ISAMBILILO 57
Uzye Ungacita Wuli nga Wacita Uluwembu Lukulu?
Impindi zimwi uliwaluvyanya nanti acakuti wakunda Yehova swinya ukawombesya na maka ukukanacita iviwipe. Kweni kwawa imembu inkulu. (1 Wakorinte 6:9, 10) Nga cakuti wacita uluwembu ulukulu, uwakwizuka ukuti lyo Yehova atalesile ukukukunda. Akalondesya nkaninye ukukutetela nu kukwavwa.
1. Avyani vino tuzipizile ukucita pakuti Yehova atutetele?
Wano wakunda Yehova wakayivwa uwuwi nkaninye nga wacita uluwembu . Lelo e Yehova akawawomelezya na mazwi yano walayile awantu wakwe ukuti: “Chingatenga nanti ndi uluwembu lwinu lwinjila nkani lwawenza che, ukuwa naponye mwandi muswepe ngati wepamba.” (Ayizeya 1:18) Nga cakuti twalapila ukufuma pansi ya mwezo, e Yehova angatutetela. Avyani vino vikalanjizya ukuti tulapizile? Tukayivwa uwuwi pe vino twaluvinye nukuleka ukuvicita. Swinya tukalenga kwe Yehova ukuti atutetele. Nga twacita wo-o, apano tukaleka vyonsinye vino vyalenzile tuluvyanye. Muno musanzizyemo amelenganyo ni misango. Swinya tukakwelezya ukwikala ukulingana na masundo ya kwe Yehova.—Wazya Ayizeya 55:6, 7.
2. Uzye Yehova akawomvya wuli waeluda pakutwavwa nga twawembuka?
Nga cakuti twawembuka e Yehova akatunena ukuti tuzipizile “ukwita wasongo wi Klezia.” (Wazya Jemusi 5:14, 15.) Wa-a waeluda wakunda nkaninye e Yehova na wano wakamuwombela. Wawasambilizya ivya kutwavwa pakuti tuwe iviwuza vya kwe Yehova na swinya.—Wagalatiya 6:1.
Uzye wa eluda wakatwavwa wuli nga twapanga uluwembu? Waeluda wawili nanti watatu wakawomvya Amawaliko pakutwavwa ukumanya umulandu wuno cino twacisile cawipizile. Swinya wakatuwomelezya nukutunena vino vingatwavwa pakuti tutize tunyocezyepo vino twacisile. Impindi zimwi wangapingulapo nukutulesya ukuwomba imilimo yimwi mwi wungwe pano tucili tukuwomya wuciwuza witu ne Yehova. Nga cakuti wino acisile uluwembu atalapizile, waeluda wangamuwinga pakuti wacinjilile wano wasyala mwi wungwe.
SAMBILILA IVICILE PA-A
Lola vino vingakwavwa ukumanya inzila yino Yehova akawomvya pakutwavwa nga twacita uluwembu nga na vino ungalanjizya ukusalifya.
3. Tukazifya wuciwuza witu ne Yehova nga twasokolola uluwembu
Nga cakuti twacita uluwembu tukalumisya Yehova umwezo, fwandi tutazipizile ukumufisa vino tuluvinye. Wazyani Amalumbo 32:1-5, nu kulanzyanya lyo-o iwuzyo:
-
Amulandu ci wuno cazipila ukusokololela e Yehova vino tucisile ukucila ukumufisa?
Nga twanena Yehova uluwembu luno tucisile swinya twanena na waeluda ukuti watwavwe, tukakwivwa icete. Nu mutwe wukapepuka. Tambani e VIDYO, nu kulanzyanya lyo-o iwuzyo.
-
Uzye waeluda wavwizye wuli umwanawitu wino tetwamba mwe vidyo ukunyocela kwe Yehova?
