KʼUTUNEM 57
¿Jas kkʼulmatajik we kabʼan jun nimalaj makaj?
Paneʼ kaloqʼoqʼej ri Jehová y kawaj taj kabʼan jun jastaq che itzel krilo, weneʼ kʼo jujun taq mul katmakunik. Are kʼu, e kʼo jujun taq makaj che más e nimaʼq na (1 Corintios 6:9, 10). We kabʼan jun nimalaj makaj, chnaʼtaj chawe che ri Jehová katraj, kraj katutoʼo y kukuy amak.
1. ¿Jas rajawaxik kqabʼano rech kukuy qamak ri Jehová?
Are chiʼ jun winaq che kuloqʼoqʼej ri Jehová kubʼan jun nimalaj makaj, sibʼalaj kbʼisonik. Are kʼu ri Jehová kukubʼsaj ukʼuʼx rukʼ ri tzij che xubʼij che ri ojer utinamit: «Puneʼ taneʼ sibʼalaj kaq roqroj ri imak, kinbʼan na che jachaʼ ri saq tew» (Isaías 1:18). We rukʼ ronojel qanimaʼ kqata sachbʼal qamak, ri Jehová kukuy qamak. ¿Jas rajawaxik kqabʼano rech ri Dios kukuy qamak? Rajawaxik sibʼalaj kojbʼison rumal ri makaj che xqabʼano, kqaya kan ubʼanik y rukʼ ronojel qanimaʼ kqata che ri Jehová che kukuy qamak. Tekʼuriʼ kqakoj qachuqʼabʼ che ukʼexik ri qachomanik y kqabʼan ta nijun jastaq che kubʼano che kojqaj chi jun mul pa ri makaj, y kqataqej unimaxik ri utaqanik ri Jehová (chasikʼij Isaías 55:6, 7).
2. ¿Jas kubʼan ri Jehová che kikojik ri kʼamal taq bʼe chiʼ kojmakunik?
Ri Jehová kuya wajun pixabʼ chke ri winaq che xemakunik: «Cheʼusikʼij ri tatayibʼ ri ketaqan pa kiwiʼ ri komon kojonelabʼ» (chasikʼij Santiago 5:14, 15). Ri achijabʼ riʼ—che xechaʼ rumal ri ruxlabʼal ri Dios—kkiloqʼoqʼej ri Jehová y ri e qachalal, xuqujeʼ bʼim chke ri rajawaxik kkibʼan che qatoʼik rech kkʼojiʼ jun utzalaj qachilanik rukʼ ri Dios (Gálatas 6:1).
¿Jas kkibʼan ri kʼamal taq bʼe che qatoʼik are chiʼ kqabʼan jun nimalaj makaj? E kebʼ o e oxibʼ kʼamal taq bʼe kojkitoʼ che uchʼobʼik che utz ta ri xqabʼano. Xuqujeʼ kkiya utz taq pixabʼ chqe y kkiya qachuqʼabʼ rech kojqaj ta chi jun mul pa ri makaj. Weneʼ ri kʼamal taq bʼe kkibʼij chqe che kojkun ta chik kqabʼan jujun taq chak pa ri congregación, y kʼate kqamaj chi ubʼanik are chiʼ oj utz chi pa ri qakojonik. We jun qachalal xubʼan jun nimalaj makaj y kraj taj kuya kanoq, ri kʼamal taq bʼe kkesaj bʼi pa ri congregación rech kekichajij ri qachalal.
CHANIMARISAJ RI AWETAʼMANIK
Qas chqachʼobʼoʼ y nim chqilaʼ wi ri tobʼanik che kuya ri Jehová chqe are chiʼ kojmakunik.
3. Ubʼixik ri qamak kojutoʼo
Ri Jehová sibʼalaj kbʼisonik are chiʼ kqabʼan jun mak, rumal laʼ rajawaxik kqabʼij che ri xqabʼano. Chisikʼij Salmo 32:1-5 y chixtzijon chrij wariʼ:
-
¿Jasche rajawaxik kqabʼij che ri Jehová ri mak che xqabʼano y xa ta kqakʼuʼu o kqowaj?
Ubʼixik ri qamak che ri Jehová y utaʼik tobʼanik chke ri kʼamal taq bʼe kojutoʼo. Chiwilaʼ ri VIDEO y chixtzijon chrij wariʼ:
-
¿Jas xkibʼan ri kʼamal taq bʼe che utoʼik ri qachalal Canon rech xuya kan ubʼanik ri umak?
