LECȚIA 57
So trebul te cheres dacă cărdean iech baro păcato?
Chiar cana iubis but le Iehovas hai des chi zor te na cheres vareso cai daștil te duchavel-les, poiechdata va avela te cheres greșeli. Cu sea cadala, chichiva păcatea si mai bare sar aver păcatea. (1 Corinteni 6:9, 10) Dacă cheres iech baro păcato, na bâstăr că o Iehova dichel-tu cuci vi mai dur hai camel te iertil-tu hai te ajutil-tu.
1. So trebul te cheras ca o Iehova te iertil-ame?
Codola cai iubin le Iehovas sile zurales duchade cana den penghi sama anda o baro păcato cai cărde-les. Tha o Iehova zuriarel-le prin so phendea pesche slujitorenghe: „Chiar cana tumare păcatea sile sar o pohtan zurales lolo, va avena cărde parne sar o iv”. (Isaia 1:18) Cana sicavas căința anda sea o ilo, o Iehova iertil-ame cu sea. So si i căința? I căința si cana fal-ame pharo anda sea o ilo, ci mai cheras so si nasul hai mangas zurales le Iehovas te iertil-ame. Pala codoia, das sea amari zor te paruvas o modo sar gândisaras, te na mai cheras le buchia nasul cai îngărde-ame caring codo păcato hai te avel amen iech phiraimos ujo, cadea sar manghel amendar o Iehova. (Citisaren Isaia 55:6, 7.)
2. Sar ajutil-ame o Iehova prin le phure cana cheras iech păcato?
Cana cheras iech baro păcato, o Iehova phenel amenghe ‘te acharas amende le phure la congregațiache’. (Citisaren Iacov 5:14, 15.) Cadal murșa sas-le numime prin o spirito sfânto hai von iubin le Iehovas hai lesche bacrean. Von sas-le sicade sar te ajutin-ame te avel amen pale iech amalimos chidino le Iehovaia. (Galateni 6:1)
Sar ajutin-ame le phure cana cheras iech baro păcato? Dui sau trin phure va sicavena amenghe andai Biblia sostar sas nasul so cărdeam. Mai but, von va dena-ame sfaturi hai va zuriarena-ame te na mai cheras pale o păcato. Daștinas te phenen amenghe că ci mai daisaras te cheras chichiva buchia andi congregația, ji cana va avela te avas pale sasteveste spiritualo. Cana varecon cherel iech baro păcato hai ci căil-pe, le phure den-les avri andai congregația caște na peravel vi averen, hai cadea sea i congregația sili ferime.
HACHIAR MAI MIȘTO
Va avela te diches sostar si cuci o modo sar ajutil-ame o Iehova cana cheras iech baro păcato.
3. Caște avas pale sasteveste spiritualo, trebul te das duma anda o păcato cai cărdeam-les
Le Iehovas duchaven-les zurales but amare păcatea, anda codoia trebul te phenas-le lesche. Citisaren Psalmo 32:1-5 hai pala codoia den duma:
-
Ando than te garavas amare păcatea, sostar si ande amaro miștimos te phenas-le le Iehovasche?
Cana phenas le Iehovasche amare păcatea hai mangas ajutorii catar le phure, va avela-ame pale liniștea. Dichen o MATERIALO VIDEO hai pala codoia den duma:
-
Sar ajutisarde le phure cadale phrales caște risarel-pe pale co Iehova?
Trebul te das duma anda sea o ilo le phurența. Von camen te ajutin-ame. Citisaren Iacov 5:16 hai pala codoia den duma:
-
Sostar si mai ușoro le phurenghe te ajutin-ame cana phenas lenghe ciaces so cărdeam?
Phen chio păcato, av sincero le phurența hai mech le Iehovas te ajutil-tu pherdo iubirea
4. Sostar si mișto cana varecon silo dino avri anda congregația
Dacă varecon cai cărdea iech baro păcato ci camel te cherel so manghel amendar o Iehova, ci mai daștil te așel andi congregația. Vo silo dino avri andai congregația, hai amen ci mai das duma leia hai nici ci mai beșas leia ande iech than. Citisaren 1 Corinteni 5:6, 11 hai 2 Ioan 9-11 hai pala codoia den duma:
-
Cadea sar iech „țâra plămădeala cherel te bariol sea o humer”, sar va avena codola andai congregația dacă va beșena varecaia cai cărdea iech păcato, tha ci căisardea-pe?
But jene cai sas-le dine avri andai congregația, pala iech timpo risarde-pe pale. Chiar cana duchadea-le o fapto că sas-le ortosarde, cadaia ajutisardea-le te den penghi sama că so cărde sas nasul. (Psalmo 141:5) Dichen o MATERIALO VIDEO hai pala codoia den duma:
-
Sar ajutisardea la Sonia o fapto că sas-li dini avri andai congregația?
Sar o fapto că varecon silo dino avri andai congregația . . .
-
sicavel pachiv caring o anav le Iehovasco?
-
sicavel că o Iehova silo orta hai iubitorii?
5. O Iehova iertil-ame cana căisaras-ame
O Isus sicadea amenghe iech exemplo cai ajutil-ame te hachiaras so si ando ilo le Iehovasco cana varecon căil-pe. Citisaren Luca 15:1-7 hai pala codoia den duma:
-
Anda cadal versetea, so sichios anda o Iehova?
Citisaren Ezechiel 33:11 hai pala codoia den duma:
-
So trebul te cheras caște dichiol-pe amari căința?
Cadea sar iech păstorii, o Iehova lel sama pherdo iubirea pesche bacreandar
UNII MANUȘA PHENEN: „Darav că dacă va avela te phenav le phurenghe o păcato cai cărdem-les, va avela te den man avri andai congregația”.
-
Cana varecon va phenela tuche cadea, tu so va avela te phenes lesche?
SO SICHILEAM
Dacă cheras iech păcato baro tha fal-ame zurales pharo hai camas anda ilo te na mai cheras cadai greșeala, o Iehova va iertila-ame.
So dichleam
-
Sostar si ande amaro miștimos cana phenas amare păcatea le Iehovasche?
-
So trebul te cheras ca amare păcatea te aven iertime?
-
Sostar trebul te mangas ajutorii catar le phure dacă cărdeam iech baro păcato?
RODE MAI BUT
Va avela te diches sar simțosardea iech murș i îndurarea le Iehovaschi cadea sar sili sicadi ando Isaia 1:18.
Te na bâstras niciechdata că o Iehova silo îndurătorii (5:02)
Cana varecon silo dino avri andai congregația, so miștimata anel le coaverenghe cadai buchi?
Va avela te diches sar daștis te phenes varecasche cai ci silo Martoro so însemnol te aves dino avri andai congregația.
Andi relatarea „Trebulas te risarav-ma pale co Iehova”, va avela te diches sostar iech murș cai duriardea-pe catar o ciacimos, simțosardea că o Iehova țârdea-les pale peste.
„I Biblia paruvel i viața le manușenghi” (O Turno de veghe, 1 aprilia 2012)
Poate că fal-tu
PUȘIMATA ȘIUTINE BUTIVAR
So si o studio biblico le Martorența le Iehovasche?
Ande cado studio biblico gratuime le Martorența le Iehovasche, daștis te folosis orisavi Biblia cames. Daștis te achares ca o studio sea chi familia sau oricas cames.
