YE TI MANDA 57
Tongana mo sara mbeni kota siokpari, nyen la mo doit ti sara?
Atâa tongana mo ye Jéhovah mingi nga mo gi ti sara kue ti sara pëpe mbeni ye so azia vundu na bê ti lo, na ambeni ngoi mo yeke sara afaute. Ye oko, ambeni siokpari ayeke kota ahon ambeni (1 aCorinthien 6:9, 10). Tongana mo sara mbeni kota siokpari, girisa ape so Jéhovah angbâ ti ye mo; lo yeke nduru ti pardonné mo nga ti mû maboko na mo.
1. Nyen la e doit ti sara ti tene Jéhovah apardonné e?
Azo so aye Jéhovah ayeke na vundu mingi tongana ala bâ so ala sara mbeni kota siokpari. Me tënë so Jéhovah atene na azo ti lo adë bê ti ala. Lo tene: “Même tongana siokpari ti ala ni abe tongana mênë, a yeke vuru tongana neige.” (Ésaïe 1:18). Tongana e changé bê ti e biani, Jéhovah ayeke pardonné e kue kue kue. E yeke changé bê ti e tongana nyen? Tongana e sara vundu mingi ndali ti sioni so e sara, e zia lege ni nga e voro yanga na Jéhovah ti pardonné e. Na pekoni, e sara ngangu ti zi asioni pensé wala asioni sarango ye ti e nga e gi ti sara ye alingbi na aye so Jéhovah ahunda na e ti sara so sioni ayeke dä ape.—Diko Ésaïe 55:6, 7.
2. Tongana nyen la Jéhovah ayeke sara kua na a-ancien ti aidé e tongana e sara siokpari?
Tongana e sara mbeni kota siokpari, Jéhovah ahunda na e ti “iri a-ancien ti congrégation”. (Diko Jacques 5:14, 15.) A-ancien so aye Jéhovah nga na ataba ti lo. A fa na ala tongana nyen ti aidé e tongaso si e peut ti kiri ti duti na nzoni songo na Jéhovah—aGalate 6:1.
Tongana e sara mbeni kota siokpari, a-ancien ayeke aidé e tongana nyen? A-ancien use wala ota ayeke sara kua na awango ti Bible ti kiri na e na nzoni lege. Ala yeke fa na e ambeni ye ti sara nga ala yeke mû na e awango so ayeke aidé e ti sara siokpari ni encore ape. Ala peut ti hunda na e ti sara pëpe ambeni kua na yâ ti congrégation juska songo ti e na Jéhovah akiri aga nzoni si. Tongana mbeni zo asara mbeni kota siokpari na lo changé bê ti lo ape, a-ancien ayeke bi lo na gigi ti bungbi tongaso si lo pusu pëpe ambeni zo ti sara siokpari.
GI TI HINGA AYE MINGI
Gi ti bâ na nene ni mingi fason so Jéhovah ayeke aidé na e tongana e sara mbeni kota siokpari.
3. Tongana e fa siokpari ti e na gigi, songo ti e na Jéhovah ayeke kiri ti ga nzoni
Siokpari kue so e sara, e sara ni na terê ti Jéhovah. Tongaso, a yeke na lege ni ti fa ni na lo. Diko Psaume 32:1-5, na pekoni kiri tënë na hunda so:
-
Ngbanga ti nyen la a yeke nzoni e fa asiokpari ti e na Jéhovah ahon ti gi ti honde ni?
Tongana e hunda nga na a-ancien ti mû maboko na e na peko ti so e fa asiokpari ti e na Jéhovah, e yeke bâ nzoni mingi na pekoni. Zia VIDÉO ni, na pekoni kiri tënë na hunda so:
-
Na yâ ti vidéo so, tongana nyen la a-ancien a-aidé Canon ti kiri na Jéhovah?
E doit ti tene tënë polele nga ti tene tâ tënë na a-ancien, kua ti ala ayeke ti aidé e. Diko Jacques 5:16, na pekoni kiri tënë na hunda so:
-
Ngbanga ti nyen la a yeke ngangu ape na a-ancien ti aidé e tongana e tene tâ tënë?