Pano tukunena waeluda vino twacisile, tuzipizile ukuwanena vyonsinye. Tutazipizile ukuwafisa cimwi amuno wawelako mukutwavwa. Wazyani Jemusi 5:16, nu kulanzyanya lyo-o iwuzyo:
-
Uzye ukunena waeluda vyonsinye vino twacisile, kukawavwa wuli ukumanya ivya kutwavwa?
Sokolola uluwembu lwako, unene waeluda vyonsinye vino wacisile nukupocelela ukwavwa ukufuma kwe Yehova
4. Uwuzima wuno wawa mukuwinga wino atalapizile
Wino acisile uluwembu akawingwa mwi wungwe nga cakuti akukana ukukonka vino Yehova akalonda. Nga wawingwa, tusikwizya nawe nanti akuvwanga nawe. Wazyani 1 Wakorinte 5:6, 11 ne 2 Yohani 9-11, nu kulanzyanya lyo-o iwuzyo:
-
Uzye ukwizya nu muwembu wino asilapila kungonona wuli iwungwe ndi vino umutawa wukatutumula umunya wonsinye?
Awavule wano wawinzilwepo wanyoka mwi wungwe. Nu mulandu awakuti, ukuwingwa kwawavwizye ukumanya ukuti vino wacisile vitazifile nanti aca kuti wivwile uwuwi pakutalika. (Amalumbo 141:5) Tambani e VIDYO, nu kulanzyanya lyo-o iwuzyo.
-
Ukulingana ne vidyo, uzye ukuwingwa kwavwizye wuli e Sonja?
Uzye ukuwinga umuwembu . . .
-
kukacindika wuli izina lya kwe Yehova?
-
kukalanjizya wuli ukuti e Yehova awa lukundo swinya akapingula icete?
5. E Yehova akatutetela nga twalapila
E Yesu wawomvizye icilanjililo ca kutwavwa ukumanya vino Yehova akayivwa nga cakuti wumwi walapila. Wazyani Luka 15:1-7, nu kulanzyanya lyo-o iwuzyo:
-
Uzye co-o cikutusambilizya cani pe Yehova?
Wazyani Ezekiel 33:11, nu kulanzyanya lyo-o iwuzyo:
-
Acintu ci icicindame cino tufwile ukucita pakulanjizya ukuti tulapizile?
E Yehova akasakamala ing’onzi zyakwe wulyanye vino kacema akacita
WAMWI WAKATI: “Nkatina ukuti ndiwingwa nga niza nanena waeluda pa luwembu luno nacita.”
-
Uzye unganena wuli wino akuyivwa wo-o?
IVISINKA VIKULU
Nga cakuti twacita uluwembu, nomba twalapila swinya tusakulonda nukunyocezyapo cino twacisile, e Yehova angatutetela.
Avyani Vino Wasambilila?
-
Awuzima cino wuno tukazana nga twanena Yehova uluwembu luno tucisile?
-
Avyani vino tuzipizile ukucita pa kuti Yehova atutetele?
-
Nga cakuti twacita uluwembu ulukulu, amulandu ci wuno tuzipizile ukuyila kwa eluda pakuti watwavwe?
MANYILAPO NA VINJI
Lola vino e Yehova walanjizizye umonsi wumwi icikuku cino calandwapo pe Ayizeya 1:18.
Uzye ukuwinga wumwi mwi wungwe, kukakwavwa wuli awa mwi wungwe?
Manya vino ungalondololela wino asa we Nte umulandu wuno wamwi wakawinjilwa.
“Uzye Inte zya kwe Yehova Wakankamba Wano Wapepanga Nawo Kali?” (Icipande ca pa webusayiti)
Sambilila vino umonsi wino wafumile mu cine wayivwanga ukuti e Yehova wamukunzile, mwi lyasi lyakuti “Nazipizile ukunyocela kwe Yehova,”
“Baibolo Ikapilula Awantu” (Ulupungu lwa kwa Kalinda, April 1, 2012)
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
