LEKSION 57
Panon to No Akagawa Kay Seryoson Kasalanan?
Anggano inar-arom si Jehova tan iiwasan mon nasakitan, ompan no maminsan et makagawa kay lingo. Pero, say arum ya kasalanan et mas seryoso. (1 Corinto 6:9, 10) No akagawa kay seryoson kasalanan, tandaan mo ya inaro ka nin siansia nen Jehova. Labay to kan perdonaen tan tulongan.
1. Antoy gawaen tayo pian perdonaen itayo nen Jehova?
No say sakey ya mangaaro ed si Jehova et namoria ton akagaway seryoson kasalanan, naermenan ya maong. Pero, nainawaan ed sayay promisa nen Jehova ed totoo to: “Anggano saray kasalanan yo et ambalbalanga, napaputi iratan a singa niebe.” (Isaias 1:18) No tuan magbabawi tayo, perdonaen itayo nen Jehova. Panon tayon ipanengneng ya magbabawi tayo? Itunda tayo lay mauges ya gagawaen tayo tan mikasi tayo ed si Jehova ya perdonaen to tayo. Insan pansagpotan tayon umanen so aliwan panagnonot o kagagawa tayo ya nanresulta ed impankasalanan tayo. Tan gawaen tayoy anggaay nayarian tayon tumboken iray malinis ya estandarte nen Jehova.—Basaen so Isaias 55:6, 7.
2. Panon ya uusaren nen Jehova iray elder ya ontulong ed sikatayo no akagawa tayoy kasalanan?
No akagawa tayoy seryoson kasalanan, “patawag [tayo] iray mamatatken ed kongregasyon.” (Basaen so Santiago 5:14, 15.) Inaro na saray elder si Jehova tan saray karnero to. Sikaray kualipikadon ontulong pian nipawil so relasyon tayod si Jehova.—Galacia 6:1.
Panon da tayon tulongan no akagawa tayoy seryoson kasalanan? Usaren na duara o taloran elder so Biblia pian ipetek itayo. Ikdan da tayo met na praktikal iran suhestion tan panamabiskeg pian agtayo la naulit imay aliwan ginawa tayo. Ompan mandesisyon ira ya agtayo ni mibiang ed arum ya gagawaen diad kongregasyon anggad agtayo ni apapawil so mabiskeg ya relasyon tayo ed si Jehova. Pian naprotektaan so kongregasyon ed makapuy ya impluensya, dispeloen na saray elder so siopaman ya akagaway seryoson kasalanan tan agmagbabawi.
DAKEL NI NAARALAN MO
Aralen no panon tayo nin mas naapresya so tulong nen Jehova no makagawa tayoy seryoson kasalanan.
3. No ipatua tayoy kasalanan tayo, nainawaan tayo
No akagawa tayoy kasalanan, nasakitan si Jehova. Kanian duga labat ya ipatua tayo itan ed sikato. Basaen so Salmo 32:1-5, insan ebatan iya:
-
Akin et ipatua tayo ray kasalanan tayod si Jehova imbes ya iyamot?
Agtayo labat ipatua iray kasalanan tayo ed si Jehova, kerewen tayo met so tulong na saray elder pian nainawaan tayo. I-play so VIDEO, insan ebatan iya.
-
Diad video, panon ya tinulongan na saray elder si Canon pian makapawil ed si Jehova?
Kailangan ya matua tayo ed saray elder tan anggapoy iyaamot tayo ed sikara. Wadtan iran ontulong ed sikatayo. Basaen so Santiago 5:16, insan ebatan iya:
-
Akin et agnairapan iray elder ya ontulong ed sikatayo no matua tayo?
Ipatuam so kasalanan mo, agmo iyaamot ed saray elder, tan awat moy maaron tulong nen Jehova
4. No panon ya makatulong so panag-disfellowship
No say sakey et akagawa na seryoson kasalanan tan agto la labay ya unoren iray estandarte nen Jehova, agla nayarin magmaliw ya kabiangan na kongregasyon. Sikatoy nadisfellowship. Kanian agti la piulopan tan anggan pitongtongan. Basaen so 1 Corinto 5:6, 11 tan 2 Juan 9-11, insan ebatan iya:
-
Singa say lebadura odino pampaalsa ya palebagen toy masa na tinapay, antoy epekto ed kongregasyon na piulop ed agmagbabawin nankasalanan?
Dakel so adisfellowship ya pinmawil ed kongregasyon. Akin ey? Anggano ansakit so disiplina, akatulong itan pian na-realize da so aliwan ginawa ra. (Salmo 141:5) I-play so VIDEO, insan ebatan iya.
-
Diad video, panon ya akatulong ed si Sonja so panag-disfellowship?
Panon ya say uksoyan ya panag-disfellowship et . . .
-
mamagalang ed si Jehova?
-
mangipanengneng ya patas tan maaro si Jehova?
5. Perdonaen itayo nen Jehova no magbabawi tayo
Angusar si Jesus na ilustrasyon pian ipaamta so nalilikna nen Jehova no say sakey et magbabawi. Basaen so Lucas 15:1-7, insan ebatan iya:
-
Antoy naaralan tayo ed saya tungkol ed si Jehova?
Basaen so Ezequiel 33:11, insan ebatan iya:
-
Antoy importantin gawaen na sakey pian nipanengneng to ya talagan magbabawi?
Si Jehova et singa sakey ya pastol ya maar-aro ed saray karnero to
IBABAGA NA ARUM: “Antakot kon ibagad saray elder may agawa, ompan nadisfellowship ak.”
-
Antoy ibagam ed sikato ey?
SUMARYO
No akagawa tayoy seryoson kasalanan balet talagan magbabawi tayo tan mansagpot tayon agla itan uliten, perdonaen itayo nen Jehova.
Rebyu
-
Akin et ipatua tayo ray kasalanan tayo ed si Jehova?
-
Antoy gawaen tayo pian naperdona iray kasalanan tayo?
-
No akagawa tayoy seryoson kasalanan, akin et patulongan tayo ed saray elder?
DISKOBRIEN
Nengnengen no panon ya alikna na sakey a laki imay ibabaga na Isaias 1:18 ya panangasi nen Jehova.
Akin et parad pankaabigan na amin so uksoyan ya panag-disfellowship?
“No Akin ya Maaron Uksoyan so Pandispelo” (Say Panag-bantayan, Abril 15, 2015)
Amtaen no panon mon ipaliwawa so panag-disfellowship ed sakey ya aliwan Tasi.
Diad istorya ya say title to et “Kaukolan Koy Ompawil ed si Jehova,” amtaen no akin ya say pakalikna na sakey a laki ya inmarawi ed katuaan et sikatoy inyasingger nen Jehova.
“Uumanen na Biblia so Bilay” (Say Panag-bantayan, Abril–Hunyo 2012)
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
