Παρόλο σο μανγκέσα μπουτ ι Ιεχωβάς ντα μαρέσα-τουτ μα τι κερές κάτι σο κα πληγώνελας-λες, μπάζιμα κα κερές λάθη. Όμως, μερικές αμαρτίες ισί πο μπαρέ γιαβερένταρ. (1 Κορινθίους 6:9, 10) Άμα κερντάν εκ μπαρί αμαρτία, τι ντες-τουτ γκοντί ότι ο Ιεχωβά συνεχίνελα τι μανγκέλ-τουτ. Μανγκέλα τι συγχωρίνελ-τουτ ντα τι βοηθίνελ-τουτ.

1. Σο πρέπει τι κεράς για τι συγχωρίνελ-αμέν ο Ιεχωβά;

Οντουλά σο μανγκένα ι Ιεχωβάς πφανγκιόλα σαρό λένγκο γκι κάνα αγαβένα ότι κερντέ εκ μπαρί αμαρτία. Όμως ο Ιεχωβά λοκχιαρέλα λένγκο γκι αντράλ κατά υπόσχεση σο ντινάς πι λαόστε: «Παρόλο σο ισί λολέ τουμαρέ αμαρτίες, κα αβέν παρνέ σαρ ο βιβ». (Ησαΐας 1:​18) Άμα μετανιωσάλαμ μπαγιά, ο Ιεχωβά κα συγχωρίνελ σο-ντα κερντάμ. Σαρ μετανιώνασα; Επειδή στεναχωρισάλαμ μπουτ, τσσιναβάσα τι κεράς ο κακός ντα μανγκάσα σαρέ αμαρέ γκίσαρ κατά Ιεχωβά τι συγχωρίνελ-αμέν. Σοράν, μαράσα-αμέν τι αλλάνας ο λάθος τρόπος σο σκεφτίναας ή ο χούγια σο γκερντέ-αμέν κι αμαρτία, ντα προσπαθίνασα τι τζουβντιάς αντικάς σαρ βακερένα ο πάκι κανόνες ι Ιεχωβάσκε.​—Διαβάνεν Ησαΐας 55:​6, 7.

2. Σαρ χρησιμοποιήνελα ο Ιεχωβά ι πρεσβυτερόν για τι βοηθίνεν-αμέν άμα κα κεράς εκ αμαρτία;

Άμα κα κεράς εκ μπαρί αμαρτία, ο Ιεχωβά βακερέλα αμένγκε “τι βακεράς κο πρεσβύτεροι κι κχανγκιριάκε τι αβέν τι ντικχέν-αμέν”. (Διαβάνεν Ιακώβου 5:​14, 15) Ανταλά διορισμέ μουρσά μανγκένα ι Ιεχωβάς ντα λέσκε μπρακέν. Τζανένα σαρ τι βοηθίνεν-αμέν τι κεράς πάλι ζουρανί αμαρί φιλία ι Ιεχωβάσαρ.​—Γαλάτες 6:1.

Σαρ βοηθίνενα-αμέν ο πρεσβύτεροι άμα κα κεράς εκ μπαρί αμαρτία; Ντούι ή τριν πρεσβύτεροι κα χρησιμοποιήνεν εδάφια κατά Αγία Γραφή για τι διορθώνεν-αμέν. Επίσης, κα ντεν-αμέν λατσσέ συμβουλές ντα ζορ για τι βοηθίνεν-αμέν μα τι αμαρτίνας πάλι. Μπέκιμ τι αποφασίνεν μα τι κεράς κάποια πράγματα αντρέ κι κχανγκιρί για χάνικ βακίτι μέχρι τι αβέλ αμαρί φιλία ι Ιεχωβάσαρ πάλι ζουρανί. Άμα εκ τζενό σο κερντάς εκ μπαρί αμαρτία να μετανιώνελα, ο πρεσβύτεροι κα κερέν-λες αποκοπή για μα τι επηρεάντιβεν ο γιαβερά-ντα αντρέ κι κχανγκιρί.

 ΧΑΝΤΖΟΥΒ ΠΟ ΑΧΟΡΤ

3. Κάνα μουτθαβάσα οντουβά σο κερντάμ αβάσα πάλι αμαλά ι Ιεχωβάσαρ

Κάθε φαρ σο κεράσα εκ αμαρτία ντουκχαβάσα ι Ιεχωβάσκο γκι, οτθάρ πρέπει τι μουτθαβάς-λα λέσκε. Διαβάνεν Ψαλμός 32:​1-5 ντα σοράν συζητίνεν ι ερώτηση:

• Σόσκε κερέλα αμένγκε λατσσιπέ κάνα μουτθαβάσα αμαρέ αμαρτίες κο Ιεχωβά ντα να προσπαθίνασα τι γκεραβάς-λεν;

 4. Σο λατσσιπέ ανέλα η αποκοπή

Άμα εκ τζενό σο κερντάς εκ μπαρί αμαρτία να μανγκέλα τι ακολουθίνελ ο κανόνες ι Ιεχωβάσκε, να μπορίνελα τι ατσσόλ αντρέ κι κχανγκιρί. Χάλα αποκοπή, να κεράσα λέσαρ παρέα, ατζέ-ντα ούτε λάφι. Διαβάνεν 1 Κορινθίους 5:6, 11 ντα 2 Ιωάννη 9-11 ντα σοράν συζητίνεν ι ερώτηση:

• Αντικάς σαρ η μαγιά κερέλα ο χουμέρ τι φουσκώνελ, σαρ κα επηρεάντιβελας η κχανγκιρί κατά παρέα εκχέ τζενέσαρ σο κερντάς εκ αμαρτία ντα να μετανιώνελα;

 ΧΑΝΙΚ ΛΑΦΙΝΤΖΑΡ

Άμα κερντάμ εκ μπαρί αμαρτία αλλά πφανγκιλό μπαγιά αμαρό γκι ντα αποφασιντάμ τι τσσιναβάς τι κεράς ο κακός, ο Ιεχωβά κα συγχωρίνελ-αμέν.

Σο Σικλιλάν;

• Σόσκε ντικχάσα λατσσιπέ κάνα μουτθαβάσα αμαρέ αμαρτίες κο Ιεχωβά;

• Σο πρέπει τι κεράς για τι συγχωρίντιβεν αμαρέ αμαρτίες;

• Άμα κερντάμ εκ μπαρί αμαρτία, σόσκε πρέπει τι μανγκάς βοήθεια κατά πρεσβύτεροι;