LECCIÓN 57
Jatun juchapi urmaspa, ¿imatá ruwana tiyan?
Jehovata munakuspapis, sonqonta mana nanachiyta munaspapis, wakin kutisqa pantanchejpuni. Wakin kutistaj jatun juchapi urmasunman (1 Corintios 6:9, 10). Jatun juchapi urmanchej chayqa, yuyarikuna Jehová siga munakuwasqanchejta, perdonayta, yanapayta munawasqanchejta ima.
1. ¿Imatá ruwananchej tiyan Jehová perdonanawanchejpaj?
Jatun juchapi urmaspaqa mayta llakikunchej Jehovaj sonqonta nanachisqanchejrayku. Jinapis Jehová Diosqa mayta sonqochawanchej. Pay llajtanman nerqa: “Juchasniykichej ancha puka kajtinpis, ritʼi jina yurajman tukonqa”, nispa (Isaías 1:18). Tukuy sonqo pesachikusun chayri arrepientekusun chayqa, Jehová perdonawasun. Arrepientekuspaqa pantasqanchejmanta mayta llakikunchej, niñataj chay sajra imasta ruwanchejchu, Jehovamantapis perdonta mañakunchej. Chantá mayta kallpachakunchej imachus juchaman urmanapaj tanqawarqanchej chay imaspi mana yuyanapaj chayri chay imasta mana ruwanapaj. Chantapis Jehovaj kamachiykunasninman jina kausakunapaj kallpachakunchej (Isaías 55:6, 7 leey).
2. Juchapi urmajtinchej, ¿imaynatá Jehová yanapawanchej?
Jatun juchapi urmajtinchej, Jehová niwanchej ‘congregacionmanta ancianosta wajyakunata’ (Santiago 5:14, 15 leey). Ancianosqa Jehová Diosta munakunku, payta sirvejkunatapis. Paykunaqa Jehová Dioswan allinyakapunapaj yanapayta atiwanchej (Gálatas 6:1).
Jatun juchapi urmajtinchej, ¿imatá ancianos ruwanku yanapanawanchejpaj? Iskay chayri kinsa ancianos, Bibliawan yanapariwanchej imatachus ruwasqanchej mana allinchu kasqanta entiendenapaj. Chantá yuyaychariwanchej, kallpachariwanchej manaña ujtawan chay juchapi urmanapaj. Chantapis congregacionpi uj tiempota wakin ruwanasta mana japʼisunchu Jehovawan allinyakapunakama. Juchanchejmanta mana arrepientekuspaqa congregacionmanta qharqochikuyta atisunman, waj hermanosta mana pantachinapaj.
ASTAWAN YACHAKUNA
Kaypi yachakusun jatun juchapi urmajtinchej, Jehová yanapawasqanchejta jatunpaj qhawana kasqanta.
3. Juchanchejta willayqa allinninchejpaj
Ima juchata ruwaspapis Jehovaj sonqonta nanachinchej. Chayrayku juchanchejta rimarinanchej tiyan. Salmo 32:1-5 leeriychej, chantá yachakojta tapuriy:
-
¿Imataj aswan allin, juchasninchejta willaychu chayri pakaykuychu?
Juchasninchejta Jehovaman willakuspa, ancianoswanpis yanapachikuspaqa manaña anchata llakikunchejchu. VIDEOTA qhawariychej, chantá yachakojta tapuriy.
-
Videopi rikorqanchej chay hermano Jehová Diosman kutinpunanpaj, ¿ancianos imata ruwasqankutaj yanaparqa?
Ancianos yanapanawanchejpajqa, ni imata pakaspa juchanchejta willana tiyan. Santiago 5:16 leeriychej, chantá yachakojta tapuriy:
-
¿Imaraykutaj ancianosman ni imata pakaspa juchanchejta willananchej tiyan?
Juchanchejta mana pakaspa Jehovaman, ancianosman ima willana, Jehovaj yanapantataj japʼikuna.
