LECCIÓN 57
Jatun juchata rurajpica ¿imata pasanman?
Jehová Diosta ninanda juyashpapash juchayu caimandami paita ama llaquichingapaj esforzarijushpapash huaquinbica pandaringui. Shinapash huaquin pecadocunaca ashtahuan gravemi can (1 Corintios 6:9, 10). Jatun juchata rurajpica Jehová Diosca quiquinda juyanataca na saquingachu. Jehová Diosca perdonangapaj, ayudangapaca listomi can.
1. Jehová Dios ñucanchita perdonachunga ¿imatata rurana capanchi?
Pipash shuj jatun juchata rurashpaca Jehová Diosta ninanda juyaimandami nalitapacha rurashcata cuenta japishpa llaquillapacha sintirin. Shinapash Jehová Diosca: “Cangunapaj juchacuna puca telashna cajpipash, rasutashna yurajllagumanmi tigrachisha. Yanalla puca telashna cajpica, cangunataca yuraj yuraj milmagumanshnami tigrachisha” nishpami cushichin (Isaías 1:18). Nalita rurashcamanda tucui shungu arrepintirijpica Jehová Diosca perdonashpa cungaitapachami cungan. Shinapash tucui shungu arripintirishcataca ¿imashinata ricuchinchi? Nalita rurashcamanda tucui shungu arrepintirishpa cutin chai nalitallataca na rurashpa Jehová Diosta perdonahuai nishpa rogashpami arripintirishcataca ricuchinchi. Shinallata cambiocunata rurangapaj esforzarishpa, chai nali ruraicunapillata ama urmangapaj esforzarishpa Jehovapa mandashcacunata pactachishpa causangapaj esforzarishpapashmi arripintirishcataca ricuchinchi (Isaías 55:6, 7, liipangui).
2. ¿Shuj jatun juchata rurajpica imashinata Jehová Diosca anciano huauquicunata utilizashpa ayudan?
Pipash shuj jatun juchata rurajpica Jehová Diosca: ‘Congregacionbi ancianocunapa’ ayudata mañachun nishpami consejan (Santiago 5:14, 15, liipangui). Anciano huauquicunaca Jehová Diospa espíritu santohuan agllashcacunami can. Paicunaca Jehová Diosta juyaimanda, huauquipanicunatapash juyaimandami Jehová Dioshuan cutin ali tucuchun ayudangapaj listo can (Gálatas 6:1).
Shuj jatun juchata rurajpica huauqui ancianocunaca ¿imashinata ayudan? Ishcai o quimsa huauqui ancianocunami Bibliapa huaquin textocunata ricuchishpa chai rurashcaca na ali cashcata intindichishpa ayudan. Shinallata chai nali juchacunatallata ama rurachunmi ali consejocunata cushpa animan. Shinapash espiritualmente ali tucungacamanga asha tiempotaca congregacionba ruraicunapi participachunga na saquingachu. Pero jatun juchata rurashpapash na arripintirijpica congregacionmanda chaishuj huauquipanicunata cuidangapami jatun juchata rurajtaca expulsana tucun.
ASHTAHUAN YACHAJUPASHUNCHI
Shuj jatun juchata rurajpi Jehová Dios ñucanchita ayudangapaj imata rurajta ali intindingapaj y valorangapaj esforzaripangui.
3. Jehová Diosman tucuita villashpami paipa ñaupapica ali ricuripashun
Ima juchata rurashpapash Jehová Diostami llaquichipanchi. Chaimandami arrepintirishpa paiman tucuita villana capanchi. Salmo 32:1manda 5caman liishpa, cai tapuita contestapangui:
-
Ima nalita rurashcata pacanapa randica ¿imamandata Jehová Diosman tucuita villana capanchi?
Diosman tucuita villashpapash huauqui ancianocunapa ayudata mañashpaca tranquilo alimi sintiripashun. VIDEOTA ricushpa, cai tapuita contestapangui:
-
Huauqui Canon Jehová Dioshuan cutin ali tucuchunga huauqui ancianocunaca ¿imatata rurarca?
