KAPITEL 57
Un wen’s duu ain groot süün måke däist?
Duu däist Jehovaa sër lijbe un wilst nischt måke wat em traurig löt. Lijkerst soo, hen un wen mökst duu wat forkërd. Wek süün sin grööter as dai andrer. (1 Coríntios 6:9 un 10) Wen’s duu ain groot süün måke däist, duu kast dij sicher sin dat Jehovaa dij nog lijbe däit. Hai wil dij helpe un forgeewe.
1. Wat muite wij måke dat Jehovaa oos forgeewe däit?
Dai wat Jehovaa lijbe däit, wart sër traurig wen dai ain groot süün måkt hät. Åwer, dat wat Jehovaa tau sijm folk sägt hät is sër wat gaures: “Nog dat juuch süün swartrood sin, dai ware wit måkt soo’s neebel.” (Isaías 1:18) Jehovaa däit gans un går der mësche forgeewe wat sich wirklig lëd däit fone süün. Wat kan air måke taum wijse dat dai sich lëd daue däit? Anhule måke wat forkërd is un tau Jehovaa afbire taum forgeewt ware. Den, sich anstrenge taum dai gewoonhët un gedanke besijdlåte wat der mësche henlenkt häwe taum dai süün måke. Un sij best måke taum werer leewe nå dat wat Jehovaa sägt richtig is. (Lees Isaías 55:6 un 7)
2. Wosoo däit Jehovaa doir dai ülster oos helpe wen wij ain süün måke?
Wen wij ain süün måke, Jehovaa sägt oos taum “dai ülster fone gemaind raupe”. (Lees Tiago 5:14 un 15) Dai ülster daue Jehovaa un em sij folk lijbe. Doir dat kenen fone Bijbel daue dai ülster oos helpe werer tröögkåme na Jehovaa un aine starke ümgang mit em häwe. (Gálatas 6:1)
Wosoo helpe dai ülster oos wen wij süün måke daue? Twai urer drai ülster daue oos wijse ine Bijbel woweegen as dat forkërd is wat wij måkt häwe. Sai daue uk formånen geewe wat oos helpe ni werer süün måke. Kan sin dat sai maine is beeter dat wij ni mithelpe daue ine gemaind up ain tijd lang bet wij werer aine starke gloobe häwe. Åwer, wen air ain groot süün mökt un däit sich ni lëd dårfon? Den, taum dai gemaind behüüte, dai ülster daue der fone gemaind ruuterschike.
DAU MËR LËRE
Dau saie wosoo Jehovaa oos helpe kan wen wij ain groot süün måke.
3. Is gaud wen wij dai süün ni forsteeke
Wen wij süün måke, låte wij Jehovaa traurig. Dårweegen muite wij tau em säge wat wij forkërd måkt häwe. Leest Salmo 32:1 bet 5. Nåheer fortelt oiwer dai fråg hijr uuner:
-
Woweegen is beeter oos süün tau Jehovaa säge as dai forsteeke wile?
Un uk, nådem dat wij oos süün tau Jehovaa sägt häwe, wij daue oos beeter befijne wen wij dai ülster hülp forlange. Kijkt der VIDEO. Nåheer fortelt oiwer dai fråg hijr uuner:
-
In dem video, wosoo häwe dai ülster der braurer hulpe na Jehovaa tröögkåme?
Dai ülster wile oos helpe, dårweegen döre wij nischt in forsteek tau eer låte. Leest Tiago 5:16. Nåheer fortelt oiwer dai fråg hijr uuner:
-
Woweegen is dat lichter tau dai ülster oos helpe wen wij nischt in forsteek tau eer låte?
