TLAMACHTILI 57
¿Tlake mitspanos tlaj tijchiuas se ueyi tlajtlakoli?
Maske tlauel tikiknelia Jehová uan amo tijneki tijyolkokos, kemantika uelis timokuapolos. Maske nochi timokuapolouaj, sekij tlajtlakoli eli tlauel amo kuali (1 Corintios 6:9, 10). Tlaj tijchiuaskia se ueyi tlajtlakoli, xikilnamiki Jehová nojua mitsiknelis, kinekis mitspaleuis uan mitstlapojpoljuis.
1. ¿Tlake moneki tijchiuasej tlaj tijnekij Jehová ma techtlapojpoljui?
Kema se akajya katli kiiknelia Jehová kichiua se ueyi tlajtlakoli, tlauel mokuesoua. Katli kiampa kipano, Jehová kiyolchikaua ika tlen kiniljuik itekipanojkauaj: “[Maske] tlauel miak inmotlajtlakoljuaj hasta nesi chichiltik, na nijchiuas ma eli chipauak keja nextli” (Isaías 1:18). Tlaj timoyolkuepaj ika nochi toyolo, Jehová techtlapojpoljuis. ¿Tlake kiijtosneki timoyolkuepasej? Kiijtosneki kema tlauel techyolkokoua tlen tijchijkej, kema ayokmo tijchiuaj nopa tlamantli uan kema tikiljuiaj Jehová ma techtlapojpoljui. Uajka moneki tijchiuasej kampeka tijpatlasej tlen timoiljuiaj uan ayokmo tijchiuasej tlen kichijki ma titlajtlakolchiuakaj. Uan nojua tijchiuasej kampeka tijneltokasej Jehová itlanauatiljuaj (xijpoua Isaías 55:6, 7).
2. Tlaj tijchiuasej se tlajtlakoli, ¿kenijkatsa Jehová uelis techpaleuis ika ueuejtlakamej?
Kema se akajya tlajtlakolchiua, Jehová kiiljuia: “Ma kinnotsakaj nopa ueuejtlakamej tlen tlayakanaj” (xijpoua Santiago 5:14, 15). Ueuejtlakamej elij toikniuaj katli Jehová kintlapejpenijtok ika itonal, katli kiikneliaj toTeotsij uan nojkia toikniuaj. Inijuantij uelis techpaleuisej sampa kuali ma timouampojchiuakaj iuaya Jehová (Gálatas 6:1).
¿Kenijkatsa techpaleuisej ueuejtlakamej tlaj tijchiuasej se ueyi tlajtlakoli? Uelis omej o eyij ueuejtlakamej monechikosej touaya uan technextilisej se keski textos tlen techpaleuis ma tikitakaj kenke amo kuali tlen tijchijkej. Nojkia techyolchikauasej uan techiljuisej tlake moneki tijchiuasej uan kiampa ayokmo titlajtlakolchiuasej. Uelis techiljuisej ayokmo tijchiuasej se keski tlamantli ipan tlanechikoli, uan kema sampa kuali timouikasej iuaya Jehová, uelis sampa tijchiuasej nopa tekitl. Tlaj se akajya tlajtlakolchiua uan amo moyolkuepa, ueuejtlakamej kikixtiaj tlen tlanechikoli uan kiampa sekinok toikniuaj amo kichiuasej kej ya.
KUALI XIMOMACHTI
Xikita kenijkatsa Jehová techpaleuia kema tijchiuaj se ueyi tlajtlakoli uan xijpatiita tlen kichiua.
3. Uelis sampa kuali timouikasej iuaya Jehová tlaj tikijtosej tlen tijchijkej
Jehová tlauel moyolkokoua kema tijchiuaj se tlajtlakoli, yeka moneki ma tikiljuikaj tlen tijchijkej. Xijpouakaj Salmo 32:1-5 uan xijnankilikaj ni tlajtlanili:
-
¿Kenke moneki tikiljuisej Jehová kema titlajtlakolchiuaj uan amo tijtlatisej tlen tijchijkej?
Amo san moneki tikiljuisej Jehová tlen tijchijkej, nojkia kuali tijyolmatisej tlaj tikiniljuisej ueuejtlakamej ma techpaleuikaj. Xikitakaj nopa VIDEO uan xijnankilikaj ni tlajtlanili:
-
¿Kenijkatsa ueuejtlakamej kipaleuijkej Canon sampa ma mouampojchiua iuaya Jehová?
