LECCIÓN 57
Keʼe tsuʼen si sncheʼe naa thi anto jiaʼan
Maski suixin anto dethjueʼe Jehová ko asta nuinka sencheʼe para sencheniʼantha Ndo, seʼe nchaʼun ke rutjajintha. Aro jii inchi thi icha jiaʼan ke ncheʼeni (1 Corintios 6:9, 10). Si suixin sencheʼe naa thi anto jiaʼan, dexraxaun ke Jehová tsinthueʼa de sinauntha; jeʼe rinao sinthatjañaʼantha ko tsengijnantha.
1. Keʼe chunda ke sunthuʼuna para ke Jehová sinthatjañaaná
Are naa ni thjueʼe Jehová dajuna cuenta ke juincheʼena naa thi anto jiaʼan ngathexin kun Ndo, anto tadechiina. Aro Jehová ncheʼe ke chrjuin tsunuʼen ixi thi ndache rajnee: “Maski thi jiaʼan juincheʼera xraa jatse escarlata, thjua sithuʼe xraa chrintha” (Isaías 1:18). Si de nguixin ansaana duaná arrepentido, Jehová sinthatjañaaná. Ko keʼe ruchro suani arrepentido. Ke denduaxin ncheniʼini thi juincheʼeni, tatsinthuʼeni de sincheʼeni thi jiaʼan ko sinchetseʼeni ñao Jehová ke sinchetjañeʼeni. Ko anche asta nuinka sincheʼeni de sasengixini thi xraxauni o tatsinthuʼeni de sincheʼeni thi bikauni a juincheʼeni thi jiaʼan, ko asta nuinka sincheʼeni de sithikauni thi thetuʼan Jehová (tsjeʼe Isaías 55:6, 7).
2. Kexrein nchegunda Jehová ni anciano para thengijnaná are nthuʼuna naa thi jiaʼan
Thi ni juincheʼe naa thi anto jiaʼan, Jehová ndachena jiʼi: “Ke sáyee ni ditauʼen nthiʼa congregación” (tsjeʼe Santiago 5:14, 15). Jehová kuincheʼe ni teʼi kunixin nchauʼen, ko jeʼena anto thjueʼena Jehová ko uthuchjunchjeʼen Ndo, ko jeʼena nuʼena kexrein nchao tsengijnanána para ke rukjaná ruxrakjiuʼuná jian Jehová (Gálatas 6:1).
Kexrein thengijnaná ni anciano si chrujan naa thi jiaʼan junthuʼuna. Yuo o nii de ni teʼi tsengijnanána tsinxiná kunixin Biblia unda ixi anto jiaʼan thi junthuʼuna. Kai rundathjunána keʼe sunthuʼuna ko sinthasujinána para ke i rukjaʼaná sunthuʼuna thi jiaʼan. Ko menxun ni anciano rundathjunána ke i chruʼa sunthuʼuna inchi xrá ngai congregación por naa tiempo, asta ke suji sunthena espiritualmente inaa bee. Si naa ni sincheʼe naa thi anto jiaʼan suaʼana arrepentido, ni anciano sinche expulsaana chujni mee para sayakuʼena congregación de thi jiaʼan.
TANGI ICHA
Dekinxin ko dencherenthe thi ncheʼe Jehová para thengijnaná are nthuʼuna naa thi jiaʼan.
3. Si rundachruná thi jiaʼan ke junthuʼuna jiʼi tsengijnaná tsuxruaana espiritualmente
Kexeʼo thi jiaʼan ke sunthuʼuna jiʼi ncheniʼin Jehová, mexinxin chunda ke rundachená Jehová thi jiaʼan ke junthuʼuna. Tsjeʼera Salmo 32:1-5 ko tjaura de jiʼi:
-
Unda ixi icha jian jii ke rundachená Jehová thi jiaʼan ke junthuʼuna ko jiʼa tsemaná.
Tachrjuin tsunuana si rundachená Jehová thi jiaʼan ke junthuʼuna, aro kai tachrjuin tsunuana si rundachená ni anciano ke tsengijnanána. Tsjeʼera VIDEO ko tjaura de jiʼi:
-
Para ke Canon rukjan ngai Jehová, kexrein kuengijna ni anciano.
