57 ӶЛАВА

Со трэбуй тэ стерэл о мануш, кала во тердя баро бэзэх?

ВОСПРОИЗВЕСТИ

Дажэ если о мануш фартэ любий лэ Иеговас и старыийпэ тэ уӷодий лэсти, во всаек время времятар шылийпэ. Но исин разница машкар кода, кала о мануш шылийпэ или терэл баро бэзэх (1 Коринфянам 6:9, 10). И если о мануш стердя баро бэзэх, во трэбуй тэ сэрэл, кай о Иегова на парашэл лэс тэ любий, и камэл тэ простий, и тэ поможый лэсти.

1. Со трэбуй тэ терэл о мануш, кай о Иегова тэ простий лэс?

Лэ манушэнди, савэ любин лэ Иеговас, фартэ найдраго, кала полэн, кай стердэ баро бэзэх. Но о Иегова подритярэл лэн кацавэ алавэнца: «Хоть акана тумарэ ӷрехоря сар лоли материя, вонэ ашэна парнэ, сар ӥв» (Исайя 1:18). О Иегова простия, если о мануш анда вся оди каийпэ. Но андар со дицол, кай во каийпэ? Лэ манушэсти фартэ ԥарэс, кай стердя бэзэх и во парашэл када тэ терэл. Кадяжэ во фартэ мангэл, кай о Иегова тэ простий лэс и отшол пэстар и гиндоря или привычки, савэ подындярдэ лэс каринг о бэзэх. Инке во пристол вся пэско зор, кай упалэ тэ жувэл па лэ Дэвлэско законо. (Адиносар Исайя 55:6, 7.)

2. Сар о Иегова поможый через и старейшыноря?

Если о мануш стердя баро бэзэх, тоди о Иегова камэл, кай во тэ пашол каринг и старейшыноря, кай вонэ лэсти тэ поможын. (Адиносар Иакова 5:14, 15.) Кадэла мурша фартэ любин лэ Иеговас и лэ манушэн андэ собрания. Кадяжэ лэ старейшынонэн сытярэн, сар тэ поможын, кай о мануш тэ рий пэстири дружба лэ Иеговаса (Галатам 6:1).

Дуй или трин старейшыноря подэна дума лэ манушэса па Библия и росԥэнэна лэсти, васо кода, со во стердя, — бэзэх англа Дэл. Кадяжэ вонэ дэна лэсти советоря, савэ поможына будэр кадя тэ на терэл. Вонэ подритярэна лэс и ԥэнэна, кай лэстэ вся вижала. Но дэкала лэ манушэсти моӷут тэ ԥэнэн, кай пока лэстири дружба лэ Иеговаса упалэ на авэла лащи, лэсти на дэна тэ терэл дэсави дила андэ собрания. Ай если о мануш на каийпэ, лэс исключин анда собрания, кай авэр тэ на сытён лэстар.

УӶАНАМ МАЙ БУТ

Андэ кадэя ӷлава амэ уӷанаса, сар о Иегова поможый кодэлэнди, ко стердя баро бэзэх, тэ ринпэ по лашо дром. Када поможыя инке май фартэ тэ цэнисарас кода, со во терэл важ амэндэ.

3. Прижандюв андо бэзэх. Када поможыя тэ рий и дружба лэ Иеговаса

Любо бэзэх, саво мануш терэл, — када бэзэх против о Иегова. Важ када пэрво, касти трэбуй тэ росԥэнэн пала бэзэх, — када лэ Иеговасти. Адиносарам Псалом 32:1—5 и подам дума пала вопросо, саво май тэлэ.

Васо лэ манушэсти фэдэр тэ росԥэнэн лэ Иеговасти пала пэско бэзэх, чем тэ гаравэл лэс?

Манушэсти авэла пэ бутэстэ май вушэро, кала во росԥэнэна пала кода, со стердя, най кати лэ Иеговасти, но и старейшынонэнди. Диқам о ВИДЕО и подам дума пала вопросо, саво посли видео.

ВИДЕО: «О Иегова наказывает кодэлэс, кас любий» (3:01)

Сар и старейшыноря поможысардэ кодэлэ ԥралэсти тэ рийпэ каринг о Иегова?

О мануш трэбуй тэ на хохавэл и нисо тэ на гаравэл лэ старейшынонэндар, важ кода кай вонэ камэн тэ поможын. Адиносарам Иакова 5:16 и подам дума пала вопросо, саво май тэлэ.

Васо лэ старейшынонэнди авэла май вушэро тэ поможын манушэсти, кала во росԥэнэн лэнди вся о чачимос пала кода, со стердя?

Если ту стердян бэзэх, росԥэн лэ Иеговасти пала када, прижандюв лэ старейшынонэнди и прилэ помощь

4. Саво лашимос анэн, кала манушэс исключин анда собрания?

Если о мануш, саво стердя баро бэзэх англа Дэл, будэр на камэл тэ жувэл па лэско законо, во нэ можэт тэ ашэлпэ андэ лэ Дэвлэско народо. Лэс исключин анда собрания. Во будэр на дэл дума лэ ԥралэнца и лэ ԥэянца анда собрания и вонэ лэса тожэ на дэн дума. Адиносарам 1 Коринфянам 5:6, 11 и 2 Иоанна 9—11 и подам дума пала вопросо, саво май тэлэ.

Если андо хумэр тэ шос набут дрожы, тоди вся о хумэр ваздэлапэ. Сар када сыкавэл, сар можэт повлиять ек ӷрешнико, саво на каийпэ, пэ вся и собрания?

Бут кодэла, ко сас исключони, потом рисайлэ андэ собрания. Хоть лэнди и сас фартэ ԥарэс, када поможысардя, кай вонэ тэ полэн, со вонэ стердэ (Псалом 141:5). Диқам о ВИДЕО и подам дума пала вопросо, саво посли видео.

ВИДЕО: «Подритярэн лэ Иеговастирэ ришэнии» (9:28)

Сар кадэла ԥьяти поможысардя, кай ла исключисардэ анда собрания?

Кала варикас исключин анда собрания, сар када:

поможый, кай нико тэ на дэл дума найдраго пала Иегова?
сыкавэл, кай вся, со терэл о Иегова, справедливо и кай во любящё?

5. Если мануш каийпэ, о Иегова лэс простия

О Иисусо росԥэндя притча, сави дэл тэ полас, со кай о Иегова по ди, кала о мануш каийпэ. Адиносарам Луки 15:1—7 и подам дума пала вопросо, саво май тэлэ.

Со анда кадэя притча амэ полас пала кода, саво о Иегова?

Адиносарам Иезекииль 33:11 и подам дума пала вопросо, саво май тэлэ.

Сар тэ полэс, кай о мануш каийпэ анда оди?

О Иегова, сар лашо пастухо, драго диқэл пала пэстирэ бакрорэ

ТУТИ ВАРИКО МОЖЭТ ТЭ ԤЭНЭН: «Мэ дарав, кай ман исключина анда собрания, если мэ вся росԥэнава лэ старейшынонэнди».

Со ту ԥэндоп кацавэ манушэсти?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай дажэ если о мануш стердя баро бэзэх, но анда вся оди каийпэ и пристол о зор будэр кадя тэ на терэл, тоди о Иегова лэс простия.