Dau dijn süün ni forsteeke, wäs reäl mit dai ülster un dau dai lijb hülp fon Jehovaa anneeme
4. Der mësche ruuterschike fone gemaind is ain hülp fon Jehovaa
Wen air mësch ain groot süün mökt un däit ni anneeme måke wat Jehovaa sägt richtig is, dai kan ni mër tauhööre tau dai gemaind. Dës mësch wart ruuterschikt fone gemaind un wij daue ni mër mit dem fortele un kaine ümgang häwe. Leest 1 Coríntios 5:6, 11 un 2 João 9 bet 11. Nåheer fortelt oiwer dai fråg hijr uuner:
-
Dai gans daig däit upgåe weegen dem suurdaig. Wosoo ümgang mit aim häwe wat sich ni lëd däit fone süün kan dai gans gemaind angåe?
Feel wat ruuterschikt woore sin fone gemaind sin spåre hen werer tröögkåme. Woweegen? Weegen lijkerst dat sai stram formånt woore sin, dat hät eer hulpe sich lëd daue. (Salmo 141:5) Kijkt der VIDEO. Nåheer fortelt oiwer dai fråg hijr uuner:
-
In dem video, wosoo hät Sônia dat hulpe dat sai ruuterschikt woore is fone gemaind?
Wen air ruuterschikt wart, wosoo . . .
-
ërt dat Jehovaa sijne nåme?
-
wijst dat dat Jehovaa gerecht un lijblig is?
5. Wen wij oos lëd daue fone süün Jehovaa däit oos forgeewe
Jësus hät ain geschicht fortelt wat helpt oos forståe wosoo as Jehovaa sich befijne däit wen air mësch sich fone süün lëd daue däit. Leest Lucas 15:1 bet 7. Nåheer fortelt oiwer dai fråg hijr uuner:
-
Wat lëre wij fon dëse sprüüch oiwer Jehovaa?
Leest Ezequiel 33:11. Nåheer fortelt oiwer dai fråg hijr uuner:
-
Wat muite wij måke taum wijse dat wij oos wirklig lëd dåe häwe fone süün?
Soo as air wat schåp uppasst, Jehovaa bekümert sich sër mit sijm folk wat soo as schåp sin
WEK DAUE SOO SÄGE: “Wen ik tau dai ülster säge dau wat ik måkt häw, dai daue mij fone gemaind ruuterschike.”
-
Wat däist duu säge tau aim wat sich soo befijne däit?
WAT HÄWE WIJ HIJR LËRT?
Wen wij ain süün måke, Jehovaa kan oos forgeewe. Åwer, dårtau, muite wij oos gans un går lëd daue fon dai süün un oos anstrenge taum ni mër måke wat forkërd is.
Denk dij ais nå
-
Woweegen is gaud oos süün tau Jehovaa säge?
-
Wat muite wij måke dat oos süün forgeewt ware kan?
-
Woweegen muite wij tau dai ülster hülp forlange wen wij ain groot süün måke?
TAUM MËR WAITE
Dau saie wosoo air kërl Jehovaa sijn barmhärtsigkët fornåme hät soo as stäit in Isaías 1:18.
Wosoo is dat ain hülp tau ale wen air fone gemaind ruuterschikt wart?
“Aim fone gemaind ruuterschike wijst lijb. Woweegen?” (Wat Bekandmökt, 15 april 2015)
Dau saie wosoo uutdüüre taum aim wat ni Tüüge fon Jehovaa is woweegen dat air ruuterschikt wart fone gemaind.
Lees dai geschicht “Ik müst tröögkåme na Jehovaa” taum saie wosoo air kërl wat sich aflenkt har fone wårhët fornåme hät dat Jehovaa em werer tröög raupe har.
“Dai Bijbel mökt dat leewend aners” (Wat Bekandmökt, 1 april 2012)
Kan sin dat dit dij uk gefale däit
MËSTE FRÅGEN
Wosoo kan man dai Bijbel lëre mit Jehovaas Tüügen?
Duu kast dijn aigen Bijbel benutse taum dai Bijbel lëre mit Jehovaas Tüügen.Duu kast dijn gans familg urer dijn fründe nööge taum dai Bijbel lëre t’hoop mit dij.