Anto renthe ke rundachená ni anciano kain thi kuʼen, ixi jeʼena tena yaa para tsengijnanána. Tsjeʼera Santiago 5:16 ko tjaura de jiʼi:
-
A degithikaun ke si rundachruná kain thi kuʼen icha tángiʼa tsunuʼen ni anciano tsengijnanána. Unda.
Dendachro keʼe thi jiaʼan bencheʼe, dekekiʼin ni anciano kain ko dekanchrjanda ke Jehová sekengijna.
4. Expulsión thengijnaná kainá
Si naa ni ncheʼe thi jiaʼan rinauʼa dithikaun thi thetuʼan Jehová, i chruʼa seʼe ngai congregación. Mexinxin duan expulsado. Ko jaʼana i tatuʼaná ni teʼi ko i nichjeʼanána. Tsjeʼera 1 Corintios 5:6, 11 ko 2 Juan 9-11, ko tjaura de jiʼi:
-
Dexraxaun ke si levadura nchegeʼen ngui chue niutja, keʼe dexraxaun ke tsuʼen ngui congregación si tsatuná naa chujni ke juincheʼe thi jiaʼan ko duaʼan arrepentido. Unda.
Tsje ni binthe expulsado ukjana ngai congregación, unda. Ixi, maski kuiina are kuʼena jiʼi, yaa kuengijnana para ke kjan ndakua juincheʼena (Salmo 141:5). Tsjeʼera VIDEO ko tjaura de jiʼi:
-
Ixi guan expulsada, kexrein kuengijna jiʼi Sonia.
Unda ixi expulsión...
-
... nchegangi kexrein diʼin Jehová.
-
... tjago ke Jehová jaan ncheʼe jie̱ ko rinauná.
5. Jehová sinthatjañaaná si suaná arrepentido
Jesús kuekin naa thi thengijnaná thinxiná kexrein tunuʼen Jehová are naa ni ncheʼe thi jiaʼan duana arrepentido. Tsjeʼera Lucas 15:1-7 ko tjaura de jiʼi:
-
Keʼe tjaguaná de Jehová thi kuekin Jesús.
Tsjeʼera Ezequiel 33:11 ko tjaura de jiʼi:
-
Keʼe chunda ke sunthuʼuna para tsjaguná ke denduaxin duaná arrepentido.
Jehová xraa naa xi thingaria kuchjan: anto taxin juachjaun kuthuchjunchjeʼen.
THI XRAXAUN INCHINA: “Xrauna runichjaa ni anciano. Si tsekiana thi juinthaʼa, tasinche expulsaanana”.
-
Keʼe ruendache naa ni xraxaun jaña.
THI KUANGINÁ
Si junthuʼuna naa thi jiaʼan aro duaná arrepentido de nguixin ansaana ko i rinauʼaná sunthuʼuna thi jiaʼan, Jehová sinthatjañaaná.
A xraxaun thi kuangi
-
Unda icha nchao jii ke rundachená Jehová thi jiaʼan ke junthuʼuna.
-
Keʼe chunda ke sunthuʼuna para ke Jehová sinthatjañaaná thi jiaʼan ke junthuʼuna.
-
Si junthuʼuna naa thi jiaʼan, unda anto renthe ke sanchieʼená ni anciano ke tsengijnanána.
THJEE ICHA
Detsjeʼe kexrein kuengijna naa thi xii thi ndachro Isaías 1:18 de ke Jehová thukunuaaná.
Kekaa thi jian thiaʼo expulsión.
“La expulsión: una muestra de amor” (La Atalaya, 15 de abril de 2015)
Detsjeʼe kexrein nchao senchekinxin naa ni jiʼa Testigo unda duani expulsado.
Detsjeʼe kexrein naa thi xii kunuʼen ke Jehová kjan jidayee ngai thi ndua. “Necesitaba volver a Jehová”.
“La Biblia les cambió la vida” (La Atalaya, 1 de abril de 2012)
