TAMACHTILIS 57
¿Toni moneki nikchiuas komo nitajtakolchiuaskia?
Maski tejuatsin semi tikontasojta Jiova uan tikonchiua nochi tein moneki para amo tikonyolxokolis, kemansa tionmopolos. Sayoj ke, seki tajtakolmej okachi uejueykej ke oksekin (1 Corintios 6:9, 10). Komo tejuatsin tikonchiua se ueyi tajtakol, amo xikonnemili ke Jiova amo mitsontasojtasok, yejuatsin mitsontapojpoluis uan mitsonpaleuis.
1. ¿Toni moneki tikchiuaskej para maj Jiova techtapojpolui?
Keman aksa akin kitasojta Jiova kichiua se ueyi tajtakol semi motayokoltia. Sayoj ke Jiova kiyolseuia ika nejin tein kiniluij itekitikauan: “Maski nanmotajtakoluan yeskij chichiltikej, mochiuaskej istakej kemej sekti” (Isaías 1:18). Komo timoyolnonotsaj oso timoyolnemiliaj ika tein tikchiujkej, Jiova senkis techtapojpoluia. ¿Uan toni kijtosneki se moyolnonotsas? Kijtosneki ke teyolkokoua tajtakol tein tikchiujkej, amo tikchiuajok tein amo kuali uan tiktajtaniaj Jiova maj techtapojpolui. Ompa, tikpataj tein tiknemiliaj oso tein kichiuak maj titajtakokan uan timochikauaj tiktakamatiskej itanauatiluan Jiova (xikonita Isaías 55:6, 7).
2. ¿Keniuj Jiova techpaleuia inintechkopa tayekananij komo tikchiuaj se tajtakol?
Akin kichiua se ueyi tajtakol Jiova kiyolmajxitia nejin: “Maj kinnotsa tayekananij itech nechikol” (xikonita Santiago 5:14, 15, TNM). Nejin takamej akin kinixpejpenkej ika yektikatsin espíritu, kitasojtaj Jiova uan iichkauan, yejuan uelis techpaleuiskej maj oksepa kuali timouikakan iuan Jiova (Gálatas 6:1).
¿Keniuj techpaleuiaj tayekananij komo tikchiuaj se ueyi tajtakol? Ome oso eyi nejin tokniuan techiluiskej ika Biblia ke amo kuali tein tikchiujkej. No techyolmajxitiskej uan techyolchikauaskej para maj amo oksepa titajtakokan. Xa techiluiskej ke se tiempo amo uelis tikchiuaskej seki taman itech nechikol hasta maj oksepa kuali timouikakan iuan Jiova. Komo aksa akin kichiuak se ueyi tajtakol amo moyolnonotsa oso moyolnemilia, tayekananij kikalankixtiskej itech nechikol, ijkon amo kinijtakos okseki tokniuan.
MAJ OKACHI TIMOMACHTIKAN
Xionmomachti keniuj Jiova techpaleuia komo tikchiuaj se ueyi tajtakol uan xikonpatiuita.
3. Komo tikijtouaj tein tikchiujkej, oksepa kuali timouikaskej iuan Jiova
Jiova kiyolkokoua tein yeski tajtakol tein tikchiuaskej, yejua ika moneki tikiluiskej tein amo kuali tein tikchiujkej. Xikitakan Salmo 32:1-5 uan ika xitajtokan nejin:
-
¿Keyej moneki tikiluiskej Jiova tajtakol tein tikchiujkej uan amo tiktemoskej tiktatiskej?
Okachi kuali timomachiliskej komo amo sayoj tikiluiaj Jiova tajtakol tein tikchiujkej, ta no tikiniluiaj tayekananij maj techpaleuikan. Xikitakan VIDEO uan ika xitajtokan nejin:
-
Ijkon kemej nesi itech video, ¿keniuj tayekananij kipaleuijkej Canon maj mokepa iuan Jiova?
