дене кылым она кучо да она мутлане. 1 Коринфян-влаклан 5:6, 11 да 2 Иоаннын 9—11 лудын лекса да вашмутым пуыза:
-
Изиш гына рум пыштет гын, уло руаш шуэш. Языкым ыштыше айдеме, кудыжо огеш ӧкынӧ, уло погынымашлан удан влиятлен кертеш манын, кузе тиде пример ончыкта?
Шукышт, кӧм погынымаш гыч кораҥденыт, жап эртымеке пӧртылыныт. Кораҥдымаш нунылан чон корштымашым конден гынат, тидлан кӧра нуно удам ыштеныт манын умылен налыныт (Псалом 140:5). ВИДЕОРОЛИКЫМ ончалза да вашмутым пуыза:
-
Погынымаш гыч кораҥдымаш тиде акалан могай пайдам конден?
Кузе погынымаш гыч кораҥдымаш...
-
Иегован поро лӱмжым арала?
-
Иегован уш-акыл ден йӧратымашыжым ончыкта?
5. Ӧкынена гын, Иегова мемнам проститла
Иисус ик примерым конден. Тиде пример мыланна умылаш полша, мом Иегова шижеш, кунам айдеме ӧкына. Лукан 15:1—7 лудын лекса да вашмутым пуыза:
-
Тиде пример гыч Иегова нерген мом пален налында?
Иезекииль 33:11 лудын лекса да вашмутым пуыза:
-
Айдемын чын ӧкынымыжӧ кушеч коеш?
Иегова поро кӱтӱчӧ семын шке шорыкшо-влакым йӧратен онча
ИКТАЖ-КӦ КАЛАСЕН КЕРТЕШ: «Мый кугурак иза-влаклан чылажымат каласкалаш лӱдам, вет вара нуно мыйым погынымаш гыч кораҥден кертыт».
-
Тыгай айдемылан мом каласен кертыда?
ТӰҤ ШОНЫМАШ
Ме кугу языкым ыштенна гын, но чынжымак ӧкынена да удам ыштымым чарнаш тыршена гын, Иегова мемнам проститла.
Ушештарымаш
-
Иеговалан языкым ыштымына нерген каласена гын, молан тиде мыланна пайдам конда?
-
Иегова мемнам проститлыже манын, мом ыштыман?
-
Кугу языкым ыштенна гын, молан кугурак иза-влак деч полышым йодман?
ЕШАРТЫШЛАН
Ончалза, кузе ик пӧръеҥ Иегован порылыкшым пален налын, кудыжо нерген Исайя 1:18 почеламутышто возымо.
Погынымаш гыч кораҥдымаш могай пайдам конда?
«Погынымаш гыч кораҥдаш йӧратымаш тарата» («Орол башне» 15 апрель, 2015 ий)
Кузе Танык огыл улшо еҥлан умылтараш, молан южгунам погынымаш гыч иктаж-кӧм кораҥдат?
«Иегован Таныкше-влак ондак лийше Танык-влак деч кораҥ коштыт мо?» (веб-статья)
«Мый Иегова деке пӧртылаш шонен пыштенам» манме биографийым лудын лекса да, погынымашыш пӧртылаш ик пӧръеҥым мо таратен, пален налза.
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