4. Juchallikojta qharqoyqa paypa allinninpaj, congregacionpajpis
Juchallikojtaqa congregacionmanta qharqokun, Jehovaj kamachiykunasninta niña kasukuyta munasqanrayku. Chayrayku paywan niña masichakunachu tiyan, nitaj parlanachu tiyan. 1 Corintios 5:6, 11; 2 Juan 9-11 leeriychej, chantá yachakojta tapuriy:
-
Pisi levaduralla tukuy masata poqochisqanta yachaspa, ¿imaraykú juchanmanta mana arrepientekojwan mana masichakunachu tiyan?
Qharqochikojkunamanta ashkhas Jehovaman kutinpunku. Paykunaqa qharqochikusqankurayku llakikorqanku, mana allintachu ruwasqankutataj reparakorqanku (Salmo 141:5). VIDEOTA qhawariychej, chantá yachakojta tapuriy.
-
¿Soniata yanaparqachu congregacionmanta qharqochikusqan?
-
Congregacionmanta juchallikojta qharqoy, ¿Jehovaj sutinta jatunchanchu? ¿Imaraykú chayta ninki?
-
Congregacionmanta juchallikojta qharqoy, ¿Jehová munakuwasqanchejta, cheqan kajtataj ruwasqanta rikuchinchu? ¿Imaraykú chayta ninki?
5. Jehovaqa perdonawanchejpuni
Jesusqa uj kikinchaywan yachacherqa juchallikojkuna arrepientekojtinku Jehová mayta kusikusqanta. Lucas 15:1-7 leeriychej, chantá yachakojta tapuriy:
-
Juchanchejmanta arrepientekojtinchej, ¿imaynataj Jehová kashanman?
Ezequiel 33:11 leeriychej, chantá yachakojta tapuriy:
-
Juchanchejmanta arrepientekusqanchej, ¿imapitaj rikukunan tiyan?
Jehová Diosqa ovejitasta michej jina. Payqa ovejitasninmanta mayta llakikun.
WAKIN RUNAS NINKU: “Ni ancianoswan parlaymanchu, imatachus ruwasqayta willasaj chayqa congregacionmanta qharqowanqanku”, nispa.
-
Ajinata nisojtinku, ¿imatá niwaj?
¿IMASTÁ YACHAKUNCHEJ?
Kaypi yachakunchej jatun juchapi urmajtinchej Jehová perdonanawanchejpaj arrepientekuna kasqanta, niñataj chay juchata ruwanachu kasqanta.
Yuyarikunapaj
-
¿Imaraykutaj Jehovaman juchasninchejta willakuna tiyan?
-
¿Imatá ruwananchej tiyan Jehová perdonanawanchejpaj?
-
¿Jatun juchapi urmaspa pikunawantaj yanapachikuna tiyan? ¿Imaraykú chayta ruwana tiyan?
ASTAWAN YACHAKUNAYKIPAJ
Uj runaqa Isaías 1:18 nin jina Jehová may khuyakuyniyoj kasqanta repararqa. Paymanta astawan yachanaykipaj kay videota qhawariy.
¿Congregacionmanta qharqochikuy allinninchejpajchu? Chayta yachanaykipaj kayta leeriy.
“Juchallikojta qharqoyqa Jehovaj munakuyninta rikuchin” (Torremanta Qhawaj, 15 de abril de 2015)
Mana testigo kajkunaman, ¿imaynatá qharqochikuymanta sutʼincharisunman? Chayta yachanaykipaj kayta leeriy.
Uj runaqa repararqa Jehová kutinpunanpaj yanapasqanta. Paymanta astawan yachanaykipaj “Jehovaman kutirikuyta munarqani” nisqata leeriy.
“Bibliamanta yachakusqankoqa kausayninkuta tijracherqa” (Torremanta Qhawaj, 1 de julio de 2012)
Kaykunatapis qhawaykurillawajtaj
¿IMATÁ TAPUKUNKU JEHOVAJ TESTIGOSNINMANTA?
¿Imaynatá Jehovaj testigosnin Bibliamanta yachachinku?
Jehovaj testigosnenqa, gratis Bibliamanta yachachiyku, qanpis gustasusqan Bibliawan yachakuyta atiwaj. Chantapis familiaykita, amigosniykitapis invitariwaj qanwan khuska yachakunankupaj.