Semi moneki maj amo teyi tikintatilikan tayekananij uan maj tikiniluikan tein yekmelauj tikchiujkej porin yejuan kinekij techpaleuiskej. Xikitakan Santiago 5:16 uan ika xitajtokan nejin:
-
¿Keyej komo tikijtouaj tein yekmelauj tikchiujkej okachi amo ouij kinkisas tayekananij techpaleuiskej?
Xikonijto nochi tajtakol tein tikonchiuak, amo teyi xikontatili tayekananij uan xikonseli nepaleuil tein Jiova temaka.
4. Keman aksa kikalankixtiaj itech nechikol techpaleuia tinochin
Komo aksa kichiuak se ueyi tajtakol uan amo kineki kitakamatis tein Jiova tanauatia amo uelis pouisok itech nechikol. Yejua ika moneki kikalankixtiskej. Ompa, amo timouikajok iuan uan hasta amo tiknojnotsajok. Xikitakan 1 Corintios 5:6, 11 uan 2 Juan 9-11, uan ika xitajtokan nejin:
-
Ijkon kemej tein kixokoltia nochi harina tein ika kichijchiuaj pan, ¿kijtakoskia nechikol komo timouikaj iuan aksa akin amo kiyolkokoua tajtakol tein kichiuak? ¿Keyej?
Miakej akin kinkalankixtijkaj itech nechikol oksepa mokepkej, ¿keyej? Porin maski kinyolkokoj, kinpaleuij maj kiitakan ke amo kuali tein kichiujkej (Salmo 141:5). Xikitakan VIDEO uan ika xitajtokan nejin:
-
¿Keniuj kipaleuij Sonia maj kikalankixtianij itech nechikol?
¿Keniuj keman aksa kikalankixtiaj...
-
... tapaleuia maj mochipaua itokay Jiova?
-
... kinextia ke taixejekol tein Jiova kichiua uan ke techtasojta?
5. Jiova techtapojpoluia komo techyolkokoua tein tikchiujkej
Jesús ika tajtoj se taman tein techpaleuia maj tikmatikan keniuj momachilia Jiova keman aksa kiyolkokoua tein kichiuak. Xikitakan Lucas 15:1-7 uan ika xitajtokan nejin:
-
¿Toni techmachtia kemej tamati Jiova tein moijtoua itech nejin textos?
Xikitakan Ezequiel 33:11 uan ika xitajtokan nejin:
-
¿Toni moneki tikchiuaskej para tiknextiskej ke techyolkokoua tein tikchiujkej?
Jiova kemej se ichkatajpixkej porin semi ininka motekipachoua iichkauan.
TEIN SEKIN KIJTOUAJ: “Amo nikneki nikiniluis tayekananij tein nikchiuak porin nimoui maj nechkalankixtikan itech nechikol”.
-
¿Toni tikoniluiskia aksa akin ijkon tanemilia?
TEIN TIKITAKEJ
Komo tikchiujkej se ueyi tajtakol sayoj ke timoyolnonotsaj uan amo tikchiuajok, Jiova techtapojpoluis.
Maj tikelnamikikan
-
¿Keyej moneki tikiluiskej Jiova totajtakoluan?
-
¿Toni moneki tikchiuaskej para Jiova techtapojpoluis totajtakoluan?
-
Komo tikchiujkej se ueyi tajtakol, ¿keyej moneki maj tikintemokan tayekananij?
NO XIKONITA NEJIN
Xikonita keniuj Jiova kiiknelij se takat ijkon kemej kijtoua Isaías 1:18.
¿Keniuj tapaleuia keman aksa kikalankixtiaj itech nechikol?
Xikonita keniuj tikonmelauilis aksa akin amo itaixpantijkauj Jiova keyej kikalankixtiaj aksa itech nechikol.
Xikonita kampa techtapouiaj ininnemilis “Necesitaba volver a Jehová” keniuj se takat kimachilij ke Jiova kichiujtoya maj oksepa mokepa inechikol.
“La Biblia les cambió la vida” (La Atalaya, 1 de abril de 2012)
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
