57. KAPITEL
Waut, wan du eene groote Sind bejeist?
Wan du Jehova uk sea leefst un proofst, kjeenmol waut to doonen, waut am wee deit, woascht du doch mol Fäla moaken. Oba eenje Sinden sent iernsta aus aundre (1. Korinta 6:9-10). Wan du uk eene iernste Sind bejeist, dan hool em Denkj, daut Jehova nich oppjehieet haft die to leewen un wellens es, die to vejäwen un to halpen.
1. Waut mott wie doonen, daut Jehova ons vejäwen woat?
Soone, waut Jehova leewen, sent grulich sea truarich, wan dee daut kloa woat, daut see eene groote Sind begonen haben. Oba waut Jehova sien Volkj vesprakjt, kaun dee Troost jäwen. Hee sajcht: “Uk wan june Sinden dunkelroot sent, kjennen dee Schnee witt woaren” (Jesaja 1:18). Wan ons daut opp iernst leet es, dan woat Jehova ons aules vejäwen. Woo wies wie daut, daut ons daut leet es? Wan wie met daut schlajchte opphieren un Jehova om Vejäwunk prachren. Un wie woaren dan uk doafäa oppkomen, daut wie nich orreine Jedanken fieren un de Jewanheiten endren, waut ons bat de Sind brochten. Wie woaren uk proowen soo to läwen, aus Jehova daut fa rajcht talt (läs Jesaja 55:6-7).
2. Woo halpt Jehova ons derch de Eltestasch, wan wie sindjen?
Wan wäa eene groote Sind begonen haft, dan sajcht Jehova: “Lot de Eltestasch von de Jemeent komen” (läs Jakobus 5:14-15). Dise Eltestasch leewen Jehova un uk siene Schop. Dee kjennen ons halpen, wada met Jehova oppem kloaren to komen (Galata 6:1).
Woo halpen de Eltestasch, wan wäa eene groote Sind begonen haft? Twee ooda dree Eltestasch woaren dänjanjen met de Schreft halpen to seenen, wuarom daut orrajcht wia, waut hee deed. Dee woaren gooden Rot jäwen, daut dee daut nich wada deit. Un daut kaun uk, daut see dänjanjen jewesset aufsajen enne Vesaumlunk to doonen, bat dee wada em jeisteljen bäta auf es. Wan dee eene groote Sind begonen haft un nich een Leetsennen haft, dan woat dee utjeschloten toom de Vesaumlunk beschitzen.
DOLLA UNJASTONEN
Lia, doafäa dankboa to sennen un daut noch bäta to vestonen, woo Jehova ons halpen well, wan wie eene groote Sind begonen haben.
3. Onse Sind bekjanen es ons toom gooden
Emma, wan wie sindjen, es daut jäajen Jehova. Doawäajen mott wie uk am onse Sinden bekjanen. Läst Psalm 32:1-5 un dan got toop dise Froag derch:
-
Wuarom es daut goot, wan wie Jehova onse Sinden bekjanen, enne Städ dee proowen plietsch to hoolen?
Wan wie ieescht Jehova onse Sinden bekjant haben, dan kjenn wie uk de Eltestasch no Help froagen, daut ons daut leichta woat. Kjikjt daut VIDEO un dan got toop de Froag derch, waut hia aunjejäft es.
-
Woo holpen de Eltestasch Canon en daut Video, trigj no Jehova to komen?
Wie sellen de Eltestasch aules opprechtich sajen, wiels dee sent doa toom ons halpen. Läst Jakobus 5:16 un dan got toop dise Froag derch:
-
Wuarom kjennen de Eltestasch ons bäta halpen, wan wie dee opprechtich aules sajen?
Bekjan diene Sind, sie opprechtich to de Eltestasch un nemm Jehova siene leeftolje Help aun
4. Woo de Utschluss halpt
Wan een Mensch eene groote Sind begonen haft un sikj nich well to daut schekjen, waut Jehova velangt, dan kaun dee nich mea Poat von de Vesaumlunk sennen. Dee woat dan utjeschloten un wie haben nuscht mea met dän to doonen un räden uk nich met dän. Läst 1. Korinta 5:6, 11 un 2. Johanes 9-11 un dan got toop dise Froag derch:
-
Waut wudd passieren, wan de Vesaumlunk met eenen Sinda to doonen haud, waut nich omkjieed, soo aus daut Jlikjnis von de Häw en dän Dieech wiest?
Väle, waut mol utjeschloten wieren, sent wada trigj no de Vesaumlunk jekomen. Wuarom? Wiels dee doaderch to Besennunk kjeemen (Psalm 141:5). Kjikjt daut VIDEO un dan got toop de Froag derch, waut hia aunjejäft es.
-
Woo holp de Utschluss Sonja en daut Video?
Wan doa wäa utjeschloten woat, ...
-
woo ieet daut Jehova sienen Nomen?
-
woo wiest daut, daut Jehova jerajcht un uk leeftolich es?
5. Jehova vejeft ons, wan ons daut leet es
Jesus vetald een Jlikjnis, om ons halpen to vestonen, woo Jehova daut jeit, wan wäa een Leetsennen haft. Läst Lukas 15:1-7 un dan got toop dise Froag derch:
-
Waut lieet die dit von Jehova?
Läst Hesekiel 33:11 un dan got toop dise Froag derch:
-
Waut mott eena doonen toom bewiesen, daut eenem daut werkjlich leet es?
Krakjt soo aus een Schophoad es Jehova sea om siene Schop bekjemmat
WAUT EENJE SAJEN: “Ekj hab Angst, daut ekj woa utjeschloten woaren, wan ekj de Eltestasch miene Sind vetal.”
-
Waut wurscht du dänjanjen sajen, waut sikj soo feelt?
KAPITEL TOOPJEFOT
Wan wie eene groote Sind begonen haben un ons daut oba opp iernst leet es un wie ons gaunz eenich sent, daut nich mea to doonen, dan woat Jehova ons vejäwen.
Waut hast du jelieet?
-
Wuarom es daut goot, Jehova onse Sinden to bekjanen?
-
Waut mott wie doonen, daut Jehova onse Sinden woat vejäwen?
-
Wuarom sell wie de Eltestasch no Help froagen, wan wie eene groote Sind jedonen haben?
MEA NOSIEEKJEN
See, woo een Maun Jehova sien Metleet späad, soo aus daut en Jesaja 1:18 sajcht.
Waut fa eenen Nutzen haft de Utschluss?
“Woosoo de Utschluss een Bewies von Leew es” (De Woaktorm, 15. Aprell 2015)
Woo kaust du wäm daut utlajen, waut nich eena von Jehova siene Zeijen es, wuarom daut noch mol eenen Utschluss jeft?
Läs de Jeschicht “Ekj must onbedinjt wada trigj no Jehova komen”, un lia, woo een Maun, waut von de Woarheit aufjekomen wia, met Jehova siene Help wada kunn trigjkomen.
“De Schreft haft äa Läwen veendat” (De Woaktorm, 1. Aprell 2012)
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