Rajawaxik kqabʼij chke ri kʼamal taq bʼe ronojel ri xqabʼano y kqajaq ri qanimaʼ chkiwach rech kekunik kojkitoʼo. Chisikʼij Santiago 5:16 y chixtzijon chrij wariʼ:
-
¿La kʼo keʼutoʼ wi ri kʼamal taq bʼe we kqabʼij ri qastzij chke? ¿Jasche?
Chabʼij ri qastzij chke ri kʼamal taq bʼe y chakʼamaʼ ri tobʼanik che kuya ri Jehová chawe.
4. Resaxik bʼi jun ajmak pa ri congregación kuya utzilal
We jun qachalal xubʼan jun nimalaj makaj y kraj taj kunimaj ri utaqanik ri Jehová, kesax bʼi pa ri congregación. Kqaya kan rachilaxik y kojtzijon ta chi rukʼ. Chisikʼij 1 Corintios 5:6, 11 y 2 Juan 9-11, y chixtzijon chrij wariʼ:
-
Ri levadura kubʼano che ksipoj (fermentar) ri qʼor, ¿la kʼo kubʼan che ri congregación we kqaya ta kan rachilaxik ri qachalal che xubʼan jun nimalaj makaj? ¿Jasche?
E kʼi qachalal che e esam bʼi pa ri congregación e tzalijinaq chi loq, ¿jasche? Paneʼ kʼax xkinaʼo xepixbʼexik, are kʼu wariʼ xeʼutoʼo rech xkiya kan ubʼanik ri kimak (Salmo 141:5). Chiwilaʼ ri VIDEO y chixtzijon chrij wariʼ:
-
¿Jas xtobʼan wi che Sonia are chiʼ xesax bʼi pa ri congregación?
Are chiʼ kesax bʼi jun qachalal pa ri congregación, ¿jas kubʼan wariʼ...
-
... che uyaʼik uqʼij ri ubʼiʼ ri Jehová?
-
... che ukʼutik che ri Jehová sukʼ y che kojraj?
5. Ri Jehová kukuy qamak
Ri Jesús xukoj jun kʼutbʼal che kojutoʼ che uchʼobʼik ri kikotemal che kunaʼ ri Jehová are chiʼ jun qachalal kuya kan ubʼanik jun makaj. Chisikʼij Lucas 15:1-7 y chixtzijon chrij wariʼ:
-
¿Jas kqetaʼmaj chrij ri Jehová pa wajun kʼutbʼal riʼ?
Chisikʼij Ezequiel 33:11 y chixtzijon chrij wariʼ:
-
¿Jas kqabʼan che ukʼutik che qas kojbʼison rumal ri mak che xqabʼano?
Ri Jehová kjunamataj rukʼ jun ajyuqʼ che kel ukʼuʼx chke ri uchij.
RI KKICHOMAJ JUJUN WINAQ: «Kinxeʼj wibʼ kinbʼij chke ri kʼamal taq bʼe ri mak che xinbʼano. Rumal che weneʼ kinkesaj bʼi pa ri congregación».
-
¿Jas kabʼij riʼ che jun qachalal che kuchomaj wariʼ?
RI XQETAʼMAJ
We kqabʼan jun nimalaj makaj are kʼu rukʼ ronojel qanimaʼ kqata sachbʼal qamak y kqabʼij che kqabʼan ta chik, ri Jehová kukuy qamak.
¿La knaʼtaj chawe?
-
¿Jasche rajawaxik kqabʼij ri qamak che ri Jehová?
-
¿Jas rajawaxik kqabʼano rech ri Jehová kukuy qamak?
-
We kqabʼan jun nimalaj makaj, ¿jasche rajawaxik kqataʼ ri kitobʼanik ri kʼamal taq bʼe?
CHAWILAʼ CHI NIKʼAJ
Chawilaʼ ri xubʼan jun achi che rilik ri utoqʼobʼisal wachaj ri Jehová che kyaʼ ubʼixik pa Isaías 1:18.
¿Jas utzilal kuya che ri congregación we kesax bʼi jun qachalal che xubʼan jun makaj?
Chawilaʼ jas kabʼan che ubʼixik che jun winaq che Testigo taj jasche kesax bʼi jun qachalal pa ri congregación.
Chawilaʼ jas xubʼan jun achi che xraj xtzalij chi jumul pa ri congregación, pa ri kʼutunem: «Xwaj xintzalij chi jumul rukʼ ri Jehová».
«Ri Biblia xukʼex ri kikʼaslemal» (La Atalaya, 1 re abril 2012)
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