Huauqui ancianocunaman tucuita villanaca importantepachami can. Shina rurajpimi paicunaca ayudaita ushanga. Santiago 5:16ta liishpa, cai tapuita contestapangui:
-
Huauqui ancianocunaman na tucuita villajpica ¿paicunaca fácil ñucanchita ayudaita ushangacha? ¿Imamandata shina yuyapangui?
Jatun juchata rurashpaca Jehovaman y huauqui ancianocunaman tucuita villashpa Jehovapa ayudata aliguman chasquipangui.
4. Tucuicunata cuidangapami nalita rurajtaca expulsan
Pipash shuj jatun juchata rurashpa y na arrepintirishpa Jehová Diospa mandashcacunatapash na cazungapaj munajpica congregacionmandaca expulsai tucunami can. Expulsai tucushca cajpimi paicunahuanga ñana llevarishpa parlaitapash ñana parlapanchi. 1 Corintios 5:6 y 11 y 2 Juan 9manda 11caman liishpa, cai tapuita contestapangui:
-
Levaduraca tucui masatami punguichin. Shinaca juchata rurashpa na arripintirijhuan llevarishpaca ¿imashinata congregaciondaca llaquichita ushanchiman?
Ashtaca expulsai tucushcacunami congregacionmanga cutin tigramushca. ¿Imamandata tigramushca? Expulsai tucuna shinlli cajpipash nalita rurashcata cuenta japishpa arripintirichunmi ayudashca (Salmo 141:5). VIDEOTA ricushpa, cai tapuicunata contestapangui:
-
Soniataca expulsai tucushca canaca ¿imashinata ayudarca?
Expulsanaca:
-
¿Imashinata Jehová Diospa shutita limpio y alicachi tucushca cachun ayudan?
-
¿Imashinata Jehová Dios justo y juyaj Dios cashcata ricuchin?
5. Tucui shungu arrepintirijpica Jehová Diosca perdonanmi
Pipash arrepintirijpi Jehová Dios imashina sintirishcata yachachunmi Jesusca shuj ejemplota churashpa parlarca. Lucas 15:1manda 7caman liishpa, cai tapuita contestapangui:
-
Cai ejemploca ¿imatata Jehová Diosmandaca yachachin?
Ezequiel 33:11ta liishpa, cai tapuita contestapangui:
-
Arripintirishcata ricuchingapaca ¿imatata rurana capanchi?
Jehová Diosca llamagucunata michinshna caimandami ñucanchicunamanda ninanda preocuparishpa juyaihuan cuidan.
HUAQUINGUNACA, “Ancianocunahuan parlanataca manllanayanmi. Paicunaman tucuita villajpica expulsahuangami” ninmi.
-
Shina nijpica ¿imatata nipanguiman?
YARINGAPAJ
Shuj jatun juchata rurashpaca tucui shunguhuan arrepintirishpa y chai juchata cutin na rurangapaj esforzarijpica Jehová Diosca perdonangapaj listomi can.
¿Imatata yachajupashcanchi?
-
Imapi pandarishcata Jehová Diosman tucuita villanaca ¿imamandata ali can?
-
Ñucanchi juchacunata Jehová Dios perdonachunga ¿imatata rurana capanchi?
-
Shuj jatun juchata rurashpaca ¿imamandata anciano huauquicunapa ayudata mañana capanchi?
CAITAPASH RICUPAI
Isaías 1:18pi nishcashna Jehová Dios perdonaj Dios cashcamanda imashina shuj jarigu beneficiarishcata ricupai.
Expulsanaca ¿imashinata ayudan?
“Juyaimandami congregacionmanda llujchina tucun” (Villajun revista, 15 de abril de 2015)
Shuj na testigo personaman expulsanamanda imashina explicanata ricupai.
Shuj jariguca Jehová Diosllata paiman cutin tigrachun ayudajushcatami cuenta japirca. Chaitaca “Jehová Diospaman tigrana cashcatami intindircani” nishca temapi ricupangui.
“Bibliami gentecunapa causaita cambiashca” (Villajun revista, 1 de abril de 2012)
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