Moneki tikiniljuisej ueuejtlakamej tlen nelnelia panok uan nochi tlen tijchijkej pampa inijuantij kinekij techpaleuisej. Xijpouakaj Santiago 5:16 uan xijnankilikaj ni tlajtlanili:
-
¿Timoiljuia ueuejtlakamej nima uelis techpaleuisej tlaj tikiniljuisej nochi tlen tijchijkej? ¿Kenke kiampa timoiljuia?
Xikijto tlake tlajtlakoli tijchijki, xikiniljui ueuejtlakamej nochi tlen tijchijki uan xijkaua Jehová ma mitspaleui.
4. ¿Kenijkatsa techpaleuia kema se akajya kikixtiaj tlen tlanechikoli?
Tlaj se akajya katli tlajtlakolchiua ayokmo kineki kichiuas tlen Jehová tlanauatia, ayokmo elis se tlen Jehová itlajtoltemakauaj uan kikixtiaj tlen tlanechikoli. Yeka, ayokmo timouikaj yon timokamanaljuiaj iuaya. Xijpouakaj 1 Corintios 5:6, 11 uan 2 Juan 9-11 uan xijnankilikaj ni tlajtlanili:
-
Sanse kej nopa tlasonejkayotl kichiua nopa pantsi ma mosoneua. ¿Tlake ueliskia kinpanos toikniuaj tlaj nojua timouikasej iuaya se akajya katli tlajtlakolchijki uan amo moyolkuepa?
Miakej katli kinkixtijkej tlen tlanechikoli, nama sampa kitekipanouaj Jehová. ¿Kenke tlakuepilijkej? Maske uelis kinyolkokok kema kinkixtijkej, nopa kinpaleuik ma kiitakaj amo kuali tlen kichijkej (Salmo 141:5). Xikitakaj nopa VIDEO uan xijnankilikaj ni tlajtlanili:
-
¿Kenijkatsa kipaleuik Sonia kema kikixtijkej tlen tlanechikoli?
¿Kenke kema se akajya kikixtiaj tlen tlanechikoli...
-
... kiuejkapantlalia Jehová itoka?
-
... kinextia Jehová kichiua tlen xitlauak uan techiknelia?
5. Jehová techtlapojpoljuia tlaj timoyolkuepaj
Tlen Jesús kiijtok techpaleuia ma tijkuamachilikaj kenijkatsa kiyolmati Jehová kema se akajya moyolkuepa. Xijpouakaj Lucas 15:1-7 uan xijnankilikaj ni tlajtlanili:
-
¿Kenke tlen Jesús kiijtok techpaleuia ma tikitakaj kenijkatsa eli Jehová?
Xijpouakaj Ezequiel 33:11 uan xijnankilikaj ni tlajtlanili:
-
¿Tlake moneki tijchiuasej uan kiampa tijnextisej nelia timoyolkueptokej?
Jehová eli kejuak se tlapialmokuitlauijketl pampa tlauel kiniknelia itekipanojkauaj.
TLEN SEKINOK KIIJTOUAJ: “Amo nijneki nikiniljuis ueuejtlakamej tlen nijchijki pampa nechkixtisej tlen tlanechikoli”.
-
Tlaj se akajya kiampa mitsiljuis, ¿tlake tikiljuiskia?
TLEN TIMOMACHTIJKEJ
Tlaj tijchiuasej se ueyi tlajtlakoli uan timoyolkuepasej ika nochi toyolo uan timosentlalisej ayokmo tijchiuasej nopa tlamantli, Jehová techtlapojpoljuis.
¿Tlake tijyekok?
-
¿Kenke tlauel techpaleuis tlaj tikiljuisej Jehová tlen tijchijkej?
-
¿Tlake moneki tijchiuasej tlaj tijnekij Jehová ma techtlapojpoljui?
-
Tlaj tijchiuasej se ueyi tlajtlakoli, ¿kenke moneki tikiniljuisej ueuejtlakamej ma techpaleuikaj?
NOJKIA XIKITA NI
Xikita kenijkatsa se tlakatl kiitak Jehová tlauel tetlasojtla kej kiijtoua Isaías 1:18.
¿Kenijkatsa tlapaleuia kema se akajya kikixtiaj tlen tlanechikoli?
“Kinextiaj kiikneliaj se akajya kema kikixtiaj tlen tlanechikoli” (Tlen Tematiltia, tlamachtili)
Xikita kenijkatsa uelis tikixtomilis se maseuali kenke kemantika kinkixtiaj se akajya tlen tlanechikoli.
Ipan nopa tlamachtili “Nikitak sampa monekiyaya nijtekipanos Jehová”, xikita kenke se tlakatl kimatki Jehová sampa kinekiyaya ma kitekipano.
“Biblia kinpaleuik kuali ma monejnemiltikaj” (Tlen Tematiltia, abril 1, 2012)
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
