57 CAJ YACHACUY
¿Perdunashga cangachuraj juchata rurajcuna?
Jehovata alapa cuyarpis öraga pantarpis pantarinchimi, o jatun juchacunamanpis ishquirishwanchi (1 Corintios 6:9, 10). Jatun juchata ruraptiquipis Jehovaga jinalami cuyaycäshunqui, perdunashunayquipäpis listo caycanga.
1. ¿Imatataj rurashwan Jehová perdunaycalämänanchipaj?
Jatun juchata rurashganpita pipis cuentata gocurga, shongunpis pasayparächi nanaycun. ¿Chauraga Jehovapa perdunninta imaypis mana chasquinganachu chay runa? Bibliami cayno nin: “Juchayquicuna pucano captinpis rajunörajmi yoraj” cangapaj. “Granätiman tinishgano captinpis yoraj milwanörajmi” cangapaj (Isaías 1:18). Rasunpa arrepenticuptinchega ima juchanchicunatapis Jehová gongaycungami. ¿Imata rurartaj pipis rasunpa arrepenticunman? Rurashgancunata yapay mana rurananpaj yarpaylapis mana yarpanmannachu, Diostapis ruwacuyparaj mañacunman perdunaycunanpaj. Calpachacunmanmi tantiananpaj imataj Jehovapäga ali caycan y imataj mana ali caycan (leiriy Isaías 55:6, 7).
2. Juchalicushga carga, ¿imanopataj ancianucunawan Jehová yanapämanchi?
Juchata rurashga cajcunatami Jehová cayno nin: “Mayur ermänucunata gayachiy” (leiriy Santiago 5:14, 15). Cay ancianucunataga quiquin Jehovami cargunta goshga sirvejnincunata cuyapar cuidananpaj, ima juchalamanpis ishquishga car Diosninchiman cutichinanpaj (Gálatas 6:1).
¿Imanopataj ancianucuna yanapämanchi jatun juchata ruraptinchi? Paycunaga gayachimäshunmi Bibliawan tantiachimänanchipaj imanirtaj rurashganchega pasaypa mana ali caycan. Jina shacyächimashpanchimi nimäshun chay juchacunaman yapay mana ishquinapaj. Öraga wilamäshunmi congregaciuncho imalachopis manaraj yanapacunapaj. Y pipis jatun juchata ruraycur mana arrepenticuptenga, ancianucunaga congregaciunpita garguyta puedipäcunmi.
SHUMAJ YACHACURCUNAPAJ
Juchata ruraptiqui Jehová imano yanapäshushgayquita tantiacuy.
3. Juchalicushganchita wilacuptinchirämi ali canga
Ima juchamanpis ishquerga quiquin Jehovapa contranmanmi ticranchi, chaymi payta wilapar jucla perdunninta ashishwan. Leipäcuy Salmo 32:1-5 y caypita parlapacäriy:
-
Juchanchicunata pacanapaj trucanga, ¿imanirtaj Jehovata jucla wilapashwan?
Juchanchicunata Jehovata wilapashgana carpis, alimi canga ancianucunatapis wilapaptinchi yanapämänanchipaj. VIDEUTA ricapäcuy y caypita parlapacäriy:
-
Canon jutiyoj hermanunchi Jehovaman cutinanpaj, ¿imanotaj ancianucuna yanapargan?
Ancianucuna yanapämänanchipäga mana lulacuypami lapanta wilapashwan. Leipäcuy Santiago 5:16 y caypita parlapacäriy:
-
Mana lulacuylapa ancianucunata wilapaptinchega, ¿yanapämäshunchuraj? ¿Imanir?
Ima jucha rurashgayquita ancianucunata lapanta wilapay. Quiquin Jehovapis yanapayculäshunquimi.
4. ¿Mana arrepenticojcunaga gargushgarächuraj canman?
Pipis jatun juchata ruraycur mana arrepenticuptenga congregaciunpita gargushgami canga. Chayraycur chay runawanga juntacanchinachu ni parlapanchinachu. Leipäcuy 1 Corintios 5:6, 11 y 2 Juan 9-11 y caypita parlapacäriy:
-
Ichicla levaduralami masataga jacarcachin, ¿chauraga imaraj pasanman mana arrepenticoj runata congregaciunpita mana garguptin? ¿Imanirtaj chayta ninqui?
Achca gargushga cajcunaga cuticäramushgami congregaciunman; caynomi nipäcun ‘gargamashganraycur pasaypa laquicushga captëpis quiquëpämi cashga’ (Salmo 141:5). VIDEUTA ricapäcuy y caypita parlapacäriy:
-
Sonia gargushga cashganga, ¿imamantaj yarpachacächergan?
¿Imanotaj pipis gargushga captinraj...
-
... Jehovapa jutin respetashga canga?
-
... Jehovapita nishwan justo Dios cashganta y cuyamashganchitapis?
5. Jehová perdunamäshunmi arrepenticuptinchi
Yachachicushganchomi Jesús wilacamurgan imanotaj Jehová ricacun pipis arrepenticuptin. Leipäcuy Lucas 15:1-7 y caypita parlapacäriy:
-
¿Chauraga ima nishwantaj Taytalanchi Jehovapita?
Leipäcuy Ezequiel 33:11 y caypita parlapacäriy:
-
¿Imatataj pipis ruranman rasunpa arrepentido caycaptenga?
Jehovaga juc cuyacoj uyshero japuymi.
WAQUINCUNA NIPÄCUN: “Ima rurashgäta ancianucunata wilanäpäga pengacömi, jina manchacö congregaciunpita gargamänanta”.
-
¿Ima ninquimantaj chayno nejcunata?
ICHIC YACHACUY
Juchalicushganchipita rasunpa arrepentido caycarga y chayman yapay mana ishquinapaj calpachacurga, Jehovapa perdunninta chasquishun.
Yarpänapaj
-
Ima juchatapis rurashga carga, ¿imanirtaj ali canman lapanta Jehovata wilapaptinchi?
-
Juchalicushga carga, ¿imatataj rurashwan Jehová perdunamänanchipaj?
-
Ima juchamanpis ishquishga carga, ¿imanirtaj ancianucunata wilapashwan yanapämänanchipaj?
MASLATA YACHACUNAYQUIPAJ
Yachacuy imanotaj juc runata alapa yanapargan Isaías 1:18 texto.
¿Imanir-raj waquincuna nin ‘gargamashganmi yanapämashga cutimunäpaj’?
“¿Pipis corrigicunanpäga gargushgarächuraj canman?” (Wilacamoj, 15 abril quilla, 2015)
Yachacuy imanotaj tantiachinquiman mana Testigo cajcunata, imanirtaj pitapis congregaciunpita gargupäcun.
“Jehovata sirviyta yapay munaycargä”, caycho yachacuy imanotaj juc runa cuentata gocurgan imanotaj quiquin Jehová marcanman yapay pushamurgan.
“Biblia yanapargan cambiananpaj” (Wilacamoj, 1 abril quilla, 2012)
