CHILAYIJO 57
Zunowini Ungota Chibi Chikulwana?
Kojoba unda Jehova akale ukweja zwose zwawungate kuti ute zunonshantisa koga umwe unshaji unosolundula. Koga zumwe zubi zukulwana kupinda zumwe. (1 BaKolinte 6:9, 10) Kana wata chibi chikulwana kumbulukwa kuti Jehova uchinokuda akale ulozupila kukulekelela nokukubhancha.
1. Tokwelela kutani kuti tilekelelwe naJehova?
Banhu banoda Jehova banozusola bangota chibi chikulwana. Koga banowana lunyalalo nozwakalebwa naJehova kubanhu babe eti: “Kojoba zubi zwenu zuli zushaba pilibili, zunooba zuchena sechivulamabwe.” (Izaya 1:18) Tingoshanduka zwechokomende Jehova unotilekelela. Toshanduka chini? Tokwelela kuzusola, tisikoleka kuta zunu zubi akale tikumbile Jehova kuti etilekelele. Tisiko shinga nesimba kuti tichinche kuyeya kwedu kubi nozuto zwakata kuti tite chibi akale tikweje kulalama mawililano nozumiso zwaJehova zubhodo.—Balani Izaya 55:6, 7.
2. Jehova unoshingisa chini bakulwana kuti betibhanche patinobata chibi?
Jehova unotibuja kuti kana unhu ata chibi chikulwana “ngeshobe bakulwana begubungano.” (Balani Jemusi 5:14, 15.) Banhulume yaba baloponchwa banoda Jehova nemwizi jije. Jehova unobalayija inzila yabanokwelela kushingisa kuti betibhanche kubwilila kuna iye.—BaGalatiya 6:1.
Bakulwana banotibhancha chini tingota chibi chikulwana? Bakulwana babili kana kuti batatu bangatilaya beshingisa iBhayibhili. Banotikutayija nokubuja zokuta kuti tisipamulule chibi. Banotubula kutimisa mishingo yatakabeta mugubungano kuswika tasima pokunamata. Kana unhu esinoshanduka bakulwana banombisa mugubungano kutila kuti betabilije igubungano.
FUNDA ZUNJI
Bona inzila Jehova yaanoshingisa kuti etibhanche kana tata chibi chikulwana.
3. Kuzufija kunobhancha kuti tisishushikane
Pose patinota chibi tobechinyila Jehova akale tokwelela kuzufija kuna iye. Balani Lwimbo 32:1-5, akale kwejisani nombuzo yoyu:
-
Neni zuli zubuya kuzufija zubi zwedu kuna Jehova panokuti tunsisile?
Tingozufija zubi zwedu kuna Jehova tisikobuja bakulwana kuti betibhanche yozu zunotinyalaja. Yebani iVIDIYO, akale kwejisani nombuzo unotobela.
-
Muvidiyo yeyi, bakulwana bakombhancha chini Canon kuti ebuye kuna Jehova?
Tokwelela kubuja bakulwana ichokomende tisinobasisila nokuti banoda kutibhancha. Balani Jemusi 5:16, akale kwejisani nombuzo yoyu:
-
Kunobhancha chini kubuja bakulwana ichokomende kana beda kuti bhancha?
Zufije nozubi zuzo, buja bakulwana ichokomende akale tambula lubhancho lunova kuna Jehova
4. Kubhisa unhu mugubungano kunobhancha
Kana unhu angota chibi chikulwana esikolamba kulalama nozumiso zwaJehova unobhiswa mugubungano. Unhu angobhiswa mugubungano atitolyijana naye akale atitolebeleka naye. Balani 1 BaKolinte 5:6, 11 na2 Johani 9-11, akale kwejisani nombuzo yoyu:
-
Kuba nobukwayina nonhu usinoda kuchincha inzila jije kunopambanisa chini igubungano sozunota imbiliso muchinkwa?
Banji bakababhiswa mugubungano bakapejeleja bebuya pezhulu pokuti chilango chabakawana chakata kuti bebone kuti zwabakabata zwakabeli zubi kojoba chakabelwaja. (Lwimbo 141:5) Yebani iVIDIYO, akale kwejisani nombuzo unotobela.
-
Muvidiyo yeyi, kubhiswa kwakatiwa Sonja kwakombhancha chini?
Kubhiswa konhu kunota chini kuti . . .
-
izina lyaJehova likujwe?
-
kutondejele kuti Jehova unowhisisisa akale unaludo?
5. Jehova unotilekelela tingoshanduka
Jesu wakashingisa unkwejaniso unotibhancha kuwhisisa kuti Jehova unowha chini kana unhu ashanduka. Balani Luka 15:1-7, akale kwejisani nombuzo yoyu:
-
Yozu zunokulayijani nozwaJehova?
Balani Ezekiyeli 33:11, akale kwejisani nombuzo yoyu:
-
Ngaapi matano unhu aanokwelela kutola anotondeja kuti washanduka zwechokomende?
Soyembeli Jehova unobabayilila imwizi jije
BAMWE BANOTI: “Ndimutya kubuja bakulwana chibi chandakata nokuti bachandibhisa mugubungano.”
-
Ungobhancha chini unhu unakuyeya kwakadalo?
INI ZWAWAFUNDA
Tingota chibi cshanduka zwechokomende Jehova unotilekelela. Toshanduka chini? Tokwelela kuzusola, tisikoleka kuta zunu zubi akale tikumbile Jehova kuti etilekelele. Tisiko shinga nesimba kuti tichinche kuyeya kwedu kubi nozuto zwakata kuti tite chibi akale tikweje kulalama mawililano nozumiso zwaJehova zubhodo.
Kubwilulula
-
Neni zuli zubhodo kuti tizufije kuna Jehova?
-
Tokwelela kutani kuti zubi zwedu zulekelelwe?
-
Tingota chibi chikulwana neni tikwelela kupota lubhancho kubakulwana?
PAMIJA PANA ZWAWAWANA
Bona kuti umwe nhulume wakabona chini ishe jaJehova pana Izaya 1:18.
Unhu angobhiswa mugubungano zunobhancha chini?
“Kungani Ukususa Ebandleni Kuyisenzo Esitshengisa Uthando” (INqabayokulinda, April 15, 2015)
Bhawunulila unhu usili unSumikiji kuti neni umwe nshaji unhu ebhiswa mugubungano.
“OFakazi BakaJehova Bayabazonda Yini Abantu Ababengamalunga Enkolo Yabo?” (Inyaya ipo peintaneti)
Munyaya inowi “Ngasengifuna Ukubuyela KuJehova,” bala uwhe kuti umwe unhulume wakabasiya kunamata Jehova wakatani kuti ebwilile kuna iye.
“IBhayibhili Liyamtshintsha Umuntu” (INqabayokulinda, April 1, 2012)
