LECCIÓN 57
¿Imara tucunga can atun uchara rurajpi?
Jehová Diosta llaquishcamanda mana llaquichingaj ursarishas huaquimbi pandaringuimi. Shinajpis huaquimbi shuj uchaunamanda mas atun uchaunas tianmi (1 Corintios 6:9, 10). Can atun uchai urmajpi Jehová canda yanapangahua perdonangahuas munanmi.
1. ¿Imara rurana anchi Jehová Dios ñucanchira perdonachu?
Jehová Diosta llaquij runa atun uchai urmashcara riparasha yapa llaqui sintiringami. Shinajpis Jehová paihua llactara cushca shimiuna paita animachin: “Canguna uchauna yapa pucaticalla ajpis yuraj rasu cuinta saquiringami” (Isaías 1:18). Sirtu pacha shungumanda aripintirijpi Jehová shu rai perdonangami. Uchara rurashcamanda aripintiringahua ¿imara rurana anchi? Uchara rurashcamanda ñucanchi shungüi nanarisha llaquirina anchi. Astaumbas, ucha ruranaras saquina anchi. Shinallara perdonda Jehovara mañana anchi. Shina rurasha ñucanchi mana ali iyaira saquisha, uchaibi mana cuti urmangahua ursarisha, Jehová Dios mandashcasna casusha catina anchi (leai Isaías 55:6, 7).
2. Uchai urmashcai ¿imasnara Jehová yanapan ancianogunahua?
Atun uchara rurajta Jehová cai camachishcara cun ‘congregacionda cuirajcunara cayachu’ (leai Santiago 5:14, 15). Espíritu santohua ajllashca huauquiuna Jehová Diosta llaquishcamanda huauqui paniunaras llaquishcamanda cuti Jehová Dioshua amigo tucunuchu yanapangaj purunturishca anun (Gálatas 6:1).
Atun uchaibi urmashcai ¿imasnara ancianoguna yanapanunga? Ishqui o quinsa ancianoguna Bibliahua yanapanunga intindichingaj imarasha ñucanchi rurashca manali ashcara. Ñucanchira camachinunga, animachinunga uchara cuti mana rurangahua. Shinallara Jehovahua cuti ali amigo tucungagama ancianoguna ansa timpura congregaciombi ñucanchi participanara mana saquinungachu. Atun uchara ruraj mana aripintirijpi ancianoguna congregacionmanda anzhuchinunga congregaciombi tiajcunara cuirangaj.
MAS YACHAI
Atun uchaibi urmashcai Jehová ñucanchira yanapangaj ima rurashcara ali riparasha intindisha pagarachungui.
3. Ñucanchi ucha rashcara rimana cuti Jehovahua ali amigo tucungaj yanapan
Ima tunu uchais urmasha Jehovara llaquichinchimi chiraigu ñucanchi uchaunara paita rimana anchi. Leaichi Salmo 32:1-5, huasha catij tapuimanda rimaichi:
-
¿Imarasha ñucanchi uchara pacana randi Jehovara cuintana ali an?
Ñucanchi uchaunara Jehová Diosta rimasha congregacionmanda ancianogunaras yanapaira mañasha ali sintirishun. VIDEORA ricuichi, huasha catij tapuimanda rimaichi:
-
¿Imasnara Canon huauquira ancianoguna yanapanuca Jehová Diospajma tigrachu?
Ancianogunama mana llullasha tucuira cuintana anchi. Paiguna ñucanchira yanapangaj puruntushca anun. Leaichi Santiago 5:16, huasha catij tapuimanda rimaichi:
-
Ñucanchi mana pacasha tucuira rimajpi ¿imarasha mas ahualla an ancianoguna ñucanchira yanapachu?
Can ucha rashcara Jehovara cuintai, ucha rashcara ancianogunahua tucuira sirtura rimai, Jehová canda llaquihua yanapachu saqui.
4. Mana aripintirij runara congregacionmanda anzhuchina tucuigunara yanapan
Maicambas atun uchamanda mana aripintirisha Jehová mandashcara mana casuna munasha congregacionmanda parti mana tucuna ushangachu. Chiraigu congregacionmanda anzhuchishca tucunga. Shinallara paihua mana apanununchi, paihua mana cuintanununchi. Leaichi 1 Corintios 5:6, 11; 2 Juan 9-11, huasha catij tapuimanda rimaichi:
-
Punguichij pulvu intiru tandara punguichin. Shinallara atun uchara rurasha mana aripintirij runahua apanunusha ¿congregaciombi tiaj huauqui paniunara pandachina ushangachu? ¿imasna?
Congregacionmanda ashca anzhuchishcauna congregacionma cuti tigramunushca ¿imarasha? Congregacionmanda anzhuchina shinzhi ajpis ucha raj runara aripintiringaj yanapashca (Salmo 141:5). VIDEORA ricuichi, huasha catij tapuigunamanda rimaichi:
-
Sonia congregacionmanda anzhuchishca tucusha ¿imasnara cai paita yanapaca?
-
Mana aripintirij runara congregacionmanda anzhuchina ¿imasnara Jehová shutira ahuayachin?
-
Mana aripintirij runara congregacionmanda anzhuchina ¿imasnara ricuchin Jehová Dios ali iyaihua rurashcara, ñucanchira llaquishcaras?
5. Ñucanchi aripintirijpi Jehová Dios perdonanmi
Shu runa aripintirijpi imasna Jehová sintishcara intindichingaj Jesús shu cuintashcara rimaca. Leaichi Lucas 15:1-7, huasha catij tapuimanda rimaichi:
-
¿Imara Jehovamanda ñucanchira yachachin cai cuintashca?
Leaichi Ezequiel 33:11, huasha catij tapuimanda rimaichi:
-
¿Imara rurana anchi sirtu pacha shungumanda aripintirishcara ricuchingahua?
Jehová buriguunara cuiraj cuinta an: paihua buriguunara ashcara llaquinmi.
RUNAUNA CASNA NINUJPI: “Ancianogunahua ñuca uchamanda cuintangaj manzhai charini. Ñuca rashcara cuintajpi congregacionmanda anzhuchinungami” nisha.
-
¿Imara can rimanguima casna iyaira charijcunama?
IMARA YACHASHCANGUI
Uchai urmashas shungumanda aripintirijpi mana cuti chi uchai urmangaj ursarijpi Jehová ñucanchira perdonangami.
Iyaringaj
-
Ñucanchi ucha rashcamanda ¿imarasha Jehová Diosta cuintana anchi?
-
¿Imara rurana anchi ñucanchi uchamanda Jehová Dios perdonachu?
-
¿Imarasha ancianogunara yanapai mañana anchi atun uchara rurashcai?
RICUNGUI
Isaías 1:18 nishca shina imasna shu runara Jehová perdonashcara ricui.
¿Imasnara yanapan ucha rurajta congregacionmanda anzhuchina?
“Congregacionmanda anzhuchina: llaquinara ricuchin” (La Atalaya, 15 de abril de 2015)
Congregacionmanda anzhuchinara, mana Jehovahuaj testigo ajta intindichinara yachai.
“Jehová Diospajma tigranara ministicani” nishca temai, shu runara imasna Jehová paima cuti tigrachishcara ricui.
“Biblia paiguna causaira turcachica” (La Atalaya, 1 de abril de 2012)
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