Fa siokpari ti mo na gigi, tene tâ tënë na a-ancien nga yeda na mungo maboko so Jéhovah amû na mo na ndoye
4. Lege so bingo zo na gigi ayeke aidé lo nga ayeke bata congrégation
Tongana mbeni zo so asara mbeni kota siokpari ake ti sara ye alingbi na aye so Jéhovah ahunda, lo peut ti ngbâ na yâ ti congrégation encore ape. A yeke bi lo na gigi ti bungbi nga e yeke sara songo na lo ape wala e yeke sara même lisoro na lo ape. Diko 1 aCorinthien 5:6, 11 nga na 2 Jean 9-11, na pekoni kiri tënë na hunda so:
-
Gï tongana ti so levure ayeke sara si farine asuku, sarango songo na mbeni zo so asara siokpari so ake ti changé bê ti lo apeut ti sara nyen na aita ti congrégation?
Azo mingi so a bi ala na gigi ti bungbi akiri ndali ti so bingo ala na gigi, atâa so ason, asara si li ti ala aga dä (Psaume 141:5). Zia VIDÉO ni, na pekoni kiri tënë na hunda so:
VIDÉO: Sara ye ague oko na andia ti Jéhovah (9:28)
-
Na yâ ti vidéo so, so a bi Sonia na gigi a-aidé lo tongana nyen?
Tongana nyen la bingo zo na gigi . . .
-
ane iri ti Jéhovah?
-
afa so Jéhovah asara ye ahon ndö ni ape nga lo sara ye na ndoye?
5. Tongana e changé bê ti e Jéhovah ayeke pardonné e
Jésus asara lani kua na mbeni toli so a-aidé e ti comprendre tënë ti bê ti Jéhovah tongana mbeni zo achangé bê ti lo. Diko Luc 15:1-7, na pekoni kiri tënë na hunda so:
-
Ye so afa na mo nyen na ndö ti Jéhovah?
Diko Ézéchiel 33:11, na pekoni kiri tënë na hunda so:
-
Ti fa so e changé bê ti e, nyen la a yeke kota ye ti tene e sara?
Tongana mbeni berger, Jéhovah ayeke pensé mingi na ataba ti lo
AMBENI ZO ATENE: “Mbeto asara mbi ti fa siokpari ti mbi na a-ancien ndali ti a bi mbi na gigi.”
-
Mo yeke tene nyen na mbeni zo so apensé tongaso?
NA NDURU TËNË
Tongana e sara mbeni kota siokpari na e sara vundu biani nga e leke na bê ti e ti sara pëpe ye so ayeke sioni, Jéhovah ayeke pardonné e.
Dango bê
-
Ngbanga ti nyen la a yeke nzoni e fa asiokpari ti e na Jéhovah?
-
Nyen la e doit ti sara ti tene Jéhovah apardonné asiokpari ti e?
-
Tongana e sara mbeni kota siokpari, ngbanga ti nyen la a yeke nzoni e gi mungo maboko ti a-ancien?
GI NDA TI YE
Bâ tongana nyen la mbeni zo abâ nzoni bê ti Jéhovah so a sara tënë ni na Ésaïe 1:18.
Tongana nyen la bingo mbeni zo na gigi ayeke aidé lo nga na aita ti congrégation?
Gi ti hinga tongana nyen la mo peut ti fa nda ti bingo zo na gigi ti bungbi na mbeni zo so ayeke Témoin ape.
Na yâ ti article “A yeke nzoni mbi kiri na Jéhovah,” gi ti hinga ndani so mbeni koli so ague yongoro na tâ tënë abâ so Jéhovah akiri agboto lo na mbage ti lo.
“Bible achangé fini ti azo” (Tour ti Ba Ndo ti lango 1 ti avril 2012)
Bâ nga
ATËNË SO AZO AYEKE HUNDA KA
A-Témoin ti Jéhovah ayeke manda Bible na azo tongana nyen?
Mo peut ti sara kua na traduction ti Bible so mo ye na temps so a-Témoin ti Jéhovah ayeke manda Bible na mo senge senge. Mo peut ti tisa afami ti mo kue wala ambeni kamarade ti mo.
